MALAKI 3:8 - PATHIAN LEKHABU THIANGTHO (BSI)

⁸ Mihing in Pathian a suam ngai em? Nang un vang lei suam zing uh ahi! Nang un vang, “Bangti’n ka hun suam ua a hem?” la tiu ah. La sawm ah khat leh thawlawm thillat un lei suam sek uh ahi!

MALAKI 3:8 ပူးပေါင်းရင်းမြစ်များ

SAM 29:2

Lalpa kiang in a min lopina piau inla, thiangtho hoina kijem in Lalpa ho tau in.

THUPILTE 11:24

Hawm jak tam chu pun zawk diakna ahi’n; a piak dingsa ziang le pedok nuamlote chun tâksapna tuak in au.

ISAI 43:23

Hâlmang thillat dingin la belam lei pia ngai pua’n, la thil latte ah chunle jana lei pia puai. Thil latte ah puakgik ka hun guan pua’n, gimtui hâlna’nle ka hun hi’gim puai.

THIAMPUTE LEKHABU 19:25

Himaleh, kum nga a tin phat leh, nang uh â ding ah a ga a tam sem theina dingin la nêk ding uh ahi; Keima hi Lalpa la Pathian uh ka hi’ngâl a.

ZEKARIAH 5:3

Tichun, ama’n, “Zia hi gam pumpi chung ah hânsia lêngdok chu ahi; kuale gucha taphot chu a lekhabu langkhat ah kizik gual in paithâk in um intin; chuleh, diklo tak ah kihaksial taphot chule a langkhat ah kiziksa gual ma’n sâtthâk in um in au.

MALAKI 1:13

“Ningtelsak ahi,” la tiu a, la nâk uh la nîlsak ui, sepai honte Lalpa chun a ti ahi. Thagum ah la lâkpiakteu, a kengbai a hem, a hisêl lo a hem haw chu la hun lân ta mai un! La khut ua kipat in zia gual thilte chu a la pom ding ka hia hem? Sepai honte Lalpa chun a ti ahi.

MALAKI 1:8

Kithoina ding ah gancha mitthûm la hun lat uh hi la bawl dik nau em? A kengbai a hem, a hisêl lo a hem la hun lat sek uh hi bawlkhial kisa lo la hiu em? Zia gual te chu la gam vaihawmteu vapia ma tiam un; ziate chu kipakpi ma ma in, doisakna a hun pena ding awm? sepai honte Lalpa chun a ti ahi.

MATTHAI 22:21

Amau chun, Kaisar, a tiu a. Ziaphatchun, a kiang un, “Kaisar thilte chu Kaisar kiang in piau inla, Pathian thilte chu Pathian kiang in pia tau in,” a tia.

MARKA 12:17

Ziaphatchun, Jesu’n a dawnhu a, “Kaisar thilte chu Kaisar kiang in piau inla, Pathian thilte chu Pathian kiang in piau in,” a tia. Amau chun lamdang a sa ma mau hi.

LUKA 20:25

Ziaphatchun, “Kaisar thil chu Kaisar kiang in piau inla, Pathian thilte chu Pathian kiang in piau in,” a tia.

ROMTE 13:7

Mi zosia kiang in piak ding chu pia mai un; leiman piakna ding ah chun leiman piau inla; Sia piakna ding ah Sia piau inla, kichâk ding chu kichâu inla, ja ding dawl chu ja tau in.

ROMTE 2:22

Ângkawm lo ding ahi ti mi hilsek chun, nang in âng la kawm sek maw? Nangma milim ho ding zada chun, milim hona thilte la gu sek maw?

JOSHUA 7:11

Israelte’n thil a hi’khial tau ah; ka thuthung vop phat ding ka ti chung in a talêk ua; thilpiak khen khat a kilak ua, a guu ah, lepchia tak in a tawi un, amau thil neisate lak in a koikhawm tau hi.