MALAKI 1:6 - PATHIAN LEKHABU THIANGTHO (BSI)

⁶ Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MALAKI 1:6 ပူးပေါင်းရင်းမြစ်များ

SAM 123:2

Suakte mit in a pu khut a et zing gual leh, suaknu mit in a pi khut a et zing gual in, zia gual chun, I Pathian ja’ngaina, I chung ua a hung tun masangsia, I mit un Lalpa chu I en zing uh ahi.

PAWTDAWNA THU 20:12

La nu leh la pa ja in; chutileh, Lalpa la Pathian in a hun piak gam ah hin la dam sung nikhua a sawt theina dingin.

THUPILTE 17:6

Têksete â dingin a tuteu chu a lal lukhuk uh ahi’n; chate lopina chu a nu leh pateu hi a hiu.

THUPILTE 30:11

A pateu hânsialaw ah, a nuteu maljawlna pelo mile a um ui.

THUPILTE 30:17

A pa simmaw leh a nu thu ngainêpte mit chu, phâigam va-âk in kheldok intin, musanete’n a sa le ne’n au.

ISAI 1:2

Aw vante, hiau inla, aw lei chung, ngai in; Lalpa‘n thu a gen ta ngâl a: Chate ka hing ah, ka dontei ta’n, ahi’n, ei do in a hung pang tau hi.

ISAI 43:23

Hâlmang thillat dingin la belam lei pia ngai pua’n, la thil latte ah chunle jana lei pia puai. Thil latte ah puakgik ka hun guan pua’n, gimtui hâlna’nle ka hun hi’gim puai.

ISAI 45:10

A pa kiang ah, “Bang ding ah zia gual ding ahi, lei la hin a hem?” Ahilo leh, a nu kiang ah, “Bang ding ah lei la hin a hem?” tite chu a chung uh a gik hi!

ISAI 64:7

La min hun ko nuam leh, nang hun tuzui ding ah kichok hal nuamle, kuama a um ta puau hi; ka mau ah kipat in la mai la sêlmang ta’n; ka khawlonateu ziakin lei pâmpai ta’ngal a.

ISAI 64:8

Himaleh, aw Lalpa, nang chu ka pau la hi tho tho hi; keihaw vang tungman mai mai ka hiu a, nang chu a bêlsêkpa la hi; ka leng un la khutsuak ka hiu hi.

JEREMIAH 23:11

Jawlnei chunle thiampu gual tho in, Pathian a ngaisak ta puau a; ka In sung natiang in a nunsiatnau chu ka mu tai, Lalpa‘n a tii.

JEREMIAH 3:4

Tu’tak chun la, He pa, ka khangdawng lai ah ka gualpa la hi, lei ti hen;

JEREMIAH 31:9

Kap kawm in hung kit intiu in, thamuan kawm pek in hun pui kit ding ka hi. Luicha tui luanna munte hawsak ing ka tin, kisui lo in lamzang tak in chia in au; Israelte â ding ah pa ka hung hi’n, Ephraim hi ka cha upa pen ahi tak ziakin, ti in.

JEREMIAH 35:16

Rekab chapa Jonadab suan leh pakte’n vang a pubul un thu a la piak chu a mang un, zia mipite hin vang ka thu a mang puau hi.

EZEKIEL 22:26

A thiamputeu in ka thuhilna bawtsia’n, ka thil thiangthote a hi’buak ui; a thiang leh thianglo le a khen chuam puau in, a thiang leh thianglo kikhiakna le a hil diak puau ah, ka sabbath nite le a ngaisak ta puau hi; ziaziakchun, a lak un ka min a sia tai.

HOSEA 12:8

Ephraim in vang, “A he, ka hausa tai, hausakna ka kimudaw tai; ka chan zosia ah hin keima ah, gitlona ding sukkhialna mu in a um puai,” a ti hen.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

HOSEA 5:1

Aw thiampute haw, he tau in! Aw, Israel Inkuante haw ngaisak un! Aw lengpa Inkuante haw, a la ngaiphau in! Vaihawmna chu la chung un hung tung ding ahi ngal a; Mizpah ah thâng kikam leh, Tabor tâng ah lên kijak tawh bang la hitau in;

THIAMPUTE LEKHABU 19:3

mi tin in a nu leh a pateu a ja ding uh ahi: chuleh, ka sabbath nite a chan ding uh ahi: Keima hi Lalpa la Pathian uh ka hi.

ZEPHANIAH 3:4

A jawlneiteu chu khawni ngailo leh ginumlote a hiu a; a thiamputeu in thilzek a subuak un, dan a botsiau a.

MALAKI 2:1

Tu’hin, nang uh thiampute haw, zia thupiak hi nang uh â ding ahi.

MALAKI 2:10

I leng un pa pakhat nei chiat I hipuau em? Pathian khat in ei siam hichiat lo I hiu em? Bang ding ah I pu leh pateu kiang ah thuthung botsia, I suapi chung ah ginum lo tak ah um chiat ziang I hiu em?

MALAKI 2:8

Ahi’n, nanghaw chu lampi ah kipat in la pêtmang zo tau a; la thu zilsaknau ah chun mi tam tak la kisui pâisak tau hi; Levi kiang ah thuthung kha la susia zo tau ahi, sepai honte Lalpa chun a ti ahi.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

MATTHAI 15:4

Pathian in, La nu leh pa ja in, ti leh, kuale a nu a hem, a pa a hem hânkhum chu a thi tei ding ahi, ti ahi ngal a.

MATTHAI 15:6

Nangmau thugosia ziakin Pathian thupiak chu la botsia tau ahi.

MATTHAI 19:19

La nu leh pa le ja inla, nangma la kihepi gual in la vengte le hepi in, tite hi, a tia.

MATTHAI 6:9

Zia hi la pauchap dan ding uh chu ahi: “Ka Pau van ah um, la min ja in um hen la,

MATTHAI 7:21

Lalpa, Lalpa, ei ti taphot van-gam lut ding a hiziang puau; ka Pa van ah um dawi gual hi’te bep lut ding a hiu hi.

MARKA 10:19

Thupiakte la he a pom: Tual that kin, ângkawm kin, Gucha kin, Hiatpitu dik lo in pang kin, Mi dawha bawl kin, La nu leh la pa ja in, ti te hi,” a tia.

MARKA 7:10

Mosi chun, la nu leh pa ja in, kuale a nu leh pa hosia chu thi mai hen, a ti’n;

LUKA 10:29

Himaleh, ama leh ama thiam kichan gua’n Jesu kiang in, “Ka Invêngte chu kuate a hiu em?” ti’n a dong a.

LUKA 18:20

Thupiakte kha la hia’i, ‘Ângkawm kin’ ‘Tualthat kin,’ ‘Gucha kin,’ ‘Hetpitu dik lo in pang kin,’ ti leh, ‘La nu leh pa ja in,’ tite hi,” a tia.

LUKA 6:36

La pau a jangai gual in nang uh le jangai un.

LUKA 6:46

Ka thugente jawm lo ah bangatia: Lalpa, Lalpa, ei ti la hiu em?

EPHESA 6:2

“La nu leh pa ja in,” ti hi thutiam nei thupiak masa pen chu ahi.

DAN LEKHABU 1:31

chuleh, gamthip ah khan Lalpa la Pathian un a hun pui huai dante leh, la chiana taphot ua zia mun la hung tun tiang ua, min a chate a kaibât gual ua, a hun kaibât dante hi la mu ta ngal un.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

DAN LEKHABU 5:16

Lalpa la Pathian thupiak dungzui un la nu leh pa ja un; tichun, Lalpa‘n a hun piakna gam ah hin lamzang in la tiu in, la dam kum uh le sawt in ah.

1 PETER 1:17

Doichuam neilo ah, mitin a nasep dungzui ua vaihawm piakpa chu, Pa gual ah la ko ua leh, la umnau ah la châm sung ua hin laudan thiam in um un.