MALAKI 2:9 - PATHIAN LEKHABU THIANGTHO (BSI)

⁹ Ka lampite zui lo ah, la zilsaknau ah doichuam la nei dungzui tak un, mitin lak ah tawden leh musit in hun umsak ding ka hi.

MALAKI 2:9 ပူးပေါင်းရင်းမြစ်များ

1 LENGTE 22:28

Mikaiah in, “Nang thamuang tak ah la hung kile’kit chun, Lalpa‘n ka kiang ah thu gen lo himai ding ahi,” a tia. Chuleh, “Nanghaw mipite haw, la leng un ngaithau in!” a ti tai.

JOB LEKHABU 32:21

Kuama doichuam leh pâkchât chuamle hun nei pua’ng ka.

THUPILTE 10:7

Midik hetzingna chu vangphatna ahi’n; mi nunsiate min chu muat mang kawm in a.

THUPILTE 12:8

Mihing chu a pildan dungzui chiat in pakchatna law intin; mi chanlam beite vang mu tawm in um in au.

EZEKIEL 13:21

La mai khûnau dialte chu bot thêk ing ka tin, ka mipite chu la khut ua kipat hukdok ing ka; la khut un tâng kit ta pua’n au; chuleh, keima Lalpa ka hi ti he ta’n lau.

EZEKIEL 7:26

Siatna a sawn sawn in tung intin, gâl thuthang a sawn sawn in tung in a; jawlnei ah kipat kilâkna hawl veng vung ta’n au, thiampute ah kipat zilsakna bei ta’n tin, upate ah kipat puihuaina thugen le um diak ta pua’n a.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

NAHUM 3:6

Ki’dak buaksia hun the’khum ing ka tin, jachâk um tak in hun siam ing ka tin; mite etnop in hun siam ding ka hi.

MALAKI 2:3

La suan leh pâkteu chu vau ing ka tin, la kithoinau gancha êkte ngei chu nanghaw leh la suan la pâkteu maichang ah tât piak in, ka umna mun ah kipat in hun naw mang ding ka hi.

MALAKI 2:8

Ahi’n, nanghaw chu lampi ah kipat in la pêtmang zo tau a; la thu zilsaknau ah chun mi tam tak la kisui pâisak tau hi; Levi kiang ah thuthung kha la susia zo tau ahi, sepai honte Lalpa chun a ti ahi.

LUKA 10:29

Himaleh, ama leh ama thiam kichan gua’n Jesu kiang in, “Ka Invêngte chu kuate a hiu em?” ti’n a dong a.

LUKA 11:42

Ahi’n, nanghaw Pharisaite haw, la chung uh a gik hi! Pudinate, lokhate leh anche lohingte sawm ah khat la pesek ui; ahi’n, diktatna leh Pathian hepina chu la limsak puau hi, ziate chu ei vei la bawl ding uh; a dangte chule thul diak lo in.

GALATIA 2:6

Chuleh, hi’na nei deute, (bang tawhbang hi’na nei maleule kei â dingin lamdanna a um puai; Pathian in kuama a khen chuam puai) zia min nei deute chun bangma ei belap piak chuam puau in;

DAN LEKHABU 1:17

Doichuam nei in vaihawm kiu in; milian leh neu kibang in ngaitua piak unla; kuama lau chuam nei kiu in, vaihawmna chu Pathian â ahi ngalah. Nang uh ngaitua ding ah haksa talua phot chu, ka kiang ah hun tut un, keima’n ngaitua na’ng ka,” ti’n thu ka la pia ta ngal a.

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.