MALAKI 4:3 - PATHIAN LEKHABU THIANGTHO (BSI)

³ Migilote chu tawden ta’n lau; zia ka hun bawl guatna ni ah chun amau chu la kengpêk nuai ua leivui gual bep hita ding a hiu, sepai honte Lalpa chun a tii.

MALAKI 4:3 ပူးပေါင်းရင်းမြစ်များ

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

2 SAMUEL 22:39

Ka that gam ta’n; a hung thawkit lona ding un ka chuan buang ah; ka keng nuai in a kipuk zo tau hi.

2 SAMUEL 22:43

Leivui gual in ka khen buang ta’n, lampi chung ah buanthuak gual in ka chil tai.

JOB LEKHABU 40:12

Mi kiletsak zosia chu en inla, hiniam in; mi nunsiate chu a umna mun chiat un tawden ma tiam in.

SAM 147:6

Lalpa‘n nuaisia ah umte a domsâng in; mi nunsiate vang lei tual in a septha sek hi.

SAM 49:14

Belam gual ah Sheol â ding ah guat a hiu. Thi’na chu amau chingtu hi’ntin; zang tak in thân a zuan suk un, a mêl uh le bei ngal ta’n a; tichun, Sheol chu a In uh hita’n a.

SAM 91:13

Sakeibaknei leh thangchom chuan den in la tin, sakeibaknei vanglai leh gulpi chu, chuanchil ding la hi.

ISAI 25:10

Zia tâng ah hin Lalpa khut chu, kichawl den ta ding ahi ngal a. Bupawl buaksia khûk ah chotchil ahi gual in, Moab mite chu a umna mun un chotchil in hung um ta’n au.

ISAI 26:6

Migentheite leh mi vaichate keng ah tawden a, pal lumlet in um ta’n au.

KÂ LATE 1:15

Ka gâlhatteu Lalpa‘n bangmalo a sua in; ka tangvalteu hi’chimitna ding, hunbî a pua’n khum tai; nungak thiangtho Judah chu, grep sûkna khûk ah, chil in a chuanchil tai.

EZEKIEL 28:18

La nunsiatna a tam bêk ziak leh, la kiveidan a diklo ziakin, la mun thiangthote la subuak tai. Chutichun, la sung in mei ka hun sêm ah, a hun hâltum tai; nang hun mu zosiate mit mu in, lei tual ah vut la suak tai.

DANIAL 7:18

Himaleh, Chungnung pen ah Mithiangtho chun lenggamte chang intin, kumtuang tiang in changden ta’n a,” a hun ti tai.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

MIKAH 5:8

Chuleh, Jakob mi um nalai sunte chu, nam tam tak in hualvêl ziang maleu, gammâng ah gamsate lak ah sakeibaknei gual leh, belam hon lak ah sakeibaknei vanglai gual in um in au; a pawt daw phat leh chuanchil pek in, bottel malam pek intin, ama ah kipat hukdok ding kuama a um puai.

MIKAH 7:10

Ziaphat chuleh, ka mêlma: “Lalpa la Pathian chu khoi ah um a hem?” ei tite chun mu ta’n tin, mualpho ta’n a. A pukna chu ka mit in mu’n tin; tu’hin chu lam dung ah buanthuak gual ah, chotden in um ta’n a.

ZEKARIAH 10:5

A leng un kido’na gâlhat gual in, a mêlmateu kotzing buanthuak lak ah chuanchil in, gâldo jel ta’n au, Lalpa‘n a umpi ngâl a; tichun, sakol chungchuang mite chu, mualphosak ngei ngei ding a hiu.

MALAKI 3:17

Sepai honte Lalpa chun, amau chu kei â hi’n tiu in, thil ka hun bawl ni phat leh amau chu ka gochan bîkte hi’n tiu in; min a na sep piak a chapa a duat gual un, amau chu hawi ding ka hi.

ROMTE 16:20

Tichun, chamna Pathian chun Setan chu la kengpêk nuai un chuan jawt vak ta’n a. Lalpa Khrista lungsiatna chu la kiang un um ta hen.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 14:20

Khawpi kul pawlam ah uain sûkna khûkpi ah chun a sûk tau a, zia uain sûkna khûk ah kipat chun thisan a luangdok a; zia chun mêl za ni tiang a chûm ah, sakol kamkaina tiang in a thûk hi.