MALAKI 4:1 - PATHIAN LEKHABU THIANGTHO (BSI)

¹ Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MALAKI 4:1 ပူးပေါင်းရင်းမြစ်များ

JOB LEKHABU 18:16

Nuai lam ah a zungteu chu keu intin, chung lam ah a bâk jamte chule, vuaitha ta’n a.

SAM 119:119

Lei chung ah migilo zosia chu ki’dak gual in la koi a; tichun, la thu hetsakte chu ka thangai ahi.

SAM 37:9

Mi nunsiate chu paithâk in, hung um ding ahi ngal un; Lalpa ngâkte chun vang gam hi la lua’n au.

PAWTDAWNA THU 15:7

La hatna lopi tak ah chun, nangma do-te haw chu, la paitha sik sek tai. La lungnatna chu la sawldok ah, zia chun amau haw chu bupawl gual in, la hâltum tai.

ISAI 40:24

Phû ahi masang leh, tû ahi masang leh lei ah a zung uh a thâk masang un, a chung uh a hun mût sak phatin, a vuaitha zo tau ah; busi gual in huipi chun a tokmang tai.

ISAI 41:2

Sualam ah kipat gâl zotu hun choktho ah, a thilbawl ding sepsaktu chu kua a hem? Namtin a khut in a pedok in, leng leh lalte a keng in a chotchilsak in, chemjam ah sât tel in leivui a suaksak in; busi hui in a mût mang gual in, a thalpi’n a bawl in;

ISAI 47:14

En in, amau bupawl gual bep a hiu, mei in a kâng tum ngâl hi. Mei thilhitheina lak ah kipat in, a kihukdok thei puau hi. Kihailumna ding meiâm um ta pua’n tin, mei awi dingle um ta pua’n a.

ISAI 5:24

Sepai honte Lalpa thuhilna a pom lo ziak uh leh, Israel Mithiangtho a musit tâk ziak un, meikuang in bupawl a kat tum a, mei in hamsawl a kat tum gual in, a zung uh muatden intin, a pâk lun lai uh leivui gual in leng mang in a.

ISAI 9:18

Mei in hampa leh ling a kât tum ah, gammâng nawngte a kât thian a, a meikhu van lam ah a kitun to gual in, nunsiatna chun mei gual in a kâng sek ngal a.

ISAI 9:19

Sepai honte Lalpa lungnatna ziakin, gam pumpi a kâng ta’n; mipite chu a meisel ah a pan tâk ziak un, khat cha’nle midang khat a hukdok thei ta puau hi.

EZEKIEL 20:38

La lak ua kipat mi thukhelte leh ka chung ah thil bawlkhialte chu zendok ing ka tin; malzin gual in a chênnau gam ah kipat puidok ing ka tin, Israelte gam in vang lut pua’n au. Ziaphat chuleh, Lalpa ka hi’dan hun he ta’n lau.

EZEKIEL 21:32

Mei kuangchaw in pang in la tin, la thisan lei khikêk ah lût intin; hetmil in um ta’n la; Keima Lalpa hin ka ti ta’ngal ah, ti in.

EZEKIEL 24:11

Sumbêl a hung sat ah, a khîk leh a tuiêk a kat tum ah, a bêl a val theina dingin, meihol âm chung in suang un.

EZEKIEL 34:17

Chuleh, nanghaw ka gan honte â dingin, Lalpa Pathian in zia gual hin a gen hi: belam hon lak ah vaihawm ing ka tin, kêlchal leh kêlpite lak inle vaihawm ding ka hi.

EZEKIEL 7:10

Ngai in, a ni chu! En in a hung tung hi! La siatna ding a hung kuangdok tai. Mol chu a seldok ta’n, kisaktheina chule a mûmdok tai.

JOEL 2:1

Zion ah pengkul mût un; ka tâng thiangtho ah chun patau aw sua un! Gam ah chêngte zosia lau in kithing tau hen. Lalpa ni hung tung ding ahi ta’ngal a; zia hi a nai tai;

JOEL 2:31

Lalpa ni lopi tak leh tizat um tak a hung tun masang in; nisa thim intin, thapi le thisan suak in a.

AMOS 2:9

Chutisapi’nle, a âng ua kipat, sidar thing gual ah sâng leh, gangpi thing gual ah detdote Amorte chu ka susia ta’n; chung lam ah a ga leh nuai lam ah a zungte ka hisiat piak hi.

OBADIAH 1:18

Jakob Inkuan chu mei hi’n tin, Joseph Inkuan chu meikuang hi’n tin, Esau Inkuan chu pawl tawhbang hi’n a; ama chu kâng intin, kâng tum intin, Esau Inkuan ah a suakcha um pua’n a; Lalpa’n a ti’ngal a.

NAHUM 1:10

Linggui kiphanchak gual ah phanchak in a um tau in, zungolveite gual in a kham zo tau; bupawl keugawp mei in a kâttum gual in a um zo tau hi.

ZEPHANIAH 1:14

Lalpa ni lopi tak chu a nai tai, a nai in, a hung tung ziang dingin a kin hi; Lalpa ni husa chu a tizat um in, gâlhatte le beidong in kap jak ta’n au.

ZEPHANIAH 1:18

Lalpa lungnatna ni ah chun a dangkau leh, a sanau in amau chu hukdok thei pua’n tin; a lungnatna mei chun gam pumpi hi kâng tum ta’n a. Lei chung lua zosiate tawpna ni, huaisia tak chu tunsak ding ahi ngal a.

ZEKARIAH 14:1

Ngai un, Lalpa vaihawmna ni hung tung ding ahi tai; zia phat chuleh, la van uh a hun lâkpiakteu chu la mit mu ngei un kihawm ta’n au.

MALAKI 3:15

Tu’hin, mi kiletsakte chu mi nuamsa I tiu ah; thil phalo bawlte chu a vangphat mai uh le hilo in, Pathian a patep lai unle a suakcha nalai un,” I tiu a.

MALAKI 3:18

Zia tak chuleh, midik leh migilo kikhiak dan leh, Pathian nasêm leh sêmlote kikhiakna mu chian ta’n lau.

MALAKI 3:2

Aleh, a hung ni chu kua a hem thuak zo ah, a ma-âng ah ding zo ma ma ding? Ama chu hâlthianna mei leh puansawpte sabon mat lai gual ahi ngal a;

MALAKI 3:3

ama chu dangka thîk hâlthiangpa leh suthiangthopa gual in kitung intin, dikna thillatte Lalpa âng ah a hun choi kit masangsia’n, Levi suante chu sana leh dangka sukthiantho ahi gual in, hun suthiangtho ta’n a.

MALAKI 4:5

Ngai un, Lalpa ni lopi leh tizat um tak chu a hung tun masang in, jawlnei Elijah hun sawl ding ka hi.

MATTHAI 3:12

A khut in phajâp a chawi ah, a bu’te chu hun jap thiang intin, a bupang ah chun koihe in a. Busite vang chu mei mitthei lo ah chun hâl ta’n a,” ti’n a gen a.

LUKA 19:43

Bangtik ni a hem leh la mêlmate chun kul in hun ûm khum intiu in; hun châng kîmvêl intiu in, a ning a ning in hun ûm bichil intiu in.

LUKA 21:20

Chuleh, Jerusalem chu sepaite’n a hun ûm uh la mu tak ua leh, a hawm ah a umna ding chu a nai tai, ti he ziang un.

LUKA 6:23

ziaphat chuleh lim unla, kipak in kichawm un, van ah la kipakman ding uh chu a nasa ngal a. Zia gual ma chun, la pi leh puteu inle jawlneite chung ah khan a la bawl tangal un.

2 THESSALONITE 1:8

Pathian helo mi leh I Lalpa Jesu chanchinpha ginglote chung ah phuba a lâk ding chu;

2 PETER 3:7

Himaleh, zia thu ma ziak ah chun, tu’ ah vante leh leisiat um nalaite hi, mei ah hâl tum ding ah koi a hiu in, Pathian ngaisak lo mite chu vaihawm ni leh manthaina ni ah suksiat ding ah khêk in a um tadi ahi.