MALAKI 3:3 - PATHIAN LEKHABU THIANGTHO (BSI)

³ ama chu dangka thîk hâlthiangpa leh suthiangthopa gual in kitung intin, dikna thillatte Lalpa âng ah a hun choi kit masangsia’n, Levi suante chu sana leh dangka sukthiantho ahi gual in, hun suthiangtho ta’n a.

MALAKI 3:3 ပူးပေါင်းရင်းမြစ်များ

SAM 116:17

Kipakna thillat pia’ng ka tin, Lalpa min ko ta’ng ka.

SAM 4:5

Lalpa kiang ah kithoina dik tak lân unla, ama taksang un.

SAM 4:6

“Thilpha bang jat a hem mu thei tave leu hin aw! Aw Lalpa, la mêl vâk in ei hun salvâk ta’n,” ti tampi a um ui.

SAM 50:14

Pathian kiang ah kipak thu genna kithoina la’n zaw’n la; la thutiam le Chungnung Penpa kiang in mualsua ta’n.

SAM 50:23

Kuale kipak thu genna kithoina hun lân tapo in ei chawihoi sek un; lam dik zui tapote kiang in, Pathian hukdamna musak ing ka’ ” a tii.

SAM 51:19

tichun, kithoina dik tak, hâlmang thilpiak leh hâlmang pumpiak chung ah hin, kipak ta’n la tin; ziaphat chuleh, la mâichâm ah, bawgchalte lat hita’n a.

SAM 66:10

Aw Pathian, nang in lei patep ta’n; dangka haltuina mei ah chet ahi gual in lei chian tai.

THUPILTE 17:3

Dangka thik chu bêl ah awmtui ah sukthian ahi’n, sana chu meipi ah hâl thiantho a hisek in; lungthim ngaituana chu vang Lalpa‘n a patep sek hi.

THUPILTE 25:4

Dangka thîk ah êksuak chu ladok inla, tichun, bêl sêkpa’n ûm leh bêl ah sêk ding van nei in ah;

ISAI 1:25

La chung ah ka khut lâm ing ka tin, nangma ah ki’dak bek chu, changaltui ah diakua gual in, sawp thiang ding ka hi.

ISAI 48:10

En in, ka hun hâl thian la hi tai, dangka thîk hâl thian gual chu hilo in; sukgentheina meikuang lak in ka hun patep la hi tai.

ISAI 61:6

nanghaw chu vang Lalpa thiampute ti’n um in la tin uh, I Pathian uh nasêmtute min vua in um in lau; namtin hausakna chên in la tin uh, a neinungnau chu kisuanpi ta’n lau.

JEREMIAH 9:7

Ziaziakchun, sepai honte Lalpa‘n zia gual hin a gen a: Tu’hin amau chu ka thît thiantho ah, ka patep lo ngal leh, zia ka mipi gilote chung ah hin, bang dang le bawl ding ka nei em?

EZEKIEL 20:38

La lak ua kipat mi thukhelte leh ka chung ah thil bawlkhialte chu zendok ing ka tin; malzin gual in a chênnau gam ah kipat puidok ing ka tin, Israelte gam in vang lut pua’n au. Ziaphat chuleh, Lalpa ka hi’dan hun he ta’n lau.

DANIAL 11:35

A lak ua mipil khenkhatte chu hi’thiantho a hiu ah, thiangtho ah, buak kâi lo ah a umtheina ding un, hun tawpni a tun masang sia’n pûk ta’n au; a hunbî guat ah umsa a tun ma’n zalenna um ding ahi ngal a.

DANIAL 12:10

Mi tam tak chu hi’thian ah um in thiangtho in, buak kâi lo in um in au; himaleh, migilo chu gilo tak in umden mai tau hen. Migilote lakah khat cha’nle he’thiam pua’n tiu in, mipilte’n vang he’thiam na’n au.

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

KISIMNA LEKHABU 8:6

Israelte lak ah kipat in Levite chu puidok inla, hi’thiangtho in;

LUKA 3:16

Johan in a kiang un, “Kei hin vang tui in ka baptis sek hi; ahi’n, keima sâng ah lopi zaw hung ding ahi, a kengtawdap khau tham tâk le ka hi puai; ama chun Thagau Thiangtho leh mei in hun baptis ding ahi.

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

PHILIPPI 2:17

Ahi, la ginnau thillat chung in Pathian â ding ah butthâk ah um ding hi lengle ka kipak hi, la leng un ka hun kipakpi hi.

PHILIPPI 4:18

Bangkim ka nei ta’n, ka hau ahi; Epaphrodita khut ah thil lei hun thawtteu kha ka la mu’n, ka kiningting tai. Zia chu thillat gimtui, Pathian â ding ah kithoina pom tâk leh kipak um chu a hi.

2 TIMOTHI 4:6

Kei vang tu’hin le latdaw ah um zing ka hita’n; ka chia hun a hung tung tai.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

HEBRAITE 12:10

Amau chun ni sawt lo sung chu pha a sak gual un ei thunun ngei un; ama’n vang a thianthona chanpite I hi’theina ding un, I phatna ding un ei thunun sek ahi.

1 PETER 1:7

Sana, mei ah patep nung ah le mangthai thei sekte sâng ah man phazaw, la ginnau chu Jesu Khrista hung kilâk phat leh, pâkna leh choihoina leh lopina a hung hi’theina dingin.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

THUPUAN 1:6

Chuleh, ei hepi ah, gitlona kipat a thisan in ei tandok ta’n, a Pa leh a Pathian lam ah lal leh thiampu ei siampa kiang ah chun, lopina leh thuneinate kumtuang in um ta hen.

THUPUAN 3:18

la hung hausak theina dingin, sana mei ah hâl thian leh, la ngawnchang hina a kilat lona ding, puan vâm tawh ka kiang ah hung chaw ding leh, la mutheina ding ah la mit nu’ ding damdawile hung kichawk dingin, ka hun thumop la hi.

THUPUAN 5:10

Pathian lam ah lal leh thiampu’n la siam a; lei chung ah vaihawm dingte a hitau hi,” ti in.