MALAKI 2:8 - PATHIAN LEKHABU THIANGTHO (BSI)

⁸ Ahi’n, nanghaw chu lampi ah kipat in la pêtmang zo tau a; la thu zilsaknau ah chun mi tam tak la kisui pâisak tau hi; Levi kiang ah thuthung kha la susia zo tau ahi, sepai honte Lalpa chun a ti ahi.

MALAKI 2:8 ပူးပေါင်းရင်းမြစ်များ

2 LENGTE 16:11

Tichun, thiampu Uriah chunle, zia mâichâm, Lengpa Ahaz in Damaska ah kipat a thot gual gual ah chun a la bawldok ah, Damaska ah kipat Lengpa Ahaz a hung tun kit masang ah chun a la bawl zo tai.

NEHEMIAH 13:29

Aw ka Pathian, amau in thiampute leh Levite thuthung bawtsia’n, thiampu dan a sukbuak uh hi hezing in.

SAM 119:102

Nang in lei hil ziakin, la vaihawmnate lak ah kipat in ka pêt mang puai.

SAM 18:21

Lalpa lampite chu ka haw ta’n, ka Pathian ah kipat nunsia tak in ka pêtmang kha puai.

THUPILTE 12:8

Mihing chu a pildan dungzui chiat in pakchatna law intin; mi chanlam beite vang mu tawm in um in au.

ISAI 30:11

zia lampi chu nusiau inla, lampi chu pet mangsan tau in; Israel Mi Thiangthopa chu ka ngai nuam ta puau hi,” tiu in.

ISAI 59:13

Lalpa kilepsan in ka la hi’khial tau in, ka Pathian uh zui lo in ka la kiheimang zo tau ah; helna thu leh mi jakda ding lam ngen ka gen un, lepchia thute ngen ka ngaituau a, lunggil tak ah kipat in zuau thute, ka hun sêkdok sek zaw tau ahi.

ISAI 9:16

zia mipi puitute hin a puimang tau a, a mi puiteu chu buai ah nutsia in a um tau hi.

JEREMIAH 17:13

Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

JEREMIAH 17:5

Lalpa‘n zia gual hin a gen hi: Mihing muang ah, mihing hatna kisuanpi ah, a lungthim ah Lalpa nusiate chu, hânsia dong in um uh hen.

JEREMIAH 18:15

Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 2:8

Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.

EZEKIEL 22:26

A thiamputeu in ka thuhilna bawtsia’n, ka thil thiangthote a hi’buak ui; a thiang leh thianglo le a khen chuam puau in, a thiang leh thianglo kikhiakna le a hil diak puau ah, ka sabbath nite le a ngaisak ta puau hi; ziaziakchun, a lak un ka min a sia tai.

EZEKIEL 44:10

Himaleh, Levi mite, gamla tak ah ei nusia, Israelte a vâkmang lai ua a milimteu zui ah gamla tak ah ei vâkmang sante chun, a gitlo man uh kipuak in au.

EZEKIEL 44:12

Himaleh, a milim ho’nau a bawl piak ah, a thil bawl khial ziak ua Israel Inkuante â ding ah kipalna a hung hitau. Ziaziakchun, gawt lo in koi pua’ng ka, ti’n Lalpa Pathian a kihaksial tai.

EZEKIEL 44:7

gamdang mite la hun pui lût un, lungthim leh taksa ah le zektanlote, ka nêk ding sathau leh thisan lei piak phat uh leh, ka mun thiangtho ah lût in, la subuak zo tau a. La thilbawl uh ki’dak um takte bep le hilo in, ka thuthung la botsia nalai un.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

THIAMPUTE LEKHABU 21:15

tichun, a mite lak ah chisuan a sukbuaklona dingin; Keima Lalpa hin ama chu ka hithiangtho ta’ngâl a, ti in.

ZEPHANIAH 3:4

A jawlneiteu chu khawni ngailo leh ginumlote a hiu a; a thiamputeu in thilzek a subuak un, dan a botsiau a.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MALAKI 2:5

Ama kiang ah thuthung ka piak chu hinna leh phat theina ahi; tichun, ei jau ah, lau kawm ah lei choihoina ding uh ahi.

KISIMNA LEKHABU 25:12

Ziaziakchun, a kiang ah, ‘Kichamna thuthung ka pe ta ahi.

KISIMNA LEKHABU 25:13

Ama tawh a suante tiang ah, kumkhua’n ka thiampu ahi’na ding uh thuthung chu ahi; a Pathian â ding ah phatchuam ngaina a nei ziak leh, a chipi Israelte â ding ah tatna a bawl piak ziakin,’ ti’n gen in,” a tia.

ROMTE 14:21

La sa nêk a hem, la zudawn a hem; ahiloleh, la thilbawl pakhat pen pen chun la suapi a kiliksak chun, zia chu thilpha ahi puai.

HEBRAITE 3:12

Suapite haw, chingthei tau in; chutilochun, Pathian hing chu kiheisan dingin la lak un kua chung inle ginlona lungthim gilo tak hung um kha’n a.

1 SAMUEL 2:17

Lalpa kiang ah mite thillat chu bangma a ngai lo ziak un, zia tangvalte gitlona chu Lalpa mit mu in a huaisia ma ma hi.

1 SAMUEL 2:24

Ahipuai, ka chate haw; Lalpa mipite lakah la chanchin uh kithang ka la hiatte hi a pha puai.

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.