MALAKI 3:2 - PATHIAN LEKHABU THIANGTHO (BSI)

² Aleh, a hung ni chu kua a hem thuak zo ah, a ma-âng ah ding zo ma ma ding? Ama chu hâlthianna mei leh puansawpte sabon mat lai gual ahi ngal a;

MALAKI 3:2 ပူးပေါင်းရင်းမြစ်များ

THILSIAM THU 19:28

Sodom leh Gomorrah lam leh phâicham gam zosia chu a vak thîl ah; chuleh, zia gam ah meikhu chu hâltuina meikhu gual in a kitung to vung vung ziang tai.

JOB LEKHABU 28:1

Dangka chawdawna khûk a um ngei ah, sana hâlthianna mun le a um hi.

SAM 130:3

Aw Lalpa, nang in diklonate la tepte leh, kua a hem Lalpa, ding zo ding?

SAM 2:7

Lalpa thupiak chu hun hil ding ka hi; ka kiang in: “Nang vâng ka chapa la hi; tu’ni ka hin la hi.

SAM 76:7

Nangma vang lau um tak la hi! La lungnatna a puansiat phat leh, kua a hem la âng ah ding ngam ding?

THUPILTE 25:4

Dangka thîk ah êksuak chu ladok inla, tichun, bêl sêkpa’n ûm leh bêl ah sêk ding van nei in ah;

ISAI 1:18

Lalpa‘n, “Tu’hin hung unla, ngaitua khawm hitiu, la gitlonateu chu puan sandup gual in um maleh, vûk gual in vâm in a; santhîp ziang ta maleh, samul vâm gual hung hi’n a.

ISAI 33:14

Zion ah migilote chu a lau tau a, pathian neilote chu a kithingse tau a: “Zia gual ah mi kâng mang thei meikuang lak ah hin, I lak ua kua a hem pang zo ding? Kumkhua meikuang lak ah chêng thei ding, I lak un kua I um awm?” a tiu a.

ISAI 4:4

Lalpa‘n vaihawmna thagau leh katmangna thagau ah, Zion chanute a buaknau zosia a sawp thian ah, Jerusalem thisan sua’na ziakah a buaknau zosia a silthian phat leh,

JEREMIAH 2:22

Changal leh sabon tam tak mang zo in, kisil ziang male chinle, la hi’khialna bepawn chu ka mu zing hi, Lalpa Pathian in a tii.

EZEKIEL 22:14

Nangma ka hun gawt phat leh la sekdona a pang zo in, la khut chu a pang zo na diam? Keima Lalpa hin ka gen ta’n, bawl ngal ding ka hi.

DANIAL 11:35

A lak ua mipil khenkhatte chu hi’thiantho a hiu ah, thiangtho ah, buak kâi lo ah a umtheina ding un, hun tawpni a tun masang sia’n pûk ta’n au; a hunbî guat ah umsa a tun ma’n zalenna um ding ahi ngal a.

JOEL 2:11

Lalpa‘n a galdo mite ma-âng in aw a sua in; a sepai hon a tam nau e! A thupiak zawmte chu simsên gual lo a hiu. Lalpa ni chu a lopi hi; a tizat um na e! Kua a hem thuak zo ding?

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MATTHAI 25:10

Chutia, a chaw ding ah a vachia mang kâl ua chun, moneipa chu a hung tung ta; tichun, kisazosa umte chu tawh kichenna ankuang ûm dingin a lut tau a, kot chu a khak tau hi.

MARKA 9:3

a puante chu a vam hoi ma ma ziang a, lei ah puansawp mite him him in zia gual ah chu a sawp vâm theilo ding khop uh ahi’n.

LUKA 2:34

Simeon chun mal a jawl ah, a nu Mari kiang in, “Zia nausen hi Israelte lak ah mi tam takte pûkna ding leh, dindawna ding ah kiguat ahi; ama a gensiat ding uh tepte’na leh,

LUKA 21:36

Kiging zing unla, zia haw zosia chu la pumpel ua, Mihing Chapa âng ah la din theina ding un pauchap zing un, a tia.

LUKA 3:17

A khut in phajâp a chawi ah; a phual ah a si jap thiang intin, bupang ah sungkhawm in ah; a si’te chu vang mei mit theilo ah chun hâltum in a,” a tia.

LUKA 3:9

Tu’kipat hin thingbul tin ah heicha kikoi zo ei tai; thingga pha’ galo taphot chu a phûk un, mei ah a pai lut sek ui,” a tia.

LUKA 7:23

Chuleh, keima ah lung hilona neilote chu mi hampha a hiu!” a tia.

JOHAN 8:55

ama chu helo maleu chinle, keima’n vang ama chu ka hia’i; ama chu ka hepuai ti leng, nanghaw gual tho ah zuau thei hiding ka hi; himaleh, ama chu ka hia, a thule ka jawm ahi.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

THUPUAN 19:8

A monu ding chu puan malngat thiang leh, vâm tak silsak a hi’n, zia puan malngat chu, a mi thiangthote dikna nasep ahi”. A tiu a.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

THUPUAN 6:17

A lungnatna ni lopi chu a hung tun tâk hi, kua a hem pang zo ding?” a tiu a.

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.

1 SAMUEL 6:20

Ziaphatchun, Beth-shemesh khua mite chun, “Zia Pathian thiangtho, Lalpa âng ah hin kua a hem ding thei ding? ei nutsia theina dingin kua kiang ah sawlmang ta ding I hiu em?” a tiu a.