MALAKI 1:9 - PATHIAN LEKHABU THIANGTHO (BSI)

⁹ Tu’hin, Pathian doisakna chu I chan ua, a ja’ngaina I don theina ding un don hitiu. A bawlkhial chu nanghaw thiampute ngei hi la hi ngal un. Nanghaw lak ah kua la hiu em a doisakna chang ding chu, sepai honte Lalpa chun a ti ahi.

MALAKI 1:9 ပူးပေါင်းရင်းမြစ်များ

2 KHANGTHU 30:27

Ziaphatchun, thiampute tawh, Levi chite chu a dingdok un mipite chu a maljawl tau ah, a kipaknau husa chu Lalpa het in a um tai; a pauchapnau chun a chênna thiangtho van a thawng tai.

PAWTDAWNA THU 32:11

Himaleh, Mosi chun Lalpa a Pathian chu a awimaw ta’n: “Lalpa, bang ding ah la mipite Aigupta gam ah kipat thilhitheina nasa tak tawh la khut thahât tak ah la hun puidawte chung ah la lungnatna kuangjak ding a hem?

JEREMIAH 26:19

Judai gam ah Lengpa Hezekiah tawh, Judai gam ah mipite chun a la that ziang sam awm? Lalpa chu lau in, Lalpa doisakna a dot ziak un a chung ua siatna tung ding ah a la gendawsa kha, Lalpa‘n a lungthim theng kit mai hilo a hem? Tu’hin, ei haw vang, I chung ua siatna huaisia tak tunsak ding I hitau hilam! a hun tiu a.

JEREMIAH 27:18

Jawlnei dik tak hileu vang, Lalpa thu a kiang un um tak tak in tin, chutileh vang, ûm leh bêlte chu Lalpa In leh Judai gam ah lengpa In ah um zing ah, Jerusalem ah kipat Babulon lam ah puak mang hilo dingin, sepai honte Lalpa kiang in a la don ding a hiu a.

KÂ LATE 2:19

Jankhang lai leh janvên lim ah kipat in thodok unla, kap tau in! Lalpa âng ah la lungthim uh, tui gual in luan dawsak un! Kotzing kil tin ah gilkial ah, basam la chateu hinna dingin, la khut uh a chung un jak in!

JOEL 2:12

Ahi’n la, tu’hin le Lalpa‘n, la lungthim zosiau in anngawl ah, kap leh lusûn kawm in ka kiangah, hung kihei kit un;

JOEL 2:17

Lalpa nasêm thiampute le, mâichâm leh hulliap kikâl in kap tau hen. “Aw Lalpa, la mite hawi inla, la gochante nuizatbûk leh, namdangte gensim di’n siam kin. Bang ziak ah namdangte lak ah, ‘A Pathian uh khawi ah um a tam?’ ti ah a um ding,” ti tau hen.

AMOS 5:22

Hâlmang thillat leh thâi thillatte hun lân maleu chin, a la pom lo ding ka hi; la chamna thillat uh gancha thau tak takte chule, hun ngaisak diak pua’ng ka.

JOHAN 9:31

Pathian in migilo thu a ngai pua’n; ahi’n la, kua’nle Pathian a ho ah, a doigual a bawl chun a ngaithâk piak sek hi.

ROMTE 2:11

Pathian in mi doichuam a nei pawngal a.

1 PETER 1:17

Doichuam neilo ah, mitin a nasep dungzui ua vaihawm piakpa chu, Pa gual ah la ko ua leh, la umnau ah la châm sung ua hin laudan thiam in um un.