LUKA 9:20 - PATHIAN LEKHABU THIANGTHO (BSI)

²⁰ Ama chun a kiang un, “Aleh, nanghaw’n kua ahi lei tiu em?” ti’n a dong ta’n. Peter in, “Pathian Messiah chu la hi,” ti’n a dawnhu a.

LUKA 9:20 ပူးပေါင်းရင်းမြစ်များ

MATTHAI 22:42

Messiah kiti hi bangti’n la ngaituau em? Ama chu kua cha a hi, la tiu em? a tia. Amau haw chun, David Chapa, a tiu a.

MATTHAI 26:63

Himaleh, Jesu chu thipbek in a um a. Chun, thiampu lianpen chun, Pathian hing min in kigenchian dingin ka hun sawl la hi, Messiah, Pathian hing Chapa chu la hi em? ei hil in, a tia.

MATTHAI 5:47

La unaute bep chibai la bûk leh bang a hem la phat zawk na? Jentelte’n le zia gual chun a bawl puau ah a hem?

MARKA 14:61

Himaleh, ama chu a thip bik bek ah, bangma cha’n a dawnhu puai. Ziaphatchun, thiampu lianpen chun a dong kit a, “Messiah, Maljawlna Chapa chu la hi em?” a tia.

MARKA 8:29

Ama chun a kiang un, “Aleh, nang un kua ahi lei tiu em?” ti’n a dong a. Peter chun a dawnhu a, “Messiah chu la hi,” a tia.

LUKA 22:67

“Messiah chu la hi tak tak em? ei gen in,” a tiu a. Ama chun, “Gen lengle taksang pua’n lau;

LUKA 9:19

Amau chun a kiang in, “Khen khat in, ‘Baptispa Johan kha ahi’ a tiu in; khenkhat in, ‘Elijah ahi’ a tiu in; midang khenkhat chun, ‘Nidanglai ah jawlneite lak ah pakhat hung thokit ahi’ a tiu hi,” ti’n a dawnhuu a.

JOHAN 1:41

Ama chun a masa pen in a suapipa Simon a hawldok ah, a mu phât in, “Messiah ka mu tau hi,” a tia (zia chu Sathaunu’, ti’na a hi).

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

JOHAN 11:27

Ama chun, a kiang in, “Taksang e Lalpa, nangma hi Messiah, Pathian Chapa, zia khawvel ah hung ding pa chu la hi ti ka taksang hi,” a tia.

JOHAN 20:31

himaleh, zia lekhabu hi, Jesu chu Pathian Chapa Messiah chu ahi ngei hi, ti la hun taksan ua, ama ging ah, a min ah kumtuang hinna la neina ding ua zik ahi zawi.

JOHAN 4:29

“Hung unla, hung en tiam un, mi pakhat ka thil hi zosia ei gen piak ziang thei a um hi, Messiah chu a hiziang kha diam?” a vatia.

JOHAN 4:42

Chuleh, amau chun, numei kiang ah chun, “Tu’hin vang nang thugen ziak ah gingcha ka hita puau in, keimau ngei in a thu ka hiau ah, zia hi Messiah, khawvel hukhingpa chu ahi ngei hi ti ka he tau hi,” a tiu a.

JOHAN 7:41

Mi khenkhatte chun, “Ziapa hi Messiah chu ahi tak tak hi,” a tiu a. Ahi’n la, a lak ua khenkhatte chun, “Messiah chu Galili gam ah kipat in hung pawt ding a hem, hung pua’n a?

NASEPTE 17:3

Messiah chun gentheina thuak ah, thina ah kipat thodok ding him a hi’dan chu gunchu tak in a suidawpi ah, a hilchian pek a; “Zia Jesu, a chanchin la kiang ua ka gen hi Messiah chu ahi ngei hi,” ti’n a hil a.

NASEPTE 8:36

A kiton pek lai ua chun lui pakhat a tung ua, mi kigetpa chun, “Entia, zia tak ah hin tui a um hi, baptisma ka channa ding bang ei dâl a um em?” a hun ti’n.

NASEPTE 9:22

Himaleh, Saul chu a hung hat deu deu ah, Jesu chu Messiah ahi ngei nai, ti thu chu puang in Damaska khua Juda umte chu a nial dong tai.

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.