MARKA 1:5 - PATHIAN LEKHABU THIANGTHO (BSI)

⁵ Tichun, Judea tânggam ah kipat leh Jerusalem khawpi mite chu a hung khawm ua; a gitlonateu puang in, Jordan lui ah chun baptisma a hung chang tau hi.

MARKA 1:5 ပူးပေါင်းရင်းမြစ်များ

SAM 32:5

Ziaphatchun, ka gitlona la kiang in ka puang ah, ka khawlona chu ka îm ta pua’n; “Ka sukkhialna chu Lalpa kiang ah thupha chawi ta’ng ka,” ka tin; tichun, ka gitlona chu la ngaidam ta ahi. (Selah)

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

MATTHAI 4:25

Galili lam ah kipat te, Dekapolis khua kipat te, Jerusalem khua kipat te, Judea gam ah kipat te, Jordan gâl ah kipat te chun mipi nasa tak in ama a zui tau hi.

MARKA 1:4

Gamthip ah kipat in Baptispa Johan chu, gitlo ngaidamna ding ah gitlo haisanna baptisma thu gen in a hung pawtdok a.

MARKA 1:6

Johan kivanna chu sangawngsau mul leh savun kawnggâk ah kigâk in, gam bepi leh gam khuaizu a an ahi.

JOHAN 1:28

Zia hi Johan in mi a baptisna mun, Jordan luigâl ah Bethani khua thil tung ahi.

JOHAN 3:23

Johan inle Salim khua kiang ah Ainon ah chun tui a tam ziakin mi baptisma a chansak sek ah, zia mun chun mipi a hung khawm ua, baptisma a hung chang sek un;

JOHAN 5:35

Ama kha thaumei kuang zing leh vâk chu ahi, chomkhat a vâk ah chun kipak tak ah a jal zaw la nop uh kha!

NASEPTE 19:18

Chuleh, a ging tam takte chu a kiphuang ua, a thilhi zosiau chu a tâklang tau a.

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

JAKOB 5:16

Chutichun, sukdam ah la umtheina ding un, la gitlonateu thupha kichawi tuau in la, kipauchaptua piak un. Midik pauchapna chun thil ahi’thei ah, a phachuam hi.

JOSHUA 7:19

Ziaphatchun, Joshua’n Akan kiang in, “Ka chapa, Israelte Lalpa Pathian chu chawihoi inla, a kiang in kiphuang mai in. Bang a la bawl khâ la hita em? ti, tu’ ma ma hin ei hil inla; ka kiang ah îm kin,” a tia.