LUKA 9:41 - PATHIAN LEKHABU THIANGTHO (BSI)

⁴¹ Ziaphatchun Jesu’n, “Aw ginna tawmte leh khangthak chavaite haw, la lak ua bang chan um nalai ding ka hia, ka hun khawngai nâk lai ding a hem? La chapa chu zia lam ah hin hun pui in,” a tia.

LUKA 9:41 ပူးပေါင်းရင်းမြစ်များ

2 LENGTE 5:8

Israel lengpa’n a puante a botthêk hi ti Elisha in a het phat in, lengpa kiang in thu a thot ah, “Bangziak ah, la puante botthêk la hem? Kei kiang ah hung sawl in, Israel ah jawlnei khat a um hi ti a hetna dingin,” a tia.

SAM 78:8

a suanteu dungsûn ah suan lochal leh, kiphin chîngte, suan thumang lo, Pathian lak ah lungthim ginum lo pu’, a umlo’na ding un.

PAWTDAWNA THU 10:3

Tichun, Mosi tawh Aron chu Pharaoh kiang in a chia tau ah, a kiang in, “Zia gual hin Hebraite Pathian in a gen hi: Ka ma-âng ah hin kingaitawm nuam lo ah bang chan um nalai ding la hem? Ei ho theina ding un ka mite hun thâdok ta’n;

PAWTDAWNA THU 16:28

Lalpa chun Mosi kiang in, “Ka thupiakte leh ka dante hi bang chan a hem jawm lo ah la um ding uh?

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

KISIMNA LEKHABU 14:11

Chun, Lalpa chun Mosi kiang in, “Zia mite hin ei musit tak ah bang chan um ding a hiu em? A lak ua teptênate bang jat ka bawl ah le ei taksang nai diak lo ding a hiu maw?

KISIMNA LEKHABU 14:27

Zia tak ah migilo pungkhawmte hi ka chung ah bang chan phunchiak ding a hiu em? Israelte phunchiakna, ka chung ah a phunchiaknau ngei chu ka he ta ngâl a.

MATTHAI 11:28

Nanghaw sêmgim leh puakgik paw zosiate haw, ka kiang ah hung un, keima’n a la chawldam sak ing ka.

MATTHAI 12:39

Himaleh, ama chun, Khangthak gilo leh ângkawm hatte’n tepte’na a hawl un; jawlnei Jonah tepte’na tilo ngal tepte’na dang piak hita pua’n a.

MATTHAI 12:45

Tichun, a vachia kit ah, ama sâng ah gilo zaw thitha dang sagi a hun pui a, zia tak chun lut in a chêng tau hi; zia mihing umdan nunung zaw chu a masa sâng in a hung sezaw tai. Zia gual ma chun, tu’lai khangthakte chung ah hinle tung ding ahi, a tia.

MATTHAI 16:4

Tu’lai khangthak gilo leh thanghuaite hin, teptena la hawl uh ahi maw; himaleh, Jonah teptêna longal teptena dang him him piak hipua’n a, a tia. Amau chu nusia in, a chia mang san tai.

MATTHAI 17:17

Jesu’n, khangthak ginna neilo leh thukhelte haw, bangchan hun umpi nalai ding ka hem? Bangchan a hem ka hun daw zaw nâk lai ding? Ama chu ka kiang in hun pui un, a tia.

MATTHAI 23:36

Titakzet in ka hil la hiu, zia zosia chu tu’lai khangthakte chung in hung tung in a.

MATTHAI 3:7

Himaleh, Pharisaite leh Sadukaite tam tak baptisma chang ding ah hung a la mu phât in a kiang un, “Gulsuante haw, lungnatna hung tung ding chu pumpel dingin kua’n a hun hil em?

MARKA 10:14

Ahi’n, Jesu’n zia chu a mu in a lungdam paw ma ma ah; a nungzuite kiang in, “Naupangte kha ka kiang ah hungsak un la, zada kiu in; Pathian gam chu zia gual mite â ding chu ahi ngal a.

MARKA 10:49

Jesu chu a hung ding ah, “Ama chu hun pui un,” a tia. Tichun, mitthûmpa chu a hun ko ua, “Thamuang tak in um in, hung dingdok in, a hun ko hi,” a tiu a.

MARKA 9:19

Ama chun a kiang un, “Aw khangthak ginna neilote haw! Bangchan hun umpi nalai ding ka hi em? Bang chan hun kithuapi nalai ding ka hem? Ama chu ka kiang in hun pui un,” a tia.

LUKA 8:25

Chuleh, a kiang un, “La ginnau khoilam ah um ahi tam?” a tia. Amau chun lau ma ma leh maksa tak in, “Zia pa hi khoilam bang mi a hita, tui leh thiguale thu a pia, a thu a awi ziang uh hi?” a kitiu a.

LUKA 9:40

La nungzuite ei nawdaw piak ding ah ka dot leh ahi’thei puau in,” a tia.

LUKA 9:42

A hung lai un thitha buak chun, khawhelo khop in nasa tak in a hun soisa tai. Jesu’n thitha buak chu a hun vau ah, naupang chu a hi’dam ah, a pa kiang in a chiasak kit tai.

JOHAN 14:9

Jesu’n a kiang in, Philip, zia chanpi hi la kiang in ka um ta’n, ei he diak nai lo la hi maw? Kuale kei ei mu chu Pa mu ahi; Pa chu kei uh ei musak in, bangtidan ah la ti a hem?

JOHAN 20:27

Thoma kiang ah chun, “La khut in hun bân inla, ka nâk ah thun in. La khutzung in hun khoi in, ka khutte hi en in. Taksanglo in um kin la, taksang in,” a tia.

NASEPTE 13:18

Gamthip ah kum sawmli sung a vâkvâi lai ua khanle, a la en zui zing a.

NASEPTE 2:40

Chuleh, thudang tam tak tawh le hilchian in, a tilkho ah, “Tu’lai khang ah gitlonate lak ah kipat in kihukdok un,” a ti’n.

ROMTE 2:4

Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

DAN LEKHABU 32:5

a cha giloten diklo tak in a la bawl tau ah; nam chavai leh mi lungkawite a hiu.

HEBRAITE 3:19

Tichun, a gin lo ziak un a lut thei ta puau hi, ti I mu tau hi.

HEBRAITE 4:11

Ziaziakchun, zia cholna chu lut dingin phatchuamngai tak in sêmgim hitiu; chutilochun, a ginlo ziak ua pûkte gual ah khan, kua a hem a la pûk kha’n lau.

HEBRAITE 4:2

Chanchinpha a kiang ua gen ahi gual ma khan eihaw kiang ah le gen ahi ngal a; himaleh, a hiatteu chu a ginnau tawh a zop lo ziak un, a kiang ua thu kigente chu a phatchuampi puau hi.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.