MALAKI 3:10 - PATHIAN LEKHABU THIANGTHO (BSI)

¹⁰ Ka In ah nêk ding a umtheina dingin sawm ah khat dik tak in bu In ah hun koikhawm un; tichun, ka van tukvante hong in, a koina’n a dawl lo ding khop maljawlna’n ka hun vuk paw na ve em, ti ei patep ma tiam un, sepai honte Lalpa chun a ti ahi.

MALAKI 3:10 ပူးပေါင်းရင်းမြစ်များ

THILSIAM THU 28:22

zia suang, suangphu ding ah ka phu hile Pathian In hi’ntin: chun, ka kiang ah lei piak zosia chu sawm ah pakhat hun pia ngêi ngei ing ka,” ti’n a kitiam tai.

THILSIAM THU 7:11

Noah kum za guk a tin kum, a tha ni’na, a ni sawm leh sagi’ni, zia ni ngei ah chun tuithuk lian takte nâk zosia chu a hung kêkjak ta’n; van tukvante le a hung kihong tai.

2 LENGTE 7:19

sepai hotu chun Pathian mi kiang ah, “Lalpa‘n van laizawl ah khin tukvante siam leh le, zia tawh bang thil chu tung thei ding a hem?” ti’n a la dawnhu a. Chuleh, ama’nle, “Zia chu la mit ngei in mu’n la tin, himaleh, nepha lo ding la hi,” a la ti gual ngei khan a hung guitung tai.

2 LENGTE 7:2

Sepai hotu, lengpa’n a khutmatchâk pen ah a neipa chun, Pathian mi kiang ah chun, “Lalpa‘n van laizawl ah khin tukvante siam ziang leh le, zia tawhbang thil chu tung thei ding a hem?” a tia. Himaleh ama chun, “Zia chu la mit ngei in mu’n la tin, himaleh zia haw chun ne lo ding la hi,” a tia.

1 KHANGTHU 26:20

Chun, Levite lak ah Ahijah chu Pathian In ah thawlawm leh thilpiakte koikhawmnate enkol in a pangah,

NEHEMIAH 12:44

Zia ni chun pindan chuam chuam: Thawlawm koikhawmna, thawlawm thilpiak ga masa, sawm ah khat haw enkol ding leh lakhawm ah, khawtin ah kipat lou munte ah kipat, dan dungzui ah thiampute leh Levite chanvo ah kipat lakhawm dingte guatdaw a hiu a; Judah mipite chu, amau â ding ah sêm thiampute leh Levite chung ah chun a lungdam ma ma ziak un.

NEHEMIAH 12:47

Zerubbabel tawh Nehemiah dam sung in Israel mipi zosia’n, La sa pawlte leh kotkhak vêngte nisi’n chanvo ding a siam piak sek un. Chuleh, Levite chanvo lak ah kipat chun Aron suante chanvo ding chule a khenthâk piak jel sek ui.

NEHEMIAH 13:5

Levite leh La sa pawlte leh kotkhak vêngtute leh thiampute â ding ah thawlawm bu, gimtui, ûm leh bêl, sawm ah khat bute uain leh sathau a la koikhawm seknau pindan lian tak chu Tobiah a la luasak ta’n.

SAM 37:3

Lalpa chu ging inla, thilpha bawl ta’n; tichun, zia gam ah hin bit tak in um zing ta’n.

SAM 78:23

Himaleh, chung lam ah vante khi, van kotkhakte hun hong dingin thu a pia’n;

THUGENTU 11:3

Sûmpi’n a dim in gua a pua’n, lei chung ah gawtui a buntha sek; mallam nga a hem, simlam nga a hem ah, thing a pûk chun, a pûkna mun chun a um den hi.

EZEKIEL 34:26

Amau tawh ka tâng kîmvêl ah gamte chu maljawl ing ka tin; a hunbî tak in van gawtuite zuksak ing ka tin, maljawlna gua hita’n a.

EZEKIEL 44:30

Thâiga chitin lak ah a ga masa pen leh, thillat chitin lak ah thillat zosia chu thiampute chanvo ding ahi; chuleh, la In sung ua nêk leh dawn la butin theina ding un, la vaithum dia masak penteu chu thiampute la piak diu ahi.

HOSEA 2:21

Zia ni chun hun dawnhu ta’ng ka, Lalpa‘n a ti’n; vante dawnhu ing ka tin, amau in ei dawnhu ta’n au;

JOEL 2:19

Lalpa‘n a mite kiang in: nang uh â dingin bu, uain leh sathaute hun pia’ng ka tin; ziate ah chun kihi’ tai ta’n lau; namdangte nuizatbûk in, hun umsak ta pua’ng ka.

JOEL 2:24

Bu phualte chu bu’n hung dim intin, grep sûkna khûkte chule, uain leh sathau luanglet ta’n a.

THIAMPUTE LEKHABU 26:10

Bu lui sawtpi pi kikoi khawmte ne’n la tin uh, buthak koina dingin buluite chu sungdok hial ding la hiu.

THIAMPUTE LEKHABU 26:3

Ka dan bawlte la zui ua, ka thupiakte vop ah la zui uh chun,

THIAMPUTE LEKHABU 27:30

Gam sung ah sawm ah khat zosia, lou ah thâi ga hihenla, thing ah gate hitaleh, a leng in Lalpa chantum ahi: Lalpa â ding ah thil zek thiangtho ahi.

HAGGAI 2:19

Bubûk ah buchi ding ah nutsia a um nalai em? Grepte, theichang kung, theibufai leh Oliv kungte chun ga sua nai lo a hiu em? Tu’ni kipat hin hun maljawl ding ka hi.

KISIMNA LEKHABU 18:21

Chuleh, Levite zosia chu kikhopna biakbûk ah nasep thilbawl bangkim ah a panna ziak un, Israelte lak ah kipat a sawm ah khat zosiau ka pia ahi;

MATTHAI 6:33

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

DAN LEKHABU 12:6

la hâlmang thillatteu, la kithoinateu, la sawm ah khat leh la thawlawm thil piakteu, la kitiamna thilpiak leh la ngamtawk thilpiakteu, la gan-gual leh la belam hon lak ah piang masa pen chiat chu zia mun ah chun la hun choi sek ding uh ahi.

DAN LEKHABU 14:22

Kumsin in la loumau ah piang taphot chu dik tak in sawm ah khat la koichuam ding uh ahi.

DAN LEKHABU 14:29

Lalpa la Pathian un la khut nasep zosiau ah a hun maljawl theina dingin, la lak ua chantum nei lo Levite leh la lak ua gam dang mi chêngdente, nauchagate leh meithâite chun a vâ chiat un a hung ne ding uh ahi.

DAN LEKHABU 28:12

Lalpa chun a hun chet chet ah la gam uh chapno ding gawtui hun pia ding leh, la khut nasepnau taphot hun maljawl dingin, van, a hausakna van koina hun hon piak in a; chutichun, nam tamtakte kiang ah bat lâksak in la tiu in, nang un vang kuama â ba pua’n lau.