MALAKI 2:2 - PATHIAN LEKHABU THIANGTHO (BSI)

² Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi

MALAKI 2:2 ပူးပေါင်းရင်းမြစ်များ

SAM 69:22

A luaithe’nau dawkan chu a thâng uh hi hen la, a gualteu awkna hita hen.

THUPILTE 3:33

Lalpa sapsiatna chu mi nunsiate In ah a um ah, midikte chênna chu a malzawl sek hi.

ISAI 42:25

Ziaziakchun, a chung un a lungnatna meiâm leh, a gâldo’na lungnatna huaisia a hun butthâk khum tai; a kîmvêl ah mei hun sêmkuang maleh, a hethiam diak pua’n; ama a hun kâng kha hial ta na’n, a ngaikhawk diak puai.

ISAI 47:7

Nang in, “Kumtuang ah lengnu hiding ka hi,” la ti ziakin, zia thilte chu la lungthim inle la la ngaitua kha pua’n, a tawpna ding uh le la he’pha diak puai.

ISAI 57:11

Kua la lau ziak leh la kichâk ziak ah zuau gen ah, keima ei hemil ah, la lungthim ah le ei gêl kha talo la hitau em? Thipbek ah um in, ka mit ka sîn san ziak ah ei lau lo la hiu maw?

JEREMIAH 34:17

Ziaziakchun, Lalpa‘n zia gual hin a gen hi: Kuama’n a Invêngteu leh a gualteu thâdok ding ka ti gual in la zawm puau ah; nanghaw chung ah chemjam, natpi leh kial hung tung dingin ka thâdok tai, Lalpa‘n a tii. Khawvel lenggam zosia’n a tizat ding uh la chung un hun tunsak ding ka hi.

EZEKIEL 3:7

Himaleh, Israel Inkuante chun la thugen ngaisak pua’n au, ka thugen a ngainop lo ziak un; Israel Inkuante zosia milochal leh lung tâk ngen a hiziak un.

HAGGAI 1:6

Tam tak tak la tuu ah, tawmcha cha la la khawm ui; la neu ah la vâ diak puau in; puan la sil ua la kuama lum sa la um diak puau; kilaw ah sêmte’n le sakhau tawvang sung ah thun ding bep ah kilaw la hiu, a tii.

HAGGAI 1:9

Tam tak mu la kinêm un, ngai un, tawmcha la muu a; In ah la hun puak tung phat uh leh le ka mût mang kit sek a. Bang ziak ahi em? Sepai honte Lalpa chun a tii. A ziak chu ka In a sesa’ a um zing lai in, mi tin in la In ding chiat uh la ki-awlmaw tau a.

MALAKI 2:1

Tu’hin, nang uh thiampute haw, zia thupiak hi nang uh â ding ahi.

MALAKI 3:9

Keima lei suam ziak un, la nam pumpiu hânsia pua la hitau hi.

LUKA 17:18

Zia gam chuam mi longal hi, Pathian chawihoi ding ah hung kit a um puau hi,” a tia.

JOSHUA 7:19

Ziaphatchun, Joshua’n Akan kiang in, “Ka chapa, Israelte Lalpa Pathian chu chawihoi inla, a kiang in kiphuang mai in. Bang a la bawl khâ la hita em? ti, tu’ ma ma hin ei hil inla; ka kiang ah îm kin,” a tia.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.

THUPUAN 14:7

Ama chun aw ngai tak in, “Pathian chu lau unla, choihoina piau in; a vaihawm hun a tung tangal a; ama chu lei leh van leh tuisuagiat leh tuinâkte siampa chu a hiziak in bia un,” a tia.

THUPUAN 16:9

Tichun, mihingte chu satna huaisia tak in a hâlkang ta’n; himaleh, zia gawtna chung ah thilhitheina neipa Pathian min chu chawihoi sâng in, a gensiau ah, a lung uh a hei diak puau hi.