MALAKI 3:6 - PATHIAN LEKHABU THIANGTHO (BSI)

⁶ Keima Lalpa hi ka danglam ngai paw’ngal a; ziaziakchun, aw Jakob chate haw, mangthai pua’n lau.

MALAKI 3:6 ပူးပေါင်းရင်းမြစ်များ

THILSIAM THU 15:18

Zia ni ngei ah chun Lalpa’n Abram kiang in thutiam a bawl ta’n: “Zia gam hi Aigupta luipi ah kipat Euphrates luipi tiang in,

THILSIAM THU 15:7

Chun, a kiang in, “Zia gam hi lua ding ah Kaldaite gam ah Ur khua kipat hun puidokpa Lalpa kha keima hi ka hi,” a ti’n.

THILSIAM THU 22:16

“Zia thil hi la hi tâk ziak leh, la chapa neisunle itcha lo ah lei piak tâk ziakin, keima ka kitiam hi, Lalpa’n a ti’n:

SAM 102:26

Ziate chu hung mang intin, nang vang um zing inla; ziate chu pua’n gual in hung chul ta’n a. Puanlui gual in theng in la tin, mangthai ta’n au;

SAM 102:27

nang vang a ngai ngai ahi’n, la kum inle tawpni a nei puai.

SAM 102:28

La suakte chate chu bit tak in um intiu in; a suan leh pâkteu chu la ma’n phudet hi’n au.

SAM 103:17

Lalpa ngilnei hepina vang, ama laute chung ah kumtuang ah pat, kumtuang tiang in um intin; a dikna chule a suan a pâkte tiang in um intin;

SAM 78:38

Ahi’n, ama chu lainatna dim ahi ziakin, a khawlonau chu ngaidam in amau chu a gawt chimit diak puai. A lungnatna a kisûm ah, a hachang thakna zosia chu a choktho nuam puai.

SAM 78:57

kihei mangsan nalai in, a pu leh pateu gual ah, ginum lo tak in a gamta tau ah; thalpi lamzang lo gual in a pêt kawi tau hi.

ISAI 41:13

Keima, Lalpa la Pathian in, la khut changlam ka tuzing ngâl a. La kiang ah: “Lau kin, hun panpi ding ka hi,” tipa chu keima ka hi’ngâl a.

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

ISAI 46:4

la têk nung ua, la samkân tiang unle, hun som ding chu Keima hi ka hi. Ka siamsa la hiu ah, hun enkol zing ding ka hi’n, hun pua’ng ka tin, hun hukdam ding ka hi.

JEREMIAH 32:27

“Ngai in, keima Lalpa hi, mihing zosiate Pathian chu ka hi; kei â dingin a haksa talua bang a um em?” ti in.

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

HOSEA 11:9

Ka lungnatna huaisia tak chu mualsua pua’ng ka tin; Ephraim susia kit pua’ng ka; mihing hilo in Pathian nangmau lak ah, Thiangthopa chu ka hi’ngal a. Chuleh, lungna kawm inle hung lo ding ka hi.

HABAKKUK 1:12

Aw Lalpa ka Pathian uh, ka Mithiangtho, malai pek ah, kipat kha um hilo la hem? Thi him him pua’n lau. Aw Lalpa, amau chu vaihawm ding ah, la teptêsa a hita’n; aw ka Suangpi, nangma’n amau chu, gawt dingin la namdet tai.

KISIMNA LEKHABU 23:19

Pathian chu mihing gual ah lepchia a hipua’n; eihaw thitheite gual ah a ngaidan theng ngai lo ahi. A mualsua lo dingin a kitiam ngai em?

ROMTE 5:10

A mêlma I hi’lai a bawn, a Chapa thina ziak ah Pathian tawh kicham I la hi tâk uh chun, kicham a I um tâk nung uh hin, a hinna ziakin hukhin in um ngei hitiu.

PHILIPPI 1:6

Nangmau ah nasep pha panpa khan, Jesu Khrista ni tiang in sêm bukim ngei in ah ti chu, ka gingcha ahi.

HEBRAITE 13:8

Jesu Khrista chu jani leh tu’ni leh kumtuang in a ngai ngai ahi zing hi.

HEBRAITE 6:18

Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

THUPUAN 22:13

Kei Alpha leh Omega, a masa pen leh a nunung pen, a bul leh a tawp chu ka hi.

1 SAMUEL 15:29

Zia bep chule hilo in, Israelte lopina Pathian chu, a thu kile’kit pua’n tin, a lungle hei diak pua’n ah; ama chu a lungthim theng vet vut mihing gual ahi paw’ngâl in,” ti’n a gen tai.