MALAKI 1:10 - PATHIAN LEKHABU THIANGTHO (BSI)

¹⁰ Nanghaw lak ah mi pakhat bêk ka mâichâm ah a thawn mai ah mei sêm ahilo’na ding ah, ka tempul kotkhak vakhâk ding um maileu chin aw! La chung ua kipakna him ka nei pua’n, la khut ua kipat thillat chu pom him him pua’ng ka, sepai honte Lalpa chun a ti ahi.

MALAKI 1:10 ပူးပေါင်းရင်းမြစ်များ

2 LENGTE 12:6

Himaleh, Lengpa Jehoash kum sawmni leh thumna tiang inle thiampute’n In chu bangma a siampha nai puau hi.

THUPILTE 15:8

Mi nunsia kithoina chu Lalpa ki’dak lam tak ahi’n; mi lamzang pauchapna vang, a kipakna lam tak ahi.

JEREMIAH 14:10

Zia mite chungchâng ah hin Lalpa‘n zia gual hin a gen hi: Vâkmang a nuam tun tun un, a kengteu chu a thunun zo puau hi; ziaziakchun, Lalpa‘n a pom ta pua’n, tu’hin a nunsiatnau hezing in, a gitlonateu ziak ah chun, hun gawt ta’n a.

JEREMIAH 14:12

Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

JEREMIAH 6:20

Sheba ah kipat begaw a hun puau a, gamla tak ah kipat kêlzu thum tak a hun puak uh haw hi; kei â dingin bang ah pang ding a hem? La hâlmang thilpiakteu pom tâk a hipua’n, la kithoinateu le kipak um ahi diak puai.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

HOSEA 5:6

Lalpa hawl dingin a belam honteu leh, a bawng honteu tawh chia intiu in, himaleh, mu zo pua’n au; amau a kilepdok san ta’ngal a.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

MALAKI 1:13

“Ningtelsak ahi,” la tiu a, la nâk uh la nîlsak ui, sepai honte Lalpa chun a ti ahi. Thagum ah la lâkpiakteu, a kengbai a hem, a hisêl lo a hem haw chu la hun lân ta mai un! La khut ua kipat in zia gual thilte chu a la pom ding ka hia hem? Sepai honte Lalpa chun a ti ahi.

MALAKI 2:12

Sepai honte Lalpa kiang ah zia gual ah thil lân ah, hetpi leh lemguatpi ah pang taphot chule Lalpa‘n Jakob puanbûk ah kipat in paidok mai hen.

MALAKI 2:13

Chuleh, zia hile la bawl belap nalai sêt ui: La khut ua kipat thilpiak a lop tâk lo ziak leh a ngaisak tâk lo ziakin, Lalpa mâichâm chu kâna leh mauna mitthi tui in la luan khumsak zo tau a.

JOHAN 10:12

Belampu tak hilo ah, sumthalawte, a belamte neipa hilote vang chun, ngei hung a mu tak leh, a nusia vak ah, a jamsan ziang sek hi; zia tak chuleh ngei chun amau haw chu man in, belamte chu a jam chek ta sek ui.

1 KORINTH 9:13

Tempul nasemte’n tempul ah thil a nêk leh, mâichâm nasemte’n mâichâm thillatte ah chanvo a nei ui ti helo la hiu em?

PHILIPPI 2:21

A leng un Jesu Khrista â ding hawl lo in, amau â ding bep a hawl chiat un.

HEBRAITE 10:38

Himaleh la midik chu ginna’n hing in a. A kinungle kitte chung in vang, ka thagau lungdam pua’n a”. A tia.

1 PETER 5:2

La khut ua vopsak ah um, Pathian belam hon chu chingtup un; hi’ ding a hiziak bep hilo in, Pathian thu gual ah thanuam tak zaw’n, lawkna hawl ziak le hilo in, lungthim ah dawi tak zaw’n,