MALAKI 2:10 - PATHIAN LEKHABU THIANGTHO (BSI)

¹⁰ I leng un pa pakhat nei chiat I hipuau em? Pathian khat in ei siam hichiat lo I hiu em? Bang ding ah I pu leh pateu kiang ah thuthung botsia, I suapi chung ah ginum lo tak ah um chiat ziang I hiu em?

MALAKI 2:10 ပူးပေါင်းရင်းမြစ်များ

NEHEMIAH 13:29

Aw ka Pathian, amau in thiampute leh Levite thuthung bawtsia’n, thiampu dan a sukbuak uh hi hezing in.

JOB LEKHABU 31:15

Sul sung ah keima ei siam pa ma ma khan, amau le a siam hitho lo a hem? Sul sung ah ei la guanggaltu kha, ama ma ma hilo a hem?

SAM 100:3

Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

PAWTDAWNA THU 19:4

Aigupta mite chung ah ka thilbawl dan leh mupi thâ ah ka hun puakdaw dan leh, ka kiang ah um ding ah ka hun pui dante hi la mu tau in;

PAWTDAWNA THU 19:5

tu’hin, ka thu la zop ua, ka thuthung la mat ua leh, mi zosia chung in nang uh hi kei â ding ah gobîk hi’n lau: lei chung zosia hi kei â ahi ngal a:

PAWTDAWNA THU 24:3

Tichun, Mosi a hung ah, Lalpa thugen tawh a thuguat zosiate chu mipite a hil ah: mipite chun kigual tak in, “Lalpa’n a gen zosia chu bawl ing kau,” ti’n a hun dawnhu tau a.

PAWTDAWNA THU 24:7

Ziazaw chun, thuthung lekhabu chu a la, mipi zosia het in a simdok ta’n; amau chun, “Lalpa’n a gen zosia chu bawl in, a thu le awi ing kau,” ti’n a hun dawnhuu a.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 43:15

Keima Lalpa, la Mithiangtho uh, Israelte Siampa leh la Lengpau chu ka hi.

ISAI 43:7

ka min ah kiko mimal tin chu, ka lopina ding ah ka siam leh, ka la bawlsa la hiu,” hun tiding ka hi.

ISAI 44:2

Nanghaw hun siampa, sûl ah kipat hun guanggalpa leh, hun panpi zing ding Lalpa chun zia gual hin a gen hi: Aw Jakob, ka suakpa lau kin la, ka hun têlchuam Jeshurun lau kin.

ISAI 51:2

La pau Abraham chu en unla, a hun hingnu Sarah chule en un; ka la ko lai ah khan ama chu a chang ah um ahi’n, himaleh, ka maljawl ah, tam tak in ka siam tai.

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

ISAI 64:7

La min hun ko nuam leh, nang hun tuzui ding ah kichok hal nuamle, kuama a um ta puau hi; ka mau ah kipat in la mai la sêlmang ta’n; ka khawlonateu ziakin lei pâmpai ta’ngal a.

ISAI 64:8

Himaleh, aw Lalpa, nang chu ka pau la hi tho tho hi; keihaw vang tungman mai mai ka hiu a, nang chu a bêlsêkpa la hi; ka leng un la khutsuak ka hiu hi.

JEREMIAH 31:9

Kap kawm in hung kit intiu in, thamuan kawm pek in hun pui kit ding ka hi. Luicha tui luanna munte hawsak ing ka tin, kisui lo in lamzang tak in chia in au; Israelte â ding ah pa ka hung hi’n, Ephraim hi ka cha upa pen ahi tak ziakin, ti in.

EZEKIEL 33:24

Mihing, Israel gam nutsia ahi’nung ah chêng nalaite chun, “Abraham bep ahi lai in zia gam pumpi hi a la lua ta’n; tu’hin, ei haw tam tak I hi tâk ziak un, gam pumpi hi I lua ding ua piak hi ngei ding I hiu,” a tiu a.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MALAKI 2:11

Judah chu ginum lo tak in a la um ta’n, Israelte lak leh Jerusalem ah chun thil ki’dak um tak chu bawl ahi tai; Judah chun gamdangte pathian chanute a kichenpi ziak un, Lalpa‘n a ngainat, a mun thiangtho chu a la subuak tau ahi.

MALAKI 2:8

Ahi’n, nanghaw chu lampi ah kipat in la pêtmang zo tau a; la thu zilsaknau ah chun mi tam tak la kisui pâisak tau hi; Levi kiang ah thuthung kha la susia zo tau ahi, sepai honte Lalpa chun a ti ahi.

MATTHAI 10:21

Tha dingin unau leh unau kimattua sak intiu in, pa’n le a cha matsak intiu in; chate’nle a nu leh pateu do intiu in, thâsak in au.

MATTHAI 22:16

Tichun, a zilsakteu leh Herod pawl ah mi khenkhatte chu a kiang in a sawl ua, Hotupa, nang hi midik tak la hi’n, Pathian lampi chu thutak in la zilsak ah, kuama khen chuam la nei pua’n, mihing mai la en diak puai, ti ka hiau hi.

MATTHAI 3:9

Abraham chu ei suanpa ahi ti ziang kiu in, Pathian in zia suangte hi le Abraham suante a chansak thei hi ti ka hil la hiu.

LUKA 1:73

I puu Abraham kiang ah a tiamsa kha, eimau, mêlmate lak ah kipat ei tatdawsate hin,

LUKA 3:8

Gitlo haisanna tawh kigûn in ga hun sua phot tau in. La lunggil un, ‘Abraham chu ei suanpa ahi’ ti’n kisuang ziang kiu in; ka hil la hiu, Pathian in zia suangchangte hile Abraham chate a suaksak thei hi.

JOHAN 8:39

Amau chun a kiang in, “Ka Pau chu Abraham ahi,” a tiu a. Jesu’n a kiang un, “Abraham chate hileuchin, Abraham thilbawlte bawl ding la hiu in;

JOHAN 8:41

La pau nasep chu la sêm uh ahi hilam,” a tia. Ziaphatchun, amau chun, “Keihaw hi jaucha mai mai ka hi puau in, pa pakhat ka nei ui, Pathian ngei chu,” a tiu a.

JOHAN 8:53

a la thi ta, ka pau Abraham sâng ah lopi zaw la hem? Jawlneite le a thi zo tau hi. Nang hi kua la hem?” a tiu a.

JOHAN 8:56

La pau Abraham khan ka hun hi mu ding a la kithalawp ma ma ah; a hun mu ngei ah, a kipak ahi,” a tia.

NASEPTE 17:24

Zia Pathian chu khawvel Siampa leh a sung ah um zosia Siampa, lei leh van Lalpa, tempul khut ah kisate ah hin a chêng pua’n;

NASEPTE 17:25

ama chu thil tâksap nei gual in mihing khut ah zen lum let ngai le ahi puai; ama chun thithei zosia kiang ah hinna, hiattheina leh thil zosia a piak ahi zawi.

NASEPTE 17:26

Lei chung zosia ah um dingin suanpa pakhat ah kipat in namtin ah mite a siam ah, amau â dingin hun bîte a guat piak ah, a umnau gamgî le a khen piak a;

NASEPTE 7:2

Ziaphatchun, Stephen in a dawnhu a: Suapite leh pate haw, ei la ngaithau in. I suantu bul uh Abraham kha Haran ah a um ma’n, Mesopotamia ah a um lai khan, lopina Pathian chu a kiang in a hung kilâk in,

NASEPTE 7:26

A jing in a lak ua khenkhat a kinial lai tak un a vachia ah, a kilem theina ding un, gualte haw, suapi khat la hiu hi; bangatia dik lo tak ah kibawl la hiu em? a vatia.

ROMTE 4:1

Chutichu ahileh, taksa lam ah I puu Abraham chung thu ah chun bang a hem I gen ding uh?

ROMTE 9:10

Zia bep chule ahi puai; Rebekka in Isak zal in chate a vop lai ah khan, zia gual thil hi a la um hi:

1 KORINTH 8:6

eimau â dingin vang Pathian pakhat bep a um ah, ama chu thil zosia siampa leh eimau le ama ah I umnau Pa chu ahi’n; ama jal ah thil zosia siam ah um leh, ama ziak ah I hinnau, Lalpa Jesu Khrista pakhat bep chu a um hi.

EPHESA 4:25

Chutichun, zuau gen haisan in, I Invêngteu kiang chiat in thudik gen hitiu, a kizom khawm chiat I hingal un.

EPHESA 4:6

Pathian pakhat, mi zosia Pa, ama chu bangkim chung ah um ahi’n, bangkim jal in a um ah, bangkim ah le a um hi.

1 THESSALONITE 4:6

zia thu ah chun kuama’n chawnvâl in a unau chung in thil phalo bawl ki’hen; Lalpa chu zia gual ah bawlte chung ah phuba la sek ahiziak in, ka hun hillawk un, ka hun hiatsak zo tau hi.

HEBRAITE 12:9

Zia tilo ah chun, ei thunun ding taksa nu leh pate I nei chiat ui; amau chu I ja ma mau a. Zia sâng ah nasa zaw chun, I hinna ding un, thagau lam I pau thu nung zaw diak lo ding I hiu em?

JOSHUA 24:3

La pau Abraham chu zia Luipi gâl lam ah kipat chun ka la puidok ah, Kanaan gam zosia chuan suak dingin ka pui ah, suan leh pâk tam tak ka pia’n. Ama â dingin Isak ka la piai;