MARKA 13:7 - PATHIAN LEKHABU THIANGTHO (BSI)

⁷ Kido thu leh kido thuthangte la het tak ua leh lungkham kiu in; zia chu a hung tung ding him ahi; ahi’n, a tawpna chu hinai tadi pua’n a.

MARKA 13:7 ပူးပေါင်းရင်းမြစ်များ

2 SAMUEL 14:14

I leng un thizo ding I hitau hi; luak kit thei tâk lo ding ah, leitual ah tui kibua tawhbang I hitau hi. Himaleh, Pathian in vang hinna khat châle lamang lo ding ahi; nawdaw ah um chu a kum a khua’n a um den saklona dingin, lampi hun gual tuak piak ding ahi.

SAM 112:7

Thusia hetkhak ding a lau puau in; Lalpa ah chun lungthim det in, a muang ui.

SAM 27:3

Ei do-te sepai hon in ei hual vêl ziang maleu, ka lungthim lau pua’n a; do leh gâlte lian maleu, kimuang tak in um zing ing ka.

THUPILTE 3:25

Siatna hung tung phut ding leh, mi nunsiate siat bawlna chule lau diak kin;

ISAI 8:12

A vaisawmnau ah pang kin la, a kichâkteu chule kicha kin la, tiza diak kin.

JEREMIAH 51:46

Zia gam ah thuthang la hiatteu ziakin, lungthuai kiu inla, lau diak kiu in; kum khat ah thuthang khat um intin, kum kit leh thu chuam khat hung um kit intin, a gam sung ah kipawngbawlna thuthang leh, vaihawmte leh vaihawmte kido’na thuthang, hung um ding ahi.

MATTHAI 18:7

Pûknate ziakin khawvel chung a gik hi! Pûknate vang a umlo theilo ahi; himaleh pûkna hun umsak sekte chu a chung uh a gik hi!

MATTHAI 2:3

Lengpa Herod in zia chu a het phat in a lauthawng ta’n, Jerusalem ah mi zosia le a lauthawng tau hi.

MARKA 13:6

Mi tam tak ka min in hung intiu in, ‘Ama chu ka hi,’ ti’n mi tam tak hun pui mang in au.

MARKA 13:8

Nam chuam leh nam chuam kido intiu in; gam chuam leh gam chuam kido intiu in; mun chuam chuam in lîn kilîng intin; kial hung tung in a. Zia chu nauvei kipatna ahi,” a tia.

JOHAN 14:1

La lungthim uh lungkham ki’hen, Pathian la ging ui, keima le ei ging tau in.

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

NASEPTE 17:3

Messiah chun gentheina thuak ah, thina ah kipat thodok ding him a hi’dan chu gunchu tak in a suidawpi ah, a hilchian pek a; “Zia Jesu, a chanchin la kiang ua ka gen hi Messiah chu ahi ngei hi,” ti’n a hil a.