MALAKI 3:7 - PATHIAN LEKHABU THIANGTHO (BSI)

⁷ La pu leh pateu hun lai ah kipat khan ka dan thuguatte la kihei mangsan un, la zawm ta puau hi. Ka lam ah hung kihei kit mai un, keile nang uh lam in hung kihei kit ing ka, sepai honte Lalpa chun a ti ahi. Ahi’n, nang un, “Bangti’n hung kihei kit ding ka hiu em?” la tiu a.

MALAKI 3:7 ပူးပေါင်းရင်းမြစ်များ

NEHEMIAH 9:26

Chutisapi’nle, thu a mang puau ah, a hun do nalai lai un; la dan thute chu nungngat in, nang lam ah a kihei kitna ding ua thumop la jawlneiteu chu a la that un, nasa tak in la min a gensia tau hi.

ISAI 65:2

Mipi helmangte lam ah chun, sun nitum tum in ka khutbânte hi ka jak zing ah, amau chun lampi diklo a zui un, amau lemguat dungzui in a um un;

JEREMIAH 16:11

a kiang un zia gual hin la gen ding ahi: “La pu leh pateu in ei nusia in pathian dang zui in, a na sêm in, a la ho tau a; keima ei taisan in, ka dante le a zui ta puau hi, Lalpa‘n a ti’n;

JEREMIAH 16:12

la pu leh pateu sâng ah sezaw’n la hung um nalai un, la leng un zia tak ah hin ka thu ngai lo in, la doinau phalo tak chu lu’lul tak in la zui tei tei nalai ui.

JEREMIAH 3:22

“Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang Lalpa chu ka Pathian uh la hi’ngal a”.

JEREMIAH 7:25

Aigupta gam ah kipat la pu leh pateu ka la puidaw ah kipat tu’ni tiang hin, ka suak jawlneite zosia kha nisi’n in la kiang un ka hun sawl a;

JEREMIAH 7:26

ahiziak in, ka thu gen ngaisak lo in, a lochal ten nalai ui. A pu leh pateu sâng ah khawk zaw sêm in a um ui.

EZEKIEL 2:3

Ama’n ka kiang in, Mihing, ka chung ah nam helmang, Israel mipite kiang in ka hun sawl la hi; a pu leh pateu khang ah kipat tu’ni tiang in, ka chung ah thil a bawl khial tau ahi.

EZEKIEL 20:13

Himaleh, Israel Inkuante chu gamthip ah khan ka chung in a hel un; ka dan bawlte zui lo in, ka thuguatte chu zawm lo in, zia chu zawm ah mi tin in a hinna ding uh chu a nol tau ah; chuleh, ka sabbath nite le huaisia tak in a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

EZEKIEL 20:21

Himaleh, a chateu chu ka chung in a hel tau a; ka thuguatte chu zui lo in, ka vaihawmnate chu mitin in a zui ua, a hinna ding uh chu zawm dingin a vop diak puau in; ka sabbath nite le a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

EZEKIEL 20:28

A kiang ua piak ding ah ka tiamna gam ah ka pui lût phatin, tâng sâng leh thingbuk lak tincheng in kithoina leh lungnat chok tho ding thillat a lân ui.

EZEKIEL 20:8

Himaleh, ka chung in a hel un, ka thugen le ngai lo in, a lak ua pakhat chânle a mit ua a mu nop tun tun uh ki’dak umte a paimang nuam puau ah, Aiguptate milim chule a haisan diak puau hi. Ziaphatchun, Aigupta gam sung ah a chung un ka hachang thakna but khum ing ka tin, ka lungnatna a chung ua sua ding ka ngaitua tai.

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

ZEKARIAH 1:3

Ziaziakchun, a kiang un: Sepai honte Lalpa chun zia gual hin a gen hi: Sepai honte Lalpa‘n ka kiang lam ah hung kihei kit un, keile nang uh lam in hung kihei kit ing ka, sepai honte Lalpa‘n a tii.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MALAKI 3:13

Keima demna thu khau tak tak in la gen tau hi, Lalpa‘n a tii. Ahi’n, nang un, “Bang gual bep in ka hun dem tau em?” la tiu a.

MATTHAI 23:27

Lekhazikte leh Pharisai miphalêmte haw, la chung uh a gik hi! Thân a pawlam mêlpha tak ah kijut vam ah, a sunglam mithi gu leh thilbuak tincheng ah dim tawhbang la hiu.

LUKA 15:16

Kuama’n nêk ding bangma a piak lo ziak un, vokchate thil hawng nêk haw chule a ducha tai.

ROMTE 10:21

Himaleh, Israel mite thu ah chun, “Thununglote leh nialhatte ziakin sun nitum in ka bân ka jak sek hi,” ti’n a la gen kit hi.

ROMTE 10:3

Pathian ah kipat dikna ngaisak lo in, amau dikna bep sukdetna ding hawl in, Pathian dikna chun a kipelut diak puau hi.

ROMTE 7:9

Tu’ma lam in Dan lo in ka la hing ah; himaleh, thupiak chu a hung um phat chun gitlona chu chawthaw in a hung um ah, keima chu ka thi ta ahi.

DAN LEKHABU 31:20

Bawngnawi leh khuaizu luanna gam, la pu leh pateu kiang ah piak ding ah ka la kitiamna gam chu la hung luau ah, vâ leh tai tak ah la um ua, la hung thau phat un pathian dangte ngaisak in, a nau sêm in, keima ei musit in, ka thuthungte la hun bawtsia tau a.

JAKOB 4:8

Pathian chu nai un; tichun, ama’nle hun nai in a. Nang uh mi gilote haw, la khut uh sil thiang unla, nang uh mi phalêmte haw, la lunggil uh hithiang un.