LUKA 9:32 - PATHIAN LEKHABU THIANGTHO (BSI)

³² Himaleh, Peter leh a lawite chu a i-mut uh a suak ma ma ta’n; a hung haldaw phat un, a kiang ah ding mi panite leh a lopina chu a mu tau a.

LUKA 9:32 ပူးပေါင်းရင်းမြစ်များ

ISAI 60:19

Sûn ah la meivak ding chu, nisa hita pua’n tin, jan ah a hun salvâk dingle, thapi hi diak ta pua’n a; maleh, Lalpa chu la kumtuang meivak ding hita’n tin; chuleh, la Pathian chu, la lopina ding uh hung hita’n a.

DANIAL 10:9

Ziaphatchun, a aw ka he ta’n; a aw ka het phat in, ka mai ah lei tual si’n, khawhelo in ka kipûk tha tai.

DANIAL 8:18

Ei kihopi phatin, ka mai ah lei tual si’n khawhelo in ka um ta’n; ziaphatchun, ei hun khoi ah, ka keng in ei hun dinsak ta.

MARKA 14:40

A hung kit ahileh amau haw chu ipmu ma’n a hung mu kit ah, a i-mut uh a suak ma ma ngal ua, dawnhu ding dan le a he ta puau hi.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 17:24

He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

2 PETER 1:16

I Lalpau Jesu Khrista thilhitheina leh a hungna thu ka hun hil lai un, tuanthu pil tak ah ngaitua dawte mai zui ka hi puau ah, a lopina mutute ka hi zawu hi.

1 JOHAN 3:2

Doitakte haw, tu’hin chu Pathian chate I hitau hi; bang gual ah I um ding uh vang a kilang nai puai. Ama chu a hung kilat phat leh, ama chu ahi’na gual tak in mu tai tiu in, ama gual in um ding I hiu ti vang I hiau hi.