LUKA 9:19 - PATHIAN LEKHABU THIANGTHO (BSI)

¹⁹ Amau chun a kiang in, “Khen khat in, ‘Baptispa Johan kha ahi’ a tiu in; khenkhat in, ‘Elijah ahi’ a tiu in; midang khenkhat chun, ‘Nidanglai ah jawlneite lak ah pakhat hung thokit ahi’ a tiu hi,” ti’n a dawnhuu a.

LUKA 9:19 ပူးပေါင်းရင်းမြစ်များ

MALAKI 4:5

Ngai un, Lalpa ni lopi leh tizat um tak chu a hung tun masang in, jawlnei Elijah hun sawl ding ka hi.

MATTHAI 14:2

a nasemte kiang in, zia mi chu baptispa Johan, a thisa hung hing kit a hiziak ah, zia thilhitheina chu nei ahi, a tia.

MATTHAI 3:1

Zia lai ah chun, Baptispa Johan chu hung in, Judai gamthip ah thu a hung gen a:

MARKA 6:14

Jesu min chu gam tin ah a kithan tâk ziakin, a chanchin Lengpa Herod in a la he ta’n; mi khenkhat in, “Baptispa Johan kha hung tho dawk kit ah, thil lopi tak tak hun bawl ahi,” a tiu a.

MARKA 6:15

Mi khenkhat in, “Elijah hi’n ah,” a tiu a. Midangte chun, “Jawlnei a hem, ahiloleh, jawlnei tawhbang khat hi’n a,” a tiu a.

LUKA 9:18

Khatvei chu, ama ngawn ah a pauchap zaw in, a nungzuite kiang in, “Aleh, keima hi mite’n kua ahi ei tiu em?” ti’n a dong a.

LUKA 9:20

Ama chun a kiang un, “Aleh, nanghaw’n kua ahi lei tiu em?” ti’n a dong ta’n. Peter in, “Pathian Messiah chu la hi,” ti’n a dawnhu a.

JOHAN 1:21

Amau chun a kiang in, “Kua la hi em leh, Elijah la hi em?” ti’n a dong kit un. Himaleh, ama chun, “Ka hi puai,” a ti kit a. Aleh, “Jawlnei la hi em?” a ti kit un. Ama chun, “Hilo,” a ti kit ngen a.

JOHAN 1:25

Amau chun, “Messiah le hilo, Elijah le hilo, jawlnei le la hi diak lo leh, bang a tia mi baptis sek la hem?” ti’n a dong un.

JOHAN 7:40

Zia a thugen chu a hun het phat un, mipi lak ah mi tam tak chun, “Zia pa hi jawlnei chu ahi tak tak hi,” a tiu a.

JOHAN 9:17

Tichun, mitthûmpa kiang ah chun, “Nang in la mit hi’vâk piakpa kha bang ti’n la ngai em?” a tiu a. Ama chun, “Jawlnei ahi,” a tia.