MALAKI 3:5 - PATHIAN LEKHABU THIANGTHO (BSI)

⁵ Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

MALAKI 3:5 ပူးပေါင်းရင်းမြစ်များ

THILSIAM THU 20:11

Abraham in, “Zia khua hin Pathian launa um paw ngei intin, ka ji ziak ah hin ei that kha’n au ti ka lau ziakin ka la gen ahi:

THILSIAM THU 42:18

A nithum ni chun Joseph in a kiang un, “Zia gual hin bawl leu chin hing in lau, Pathian ka lau ngal in:

NEHEMIAH 5:15

Ka ma-âng ah gam awp ah a la pangsate khan, mipite ah kipat nêk leh dawn, uain a lâkpiak bep uh le hilo in, dangka shekel sawmli a la liausak in, a la sugenthei ma mau a. A suakteu nasan le mipite chung in a la kilalsak ma mau ah; ke’n vang Pathian ka lau ziakin, zia gual chun ka bawl nuam puai.

JOB LEKHABU 31:12

Abaddon tiang ah kâng tum ding leh, ka bu ât ding zosia zung kaldaw ding chu ahi ngâl a.

JOB LEKHABU 7:2

Suak nasem in dailîm a ngainat ah, sum law ah nasemte’n a law’u mu kâl a ngaklel gual un,

SAM 36:1

Bawsiatna chun mi nunsiate lungthim gil tak in thu a gen a; a mitmuu in Pathian launa him him a um puai.

SAM 81:8

Aw ka mite haw, ka hilna thu hi ngai un; Aw Israel, ka thu ngaitha nuam ta maleu chin uh aw!

SAM 96:13

Lalpa ma ah chun; ama a hung ngal a, lei chung vaihawm dingin a hung ngal a. Ama’n khawvel hi dik tak in vaihawm piak intin, mi zosia a thu tak in vaihawm piak ding ahi.

SAM 98:9

khawvel vaihawm ding ah hung Lalpa ma ngei ah chun. Ama’n khawvel hi dik tak in vaihawm piak intin, doichuam neilo in nam zosia vaihawm piak ding ahi.

PAWTDAWNA THU 1:17

Himaleh, naulaidomte chun Pathian a lau un; Aigupta lengpa thupiak gual ah bawl lo in, pawsal nausente chule a la hinghoi sek un.

PAWTDAWNA THU 18:21

Chuleh, mipite lak ah kipat mi matthei, Pathian lau, mi thudik, golgûkna doilote chu têldok inla: zia gual mite chu sang khat chung ah te, za khat chung ah te, sawmnga ah chung ah te leh sawm khat chung ah te vaihawm dingin a chung un koi inla;

PAWTDAWNA THU 20:7

Lalpa la Pathian min chu la sua tempot lo diu ahi; a min sua tempot taphot chu Lalpa’n thiamchang ah, suachâksak lo ding ahi ngal a.

PAWTDAWNA THU 22:20

Kua hileh, Lalpa hilo, pathian dang kiang ah kithoina la’n taphot chu thitâk ah thiamlo chang ahi.

THUPILTE 16:6

Thu awina leh ginumna chun khawlona a silthiang thei in; Lalpa launa ziakin min gitlona a jamsan thei sek ui.

THUPILTE 8:13

Lalpa launa chu thil phalo huatna ahi. Chapona leh kihisakna leh, thil phalo chîngte leh a kalek ah thugente hi, ka huat lam tak ahi.

ISAI 57:3

Nanghaw, mitvaidawi thiam chate, nawchizuakte leh ângkawmte suan leh pâkte haw, hung un.

JEREMIAH 23:10

Gam chu ângkawmna ngen in a dim tai; hânsia law khum ahi’na ziakin, gam chun a sûn ah, gamthip ah gantatna munte chule a keugawp tau hi. A tawidan uh chu a diklo ngen leh, a hatnau chule a diklo lam ngen ahi tai.

JEREMIAH 27:10

La gam ua kipat gamla tak ah pui mang la hitheina ding ua, la kiang ua zuau thu a hun gen piak sek uh ahi ngal a; hun nawdok ing ka tin, mangthai ngei ngei ding la hiu.

JEREMIAH 27:9

Nanghaw’n vang, la jawlneiteu, la âisân thiamteu, la mang mat mi teu, la mi bum thiamteu leh la dawi thiamteu, la kiang ua, “Babulon lengpa suak in pang talojen in lau,” ti ah thu gente chu ngaitha kiu in.

JEREMIAH 29:23

Israel gam ah gitlona huaisia tak a la bawl tau in: a Invêngteu jite tawh a jawntat un; chuleh, ka thupiak lo in ka min in zuau thute a gen un; keima a umchan uh hepa leh a hiatpipa ka hi, Lalpa‘n a tii.

JEREMIAH 42:5

Amau inle Jeremiah kiang in, “Lalpa, la Pathian in ka bawl ding ua nangma kiang ah a hun piak dungzui tak ah, ka bawl lo ngei ngei uh chun, Lalpa chu ei hetpi dik leh ginum hi mai hen la.

JEREMIAH 5:2

Lalpa min sal in kitiam sek maleu, zuau ah kitiamna bawl mai mai a hiu.

JEREMIAH 5:29

Zia thilte ziak ah hin, gawt lo ding ka hem? Zia gual thilbawl namte chu, thuk lo ah koi mai ding ka hi em? Lalpa‘n a ti ahi.

THIAMPUTE LEKHABU 19:13

La Invêngte la lepbawl kin la, la gûk lo ding ahi; la mi gawina thaman chu la jan giaksak lo ding ahi.

THIAMPUTE LEKHABU 20:10

Kuale, a Invêngpa ji tawh ângkawm chu, a ângkawmnu leh a ângkawmpa chu thalup gêl ding a hiu.

THIAMPUTE LEKHABU 20:27

Phunsân leh dawi thu mang numei hi hen la pawsal hileh, tha ngei ngei ding a hiu; suang ah se’lup ding a hiu: A thisan mawu kipuak ta’n au, ti’n a gen a.

THIAMPUTE LEKHABU 20:6

Dawithiam lam ah kihei leh bum thiam zui ah thanghuaite chu do dingin ângngat ing ka tin; a chipite lak ah kipat paitha ding ka hi.

MIKAH 1:2

Nang uh chitinte leh lei lung leh, a sung ah um zosiate haw, ngai un; Lalpa chu a biak In thiangtho ah kipat in a hung pawt in, Lalpa Pathian chu nang uh kãl ah hiatpitu hita hen.

HABAKKUK 1:12

Aw Lalpa ka Pathian uh, ka Mithiangtho, malai pek ah, kipat kha um hilo la hem? Thi him him pua’n lau. Aw Lalpa, amau chu vaihawm ding ah, la teptêsa a hita’n; aw ka Suangpi, nangma’n amau chu, gawt dingin la namdet tai.

ZEKARIAH 11:12

Chuleh, a kiang un, “Kilawm la sak ua leh ka tha man chu ei piau in; kilawm la sak lo ua leh ei piak dâ tau in,” ka ti’n. Tichun, ka law dingin dangka shekel sawmthum chu ei te’daw piak tau a.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MALAKI 2:14

Nang unla, “Bang ziak ah ei pom lo a diam?” la tiu a. Nang leh la khangdawng lai ji kikâl ah hiatpitu chu Lalpa ahi’n, la koppi leh thuthung siam ah la ji ahi sapi’nle la lepbawl san tai.

MALAKI 2:17

La kam suakteu chun Lalpa la suthachawl tau a. Nang unla, “Bangti’n em ka hun sukthachawl uh?” la ti nalai un. Nang un, “Thil phalo bawl tapo chu Lalpa mit mu ah pha a hiu ah, a chung un a kipak hi,” la tiu leh, “Dikna Pathian chu khoi ah um ahi tam?” la tiu hin, la suthachawl uh ahi ngal a.

LUKA 23:40

Himaleh, pakhat zawk chun a hun gai a, “Pathian la lau paw maw? Ama tawh thiamlo channa kibang tak ah gawt ah I um hi,

ROMTE 3:8

Bang ding ah mi khenkhat in ei hêk ua ka gen lo ei gensak gual un, “Thilpha a hung tun theina dingin, thil phalo bawl hitiu” I ti zawk lo uh? Zia gual mite chun thiamlo a chan uh chu a dik hi.

DAN LEKHABU 15:13

Chuleh, la suak pawsal chu la pawt dawsak phat leh, khutngawn in la chiasak lo ding ahi.

DAN LEKHABU 18:10

La lak ua kuale a chapa a hem, a chanu a hem mei ah kithoina ding ah pia a hem, phunsânte, thugenlawk chîngte, ngaibel chîngte, dawi bawl chîngte,

DAN LEKHABU 24:17

Gamdang mite leh nauchagate chung thu diklo tak ah vai la hawm piak lo ding uh ahi; meithâi sil leh chên le banda la lâkpiak lo ding uh ahi.

DAN LEKHABU 27:19

Gamdang mite, nauchagate leh meithâite diklo tak ah vaihawm piakte chu hânsiadong in um tau hen, tiu hen la. Mipi zosia’n, “Amen,” ti’n dawnhu tau hen.

DAN LEKHABU 5:11

Lalpa la Pathian min chu diklo tak ah la mat ding ahi puai; Lalpa‘n ama min diklo tak ah mang tapo chu gawt lo ah koi lo ding ahi ngâl a.

1 THESSALONITE 4:6

zia thu ah chun kuama’n chawnvâl in a unau chung in thil phalo bawl ki’hen; Lalpa chu zia gual ah bawlte chung ah phuba la sek ahiziak in, ka hun hillawk un, ka hun hiatsak zo tau hi.

HEBRAITE 13:4

Mi zosia’n kichenna hi jau hen la, jalkhun le sukbuak hi ki’hen; tasualte leh ângkawmte chu Pathian in vaihawm piak ding ahi.

JAKOB 5:12

Zia zosia chung ah chun, ka suapite haw, van a hem, lei a hem leh thil dang him him sal in kihaksial kiu in. “Ahi,” la tiu chu ahi hi mai hen la, “Hilo,” la tiu chu hilo hi mai hen; thiamlo la chanlona ding un.

JAKOB 5:4

Ngai un! La lou uh tho ah sum thalawte thaman, dawha la tuktân piakteu chu a kikodok tau hi; bu âtte kiko chule sepai honte Lalpa nakhang in a lût tai.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

THUPUAN 22:15

A pawlam in uichate, dawithiamte, thânghuaite, tualthatte, milim hote leh juau thu dawi leh juau thugen chîngte um in au.