MALAKI 1:4 - PATHIAN LEKHABU THIANGTHO (BSI)

⁴ Edom mite chun, “Sukchakvai in um ta maleu hin, kile’kit hitiu in, mun sesate chu siampha kit hitiu,” ti ziang maleule, sepai honte Lalpa chun, “Siampha kit ngei in au; himaleh, susia kit tho tho ing ka tin; amau chu gam phalo a hiu, ti ahi masia, kumkhua’n a chung un Lalpa chu lungna zing ahi ngal a,” a la ti’n au.

MALAKI 1:4 ပူးပေါင်းရင်းမြစ်များ

JOB LEKHABU 12:14

Ama’n a hisiat chu kuama’n sa kit thei ta pua’n a; ama’n a khak khum chu kuama’n hongthei ta pua’n a.

JOB LEKHABU 34:29

A la thip hiat hiat leh, kua a hem awimaw thei diak ding? A mai ah sêl mang leh kua nam hi’n, kua mimal hileh a mudok zo ding kua a hem um?

JOB LEKHABU 9:4

Ama chu lunggil ah pil leh, thilhitheina hat ahi ngâl ah, ama dodâl ah lawting ding kua a hem um?

SAM 127:1

Lalpa‘n In a sak lo chun, a sate chu a gimthawn a hiu. Lalpa‘n khawpi a vên lo chun, a vêngte chu a hak thawn a hiu.

SAM 137:7

Aw Lalpa, Jerusalem suk siat hun ah, Edom mite’n, “Puaichim in! Puai chim in! A suangphûm tiang in puai chim in!” a tiu kha hezing in.

SAM 33:10

Lalpa‘n nam tin lunggel chu bangmalo a chansak ah; mi tin thil guanggal chu bangmalo a suaksak sek hi.

THUPILTE 21:30

Lalpa doi lo lam ah mihing pilna, hetthiamna leh lem guatna lawting a um ngai puai.

ISAI 10:4

suangkul ngak ding ah sawl lut leh, a thite lak ah um ding bep in a um tau ah; Chutisapi’nle, a lung a dam diak puai, a khut a lâm nalai lai hi.

ISAI 11:14

Tumlam ah Philistinte do khawm intin uh, sualam ah mite suam in pang khawm ta’n au. Edom tawh Moab do-na’n a khut lâm khawm ta’n tin uh, Ammonte’n le a thuu jawm ta’n au.

ISAI 34:10

A sun a jan in mit ni um pua’n tin, a meikhu chu kumkhua’n jam to ta’n a. A khang a khang in kuama chên theilona’n um ta’n tin, kumtuang, kumtuang in, kuama’n vahaw ta pua’n au.

ISAI 34:5

Ka chemjam in van ah thil umte, a dawn kham tâk ziakin, ngai un, Edom tawh siatna tuak khawm ding ah tiam ah um, mipite chung ah vaihawm dingin, hung kuan suk ding ahi.

JEREMIAH 31:17

La chate chu amau gam lam ah hung kit ding a hiu; ziaziakchun, la tu’nung â dingin kinepna khat a um hi, Lalpa‘n a tii.

JEREMIAH 49:20

Ziaziakchun, Edom kãl ah Lalpa thil guanggal leh, Teman ah chêngte kãl ah a thiltupte chu a la ngai tiam un: Gan-gual no neute chu matheilo ah kaimang in hung um intiu in, a chung ua thiltung te ziakin gankul chu mak sakna’n dim in a.

JEREMIAH 49:7

Edomte chung thu ah Lalpa‘n zia gual hin a gen hi: Teman ah pilna um talo a hem? Mipilte lemhiatna bei ta maw? A pilnau bei zo ta mai maw?

JEREMIAH 49:8

Dedan ah chêngte haw, taijak unla, kiheimang in kisêlmang tau in! Ama ka gawt hun a tun phat leh, Esau lungjinna a chung in tung ding ahi.

JEREMIAH 5:17

La louma suak leh bute hun nêk zaw piak intiu in, la chanuteu leh la chapateu hun nêk zaw piak in au; la belam hon leh bawng honteu hun nêk zaw piak in, la grep leh theichang gateu le hun nêk zaw piak in au. Chuleh, la kisuanpi ma mau khawpi kul det tak neite chule, a chemjam un hun hisia’n au.

KÂ LATE 3:37

Lalpa guatsa ahilo chun, kua’n thu pia’n, bawlthei ding a hem?

EZEKIEL 11:10

Chemjam in thi’n la tiu in, Israel gamgi bul tiang in vaihawm ding ka hi. Tichun, keima hi Lalpa ka hi ti hun he ta’n lau.

EZEKIEL 25:13

Lalpa Pathian in zia gual hin a gen hi: Edom do dingin ka khut lâm ing ka tin, a lak ua kipat mihing leh gancha natiang in gawtmang ding ka hi; Teman ah kipat Dedan tiang in chemjam in thi’n au.

EZEKIEL 25:14

Edomte chung ah phuba chu ka mipi Israelte khut in la ding ka hi; tichun, a chung ua ka lungnatna leh ka thangtawmna dungzui in Edomte chung ah bawl ta’n au; chuleh, phuba ka lâk ahi ti le he ta’n au, tin Lalpa Pathian in a gen tai, ti in.

EZEKIEL 26:14

Suangpi keu gual in hun siam ing ka tin, lên pho’na mun hung suak ta’n la. Bawl phat kit hita pua’n la, Keima Lalpa hin ka gen ta’ngâl a, Lalpa Pathian chun a tii.

EZEKIEL 35:4

La khawpiteu chu ka hi’chim ta’n, nutsia in um ta’n la; chuleh, Keima Lalpa ka hi ti hun he ta’n la”.

EZEKIEL 35:9

Kumkhua nutsia leh la khawpite le tundin kit hita lo dingin siam ing ka. Ziaphat chuleh, Keima hi Lalpa ka hi dan hun he ta’n la, ti in.

AMOS 1:11

Lalpa‘n zia gual hin a gen hi: Edom bawsiatna pathumte ziak leh palite ziakin, a chung ua gawtna ding chu lamang pua’ng ka; ama’n a suapi chemjam in a del in; lainatna zosia haisan ah, a lungnatna vop zing in, a thangtawmna a vop zing ziakin.

AMOS 3:15

Chuleh, phalbi leh nipi In chu suchim ing ka tin; saiha Inte mangthai intin, In lopite chu bei ta’nau, Lalpa‘n a tii.

AMOS 5:11

Migentheite la tawden un, A bu neisun lei man ding ah lak piak a, chênna ding suang In kisak maleu, a sung in chêng diak pua’n lau; grep huan pha takte la bawl un, maleh, a gatui dawn pua’n lau.

AMOS 6:11

En in, Lalpa‘n thu a pia’i, In lian chu a chim lem lum in, In neu chu athem anên in kêk jak in a.

AMOS 6:2

Kalneh khua chia to unla, en un; zia kipat chun Hamath khaw lopi ah chun chiau inla; zia kipat chun Philistinte gam ah Gath ah chia suk un. Zia leng gamte sâng ah hin la phazawu em? Ahiloleh, la gam uh amau gam sâng in a lianzaw a hem?

OBADIAH 1:1

Obadiah thil mû chu: Lalpa Pathian in Edom chung thu a gen a: Lalpa kiang ah kipat in thu ka la hiau in, namte lak in thangko sawl ahi tai: “Hung kipan un! Ama do dingin kipan hitiu!” a ti’n.

OBADIAH 1:10

La suapi Jakob la tha’na leh, a chung ah thagum la sua’na ziakin, zachâtna’n hun chup intin, kumkhua paithâk in um ta’n la.

MALAKI 1:3

Esau vang ka hua ahi; tichun, a chênna tângte chu thawmhau tak in ka siam ta’n, a gochan chu si-alte chênna ding gamkeu in ka siam tai,” a ti’n.

MATTHAI 12:30

Kuale keima lam ah pang lo chu ei do ahi’n; kuale ei lakkhawmpi lo chu ei thejak piak ahi.