MALAKI 3:11 - PATHIAN LEKHABU THIANGTHO (BSI)

¹¹ Khaubepite hun vau dai piak ing ka tin; tichun, la lou thâichiteu suksiat piak ta pua’n a; chuleh, la lou lai ua grep gui le hût ta pua’n a, sepai honte Lalpa chun a ti ahi.

MALAKI 3:11 ပူးပေါင်းရင်းမြစ်များ

JEREMIAH 8:13

Amau ka lak khawm guat phatin, grep gui ah a ga a la um ta pua’n, theichang kung inle a ga a la um ta puai; Lalpa‘n a tii; a duate nasan a vuaitha zo ta’n, amau ka piakte natiangle a la um ta puai.

HOSEA 2:21

Zia ni chun hun dawnhu ta’ng ka, Lalpa‘n a ti’n; vante dawnhu ing ka tin, amau in ei dawnhu ta’n au;

JOEL 1:12

Grep gui a vuaitha ta’n, theipi kung a keugawp zo tai. Lou ah thâichi kung tin: theipi, theibufai, zubi leh epulte a keugawp zo tai; mipite kipakna zosia a chuai tai.

JOEL 1:4

Khaubepi’n a pe’tan bang cheng chu, khaubepi hon in a ne zo un. Khaubepi hon in a nêkbang siau chu, khauphâk in a ne zo un; khauphâk in a nêkbang sia chu, lungno in a ne zo tai.

JOEL 1:7

Ka grep guite a susia’n, ka theipi kungte a eknêl in, a hawng a khe’dok hi; chuleh a bâkte heutha’n a paimang tau hi a bâkte a keugawp zo tai.

JOEL 2:20

Mallam ah la gâlteu chu, gamla tak in koimang ing ka tin, gamkeu leh gamsia lak ah naw kit ing ka; a matawng pawl sualam tuisuagiat sung ah, a nungdâlte tumlam tuisuagiat sung ah; a gimsia leh ui hung pawt in a. Kichian tak in ama’n thil lopi takte a bawl tai!

JOEL 2:22

Gamlak ah sa chitinte haw lau kiu in, gamthip ah loupate chu a hung hing kit ta’ngal a; thing in ga a sua in, theichang leh grep inle ga a tam thei pen a suau hi.

JOEL 2:25

La lak ua ka sepai tam tak ka hun sawl tâk, khaubepi hon, khauphak hon leh, thing leh gua nesia khauphâkte leh, thing nêk hât chi khauphâk chite’n a nêksiat uh kumte chu hun din kit ta’ng ka.

AMOS 4:9

Thinglung leh gial in ka hun gawt ah, la huanteu leh grep huanteu a hawm in ka umsak a, la theipi kungteu leh la Oliv thingteu khaubepi’n a ne zo tai; Chutisapi’nle ka kiang in la hung kile’kit puau hi, Lalpa‘n a tii.

HABAKKUK 3:17

Theichang kung selthak lo in, Oliv thingte’n ga sua lo in, loulai ah bu piang lo in, gan-gualte chule a huang ah um talo in, gan kul ah chun bawng hon pakhat chale, um talo ziang maleh

HAGGAI 1:11

Lei chung ah te, tâng chung ah te, bu chung ah te, uain thak chung ah te, sathau chung ah te, lei ah kipat thil hung pawt him himte chung ah te, mihing chung ah te, gan-gual chung ah te leh khut nasep zosia chung ah khawkhâlna ka ko ta ahi.

HAGGAI 2:17

Nangmau leh la sepgimnau ga zosia chu kumthu, muatna leh gial in ka hun sugam ta’n; himaleh, kei kiang ah la hung kile’kit nuam puau hi, LALPA‘n a tii.

ZEKARIAH 8:12

Chamna thâichi chu tu’ hi’n tin; grep gui in ga sua ta’n tin, lei inle ga hun sua ta’n ah, van dâichîm inle hun chap no kit ta’n tin; tichun, a um nalai sunte chun zia zosia chu lua ta’n au.

DAN LEKHABU 11:14

La buteu, la uainteu leh la Oliv thauteu chu pha tak ah la lak khawm theina ding un, la gam un a hun takin gawtui masa leh a nunung chu hun pia ding ahi;