LUKA 9:26 - PATHIAN LEKHABU THIANGTHO (BSI)

²⁶ Kuale, keima leh ka thu japi tapo chu, Mihing chapa’n, ama lopina tawh, a Pa lopina tawh, vansawlchâk thiangthote lopina tawh a hung phat leh zia mi chu hun japi in a.

LUKA 9:26 ပူးပေါင်းရင်းမြစ်များ

ISAI 53:3

Mite musit leh pâmpai in a la um ta’n; mi lungngai leh natna dim ahi. Kuama’n a mitlêm ua le, a mu tâk lo leh a musit uh ahi; tichun, ei hawn le bangma I la ngai puau hi.

DANIAL 7:10

A ma-âng ah kipat in mei a hung pawtdok in; a sâng ah mun sâng tam takte’n a na a sep piak un, a kiang in a sîng ah mun sîng tam takte a ding kîmvêl ui. Thutanna hun a pan un, lekhabute a phêt tau a.

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

MATTHAI 25:31

Mihing Chapa chu a vansawlchâkte tawh, a lopina kithuam ah a hung tak leh, a lopina lalchutpha chung ah hung kichu’n tin;

MATTHAI 26:64

Jesu’n a kiang in, “La hi, lei ti chu lam. Banghitaleh, ka hil la hiu, Tu’kipat hin Mihing Chapa hi, Bangkim Hi’theipa changlam ah kichu leh, van sûm lak ah hung suk hun mu’n lau,” a tia.

MARKA 8:38

Kuale tu’lai khangthak ângkawm leh gilo lak ah, keima leh ka thu japi tapo, Mihing chapa’n vansawlchâk thiangthote tawh, a Pa lopina kivan ah a hung phat leh, zia mi ngei chu hun japi thuk in a,” a tia.

JOHAN 12:43

Pathian pakchakna sâng in mihing pâkchâkna a hawl zaw ngal un.

JOHAN 5:44

Pathian bep ah pâkchâkna hawl ding ahi dan helo in, nangmau kipâkchâkna mai la hawl ua leh, bangti’n gingcha thei ding la hiu em?

NASEPTE 10:22

Amau chun, “Kornelia kiti, sepai za hotu, mi ginum tak leh Pathian kicha tak ah khawsa leh, Juda nam zosiate lak ah le minpha tak ah um chu, Pathian ah kipat hung vansawlchâk thiangtho hiatsak in, a In ah nangma vachia ah, la thugen a ngaithâk theina dingin a hung ko ding ah ei sawl ah, hung ka hiu,” a vatiu a.

ROMTE 1:16

Khrista chanchinpha chu ka jachâkpi puai; kuale a ging tapo â ding ah hukhinna dingin Pathian thilhitheina ahi’n; zia chu a lim in Judate â dingin ahi’n, zia ban ah chun Grikte â ding a hung hi kit hi.

2 KORINTH 12:10

Ziaziakchun, Khrista ziakin hatlonate, hosiatnate, châtganate, sukgentheinate leh buainate ah hin ka kipak sek hi; ka hâtlo phat si’n leh ka hat sek ngal a.

GALATIA 6:14

Kei vang in, I Lalpau Jesu Khrista kros longal chu ka suan lo ding zia mai chu; ama ziakin khawvel hi kei â dingin khetden in a um ta’n, keile khawvel â dingin khetden in ka um tai.

1 TIMOTHI 5:21

Pathian leh Khrista Jesu leh, vansawlchâk têlte mit mu in ka hun hil la hi: zia thute hi doisak chuam neilo in zui inla, khen chuam nei in bangma bawl kin.

2 TIMOTHI 1:12

tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

2 TIMOTHI 2:12

I thok uh chun, ama tawh vaihawm khawm hitiu; ama I kilepsan uh chun, ama’nle ei kilepsan in a.

HEBRAITE 11:26

Khrista a musitnau chu Aigupta ah gote sâng in hausakna thupi zaw’n a ngai ah, kipakman mu ding chu a thîl ziakin.

HEBRAITE 13:13

Ziaziakchun, ama a mu tawmnau chu pua’n, dâi pawlam in chia hitiu.

JUDA 1:14

Adam ah kipat suan sagina Enok chun, ziate chungchâng chu a la genlawk a: “En un, Lalpa chu a mithiangtho a sâng têl tawh a hung hi;

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

THUPUAN 3:5

A zo te chu puan vâm silsak hi’n tiu in; hinna lekhabu a min uh chu thâimang him him pua’ng ka; Pa ma-âng leh vansawlchâkte ma-âng ah chun a min uh chu panpi zaw’ng ka.