MALAKI 1:11 - PATHIAN LEKHABU THIANGTHO (BSI)

¹¹ Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

MALAKI 1:11 ပူးပေါင်းရင်းမြစ်များ

1 KHANGTHU 16:25

Lalpa chu a lopi ma ma ziakin, nasa tak ah pakchat ding ahi’n; pathian dang zosiate sâng ah ja zawk ding ahi.

SAM 111:9

A mite kiang in tatna a hun sawl a, a thuthung chu kumtuang â dingin a guat tai. A min chu Thiangtho leh tizat um ahi.

SAM 113:3

Ni suana kipat a tumna tiang in, Lalpa min chu pâk in um ta hen.

SAM 138:5

Lalpa a lopi bêk ziakin Lalpa umdante chu, La’n sa ta’n au.

SAM 141:2

Ka pauchapna gimtui gual in la ma’n khu to hen la, ka khut hun jakte hile nitâk lam kithoina gual hi hen.

SAM 45:17

La min chu suan zosia’n, a pâkchât ding un siam ing ka tin; ziaziakchun, mi zosia’n la min, kumtuang in chawihoi in au.

SAM 48:10

Aw Pathian, la min gual ngei in, la pâkna chun kawl kîmvêl tiang a thawng hi. La changlam khut chu gâl zaw’na’n a dim hi.

SAM 48:11

La vaihawmna ziakin Zion tâng chu kipak hen la; Judah gam ah khuate chule kipak tak in um tau hen!

SAM 50:1

Hat Chungnung, Lalpa Pathian chun thu a gen a, leilung hi ni sua’na lam ah kipat, a tumna lam tiang in a ko tai.

SAM 65:9

Lei hi la kantha’n, tui in la vâk ah, nasa tak in la hausatsak a; Pathian luidung chu tui in a dim a; lei ah mipite chu bu la pia’n, zia gual ding him ah chu la guanggal ahi ngal a.

SAM 67:2

la lampi chu lei chung zosia het hi hen la, la hukdamna thilhitheina chule, namtin lak ah het a hi’theina dingin.

SAM 86:9

Aw Lalpa, la siamsa nam dang zosia chu, hung intiu in, la ma’n hung kûn intiu in, la min hun chawihoi ta’n au.

SAM 96:8

Lalpa kiang in a min tawh kilawm, lopina chu piau inla; kithoina thilpiak chawi in, a huang sungte ah chun hung lût tau in.

ISAI 12:4

chuleh, zia ni phat chuleh, zia gual hin hun gen ta’n lau: Lalpa kiang ah kipak thu gen unla, a min chu ko un; nam tinte kiang in a thilbawl hiatsak unla, a min chu choisân in a um tai, ti tâklang tau in.

ISAI 12:5

Lalpa pâk in La sau in, lopi tak in thil a bawl ngal a; zia chu lei chung zosia ah het hi hen.

ISAI 19:21

Aiguptate kiang in Lalpa chu kihiatsak ta’n a; ziaphat chuleh, Aiguptate’n Lalpa chu he ta’n tin uh, kithoina leh hâlmang thilpiak in ho ta’n tin uh, Lalpa kiang ah thutiamte bawl intiu in, a thutiam uh mualsua in au.

ISAI 30:27

Ngai un, Lalpa thilhitheina chu a lungnatna kuang tawh, meikhu kitung luai luai kawm in gamla tak ah kipat in a hung hi; a mûkte chu lungnatna’n a dim in, a lei chu mi kângmang ziang thei mei gual ahi.

ISAI 45:6

keima hi Lalpa chu ka hi’n, keima tilo ngâl kuama dang a um puai, ti hi nisuana lam ah kipat, a tumna lam tiang ah mite’n, a hettheina ding un.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

ISAI 59:19

Tichun, tumlam ah mite chun, Lalpa min hun kicha ta’n tiu in, sualam ah mite chunle, a lopina hun kicha ta’n au; luicha tuilian leh Lalpa hui in a mût, gual in hung ding ahi ngal a.

ISAI 66:18

A lungthim ua a ngaituanau zosia leh a thilbawl zosiau chu ka he ngal a; chuleh, namtin leh pautinte pui khawm dingin ka hung kuan hi; tichun, hung khawm intiu in, ka lopina chu mu ta’n au;

JEREMIAH 10:6

Aw Lalpa, nangma gual him kuama a um puai, la lopi in, la min chu hatna’n ahi’lopi hi.

JEREMIAH 10:7

Aw, namtin chung ah Lengpa, kua a hem nang hun lau lo ding chu? Namtin lak ah mipi zosia leh, a lenggam zosiau lak in, nangma gual kuama a umlo ziakin, ja tâk him la hi.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

DANIAL 2:45

khut ah kisêk hilo, mual ah kipat suangtum hung kilîk in, thîk leh sum-eng leh, tung leh dangka leh, sana hun sep nawn dim dem la mu gual ah chun, hung um ding ahi. Pathian lopi tak chun, tu’nung ah bang gual thil hung um ding a hem ti, lengpa a hun hiatsak ahi chu lam. La mang ah la mu ngei leh a hilchetna chule a dik tak ahi, ti’n a dawnhu tai.

AMOS 9:12

tichun, Edom mun ah um nalaite leh, ka min ah ka ko nam zosiate chu a neitheina ding un, zia bawlpa, Lalpa chun a gen ahi.

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

ZEPHANIAH 3:9

Ziaphat chuleh, mipite pau thiangtho in then piak ing ka tin, lungthim kithu gual ah Lalpa min chu, a hun ko ua, a na a sep khawm theina ding un.

ZEKARIAH 8:7

Sepai honte Lalpa‘n zia gual hin a gen hi: Ka mite chu sualam gam ah kipat leh, tumlam gam ah kipat in hun hukdok ing ka tin;

MALAKI 1:14

A gan hon lakah a chal tuai mâmpha piak ding ah kitiam zosa hi ta’ngal ah, Lalpa kiang ah demkâi hun lân, mi zuauthei chu hânsia law in um ta hen; keima hi Lal lopi tak ka hi’n ka min le namtin lak ah ja ah um ahi ngal ah, sepai honte Lalpa chun a ti ahi.

MALAKI 3:3

ama chu dangka thîk hâlthiangpa leh suthiangthopa gual in kitung intin, dikna thillatte Lalpa âng ah a hun choi kit masangsia’n, Levi suante chu sana leh dangka sukthiantho ahi gual in, hun suthiangtho ta’n a.

MATTHAI 28:19

ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;

MATTHAI 8:11

Ka hil la hiu, sualam leh tumlam ah kipat in mi tam tak hung intiu in, van-gam ah chun Abraham, Isak leh Jakob kiang ah chun an nekhawm intiu in;

LUKA 1:10

A gimtui hâl sung ah chun mipi zosia In mai ah pauchap in a la um un.

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

PHILIPPI 4:18

Bangkim ka nei ta’n, ka hau ahi; Epaphrodita khut ah thil lei hun thawtteu kha ka la mu’n, ka kiningting tai. Zia chu thillat gimtui, Pathian â ding ah kithoina pom tâk leh kipak um chu a hi.

2 THESSALONITE 1:12

Chutichun, I Pathian leh Lalpa Jesu Khrista hepina dungzui in, I Lalpa Jesu min chu nangmau ah suklopi ah a umtheina ding leh, nangmaule ama ah suklopi ah la umtheina ding un.

1 TIMOTHI 2:8

Chutichun, muntin in pawsalte chun, khut thiangtho jak in, lungna lo leh kinial lo in pauchap leu ka dawi in;

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.

THUPUAN 5:8

Lekhabu chu a lâk phatin, thilhing palite leh upa sawmni leh palite chu Belamno ma-âng ah chun a bokkhup tau a, tingtang leh sana belbu gimtui ah dim a chawi chiat un; zia chu mithiangthote pauchapna chu ahi.