MALAKI 4:2 - PATHIAN LEKHABU THIANGTHO (BSI)

² Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

MALAKI 4:2 ပူးပေါင်းရင်းမြစ်များ

2 SAMUEL 23:4

jingkal khawvak lim gual leh, sûmpi umlo jingkal ah nisa suak gual leh; hampa chung ah gawzu, val sit set gual chu ahi.

SAM 103:3

la manthei lona zosia a ngaidam ah, la natna zosia a hi’dam ah,

SAM 147:3

Thinlung thasete a sudam ah, a liamnateu a tuam piak hi.

SAM 61:5

Aw Pathian, nang in ka thutiamte la ngaitha’n; la min lau dan thiamte ka golua dingin lei pia ta ngal a.

SAM 67:1

Pathian in ei hepi hen la, ei maljawl ta hen; a mêl chu I chung un vâk hen; (Selah)

SAM 84:11

Lalpa Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, Lalpa‘n thilpha him him a ît ngai puai.

SAM 85:9

A hukdamna chu ama laute nai ah chun a um sek in, I gam ua a lopina a um den theina dingin.

THUPILTE 4:18

Midikte lampi chu vang jingkal khawvak, sûn a hung hi masia a vâk phat deu deu gual ahi.

ISAI 30:26

Zia bep chule hilo in, Lalpa‘n a mite liamna a tuam piak ah, a thalchang in a sukliamnate a sukdam piak phat leh, thapi vak dan chu nisa gual hung hi’ntin, nisa vakna chule a le’sagi, ni sagi a vakna kigawm gual in hung vâk ta’n a.

ISAI 35:6

ziaphat chuleh, kengbaite chu, sazuk gual in kichawm ta’n tin, pautheilote chunle lim tak in La hun sadok ta’n au. Gamthip ah tuite hung kikhawdok in, gamkeu ah lui luang del del ta ding ahi ngal a;

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

ISAI 53:5

Himaleh, ei haw bawlkhialna ziak ah hiliam ah um leh, I dukdaklona ziak ua vok thidup ah um ahi ngâl a; ama gawtna thok ziak ah ei haw sukdam ah um in, ama kivok thidupna ziak ah, sukdam ah um I hi’ngâl un.

ISAI 9:2

Thim nuai ah chiate’n vâk nasa tak a mu tau; thimpi’n a jinkhumna gam ah chêngte chung ah chun, vâk a hung suak tai.

JEREMIAH 17:14

Aw Lalpa, ei hi’dam in, chutileh, dam thiang ding ka hi; ei hukdam in, chutileh, hukdam hita’ng ka; ka pâkchat chu nang la hi’ngâl a.

JEREMIAH 30:17

Amau in nang chu pâm pai ah um ahi tai, ti’n tiu in: “E he Zion hi! Kuama’n a ngaisak ta puau hi!” a hun ti ziak un, la hisêlna hun pia kit ing ka tin, la beliamte chu sudam kit ding ka hi ta’ngâl a, Lalpa‘n a tii.

JEREMIAH 33:6

Tungding kit in, sudam kit ding ka hi; sudam ing ka tin, hausakna kiningting tak leh bit tak in umsak kit ing ka.

EZEKIEL 47:12

A lui pang tuak ah chun, nêk thei thing chitin um in a. A tui chu mun thiangtho ah hung luangdok ahiziak in, thingduate chu vuai ngai pua’n tin, a ga le hût ngai pua’n a; thasin in ga thak suang zing zaw’n au; chuleh, zia thing gate chu nêk ding leh a duate chu sukdamna ding hita’n a,” a ti tai.

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

MALAKI 3:16

Chun, Lalpa lau mite a kiho un, Lalpa‘n tepte in a ngaitha’; Lalpa ja ah a min ngaitua zingte chu tepte’na lekhabu chun a ziklut tai.

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

MATTHAI 23:37

Aw Jerusalem, Jerusalem, Jawlneite thattu leh la kiang ah hun kisawlte suang ah a la seplumte! Jawlneite a la that a! Âkpi’n a note a tha nuai ah a awp khum sek gual in bang vei jat ahi tam, ke’n le awp khum ding ka guat hi; himaleh, la nuam puau hi.

LUKA 1:50

Ama ki’chate chung ah chun, a jangaina chu a khang, a khang inle um zing ta’n a.

LUKA 1:78

I Pathian jangaina chu hung kilang in, zia kipat chun chung lam vâk in ei hung kan tha’n tin;

LUKA 2:32

vâk, Jentelte salvâk ding leh, la mi Israelte lopina ding chu,” a tia.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 1:4

Ama ah chun hinna a um in; zia hinna chu mihingte vakna ahi.

JOHAN 1:8

Ama chu vâk chu a hipua’n, zia Vâk thu chu hiatsak ding ah hung a hizawi.

JOHAN 12:40

“Ama’n a mit uh a hi’thûm ah, a lung uh ahi tâk ah; a mit ua a mu lo ua, a lungthim ua a het thiam lo ua, a lung hei lona ding un, achutiloleh a la hi’dam kha ding ka hi,” a ti kit gual in.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

JOHAN 9:4

Sûn ahi pêtcha hin ei sawlpa na ka sep ding ahi: jan hiding ei tai, zia phat chuleh kuama’n na sêm thei ta pua’n au.

NASEPTE 13:26

Suapite haw, Abraham suan um khawmte leh, la lak ua Pathian ki’cha takte haw, zia hukdamna thu chu ei haw kiang ah hun kisawl ahi tai.

NASEPTE 13:47

Lalpa‘n thu ei piak dan chu: ‘Jentelte salvâk dingin ka hun tundaw la hi, lei langkhat tawp chan ah hukdamna lampi taklang dingin,’ ei ti ka hiu,” a tiu a.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

2 THESSALONITE 1:3

Suapite haw, nangmau chung thu ah hin Pathian kiang ah kipak thu gen ding him ka hiu; zia chu hi’ding ah kilawm him ahi, la ginnau chu nasa tak ah khang in, la leng ua la kihepi tua chiatnau chu a khan belap zing ngal a.

2 PETER 1:19

Tichun, genlawkna thu det zaw diak I nei ui, khua a hung vâk ah, jingsol aksi chu la lung sung ua a suak masia, zia chu thim lak ah thaumei vâk a ngaisak gual ua la ngaisak ua leh a hi’pha hi’n lau.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

1 JOHAN 2:8

Himaleh, thupiak thak le ka hun zik tho hi; zia chu ama leh nangmau ah kilang ta chu ahi; thim chu hung bei intin, vâk dik tak chu a hung vâk tangal a.

THUPUAN 11:18

Namte chu a lungna tau a, nangma lungnatna le a hung tung tai; mithite vai la hawm piak ding hun leh, khawvel hi’sete la hi’siatna ding hun tawh, la suak jawlneite, mithiangthote, la min ja, milian leh mineute kipakman, la piak hun chu a hung tung tai,” a tiu a.

THUPUAN 2:28

Ka pa ah kipat thuneina ka mu tâk gual in, a zo te chu jingsol aksi chu pia’ng ka.

THUPUAN 22:16

Kei Jesu hin, zia thute hi kochuamte hiatsak ding ah ka vansawlchâk chu ka sawl ahi. Keima David suan leh a phung bulpi Jingsol aksi vâk chu ka hi, a tia.

THUPUAN 22:2

Khawpi khawlai vêl leh zia luigâl langtua gêl ah chun, hinna thing a kiphu ah, ga chi sawm leh ni in tha si’n in a ga ah; a duate chu nam tinte damna ding ahi.

RUTH 2:12

La nasep ga chu Lalpa‘n hun dit hen la, a thalîm nuai la hun bêl Israel Pathian chun kipak man bukim hun pia ta hen,” a tia.