LUKA 8:42 - PATHIAN LEKHABU THIANGTHO (BSI)

⁴² a chanu neisun, kum sawm leh ni mi chu damlo thi vâng vâng in a um a. A chia lai ah chun mipi chun a tuam hut hut tau a.

LUKA 8:42 ပူးပေါင်းရင်းမြစ်များ

JOB LEKHABU 4:20

jingkal ah dam chule nitâk masang ah, thi ziang sek ahi ngâl in; kumkhua hetphâk tâk lo dingin, a mangthai zo tau hi.

THUGENTU 6:12

Mihing dam sung nikhua lîm gual ah bei ziang, bangmalo leh chomcha sung ah hin, mihing â ding ah pha pen chu bang a hem ti kua a hem he ngai? Khawvel ah hin a nung ah thil hung tung ding kua a hem hil thei ding?

EZEKIEL 24:16

Mihing, phutlo in la mu nop pen te chu lamang ding ka hi; himaleh, kap pua’n la tin, sûn diak lo in, la mitthi le pawt pua’n a.

EZEKIEL 24:25

Mihing, nang vang chu a kulpiteu, a kipaknau leh a lopinau, a mit uh limna pen leh a lungthim ua a ngainat pen uh leh, a chanu chapateu tawh ka lâkpiak ni phat leh,

ZEKARIAH 12:10

Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.

MARKA 5:24

Jesu chu ama tawh kiton in a chia tai. Mipi tam tak in a zui ua, a tuam hut hut un.

LUKA 7:12

Khawpi kul kotkhak a hun nai phat un, mithi pakhat a hun jawndok ua. Ama chu a nu chapa changkhat neisun ahi’n, a nu chu meithâi ahi; khawpi mipi tam tak inle a hun zui un.

LUKA 8:41

zia tak ah chun mi pakhat, a min Jaira a tiu, sunagog hotupa chu a hung a. Jesu kengbul in a hung bok khup ah, a In ah hung dingin a don a;

LUKA 8:43

Zia tak chun numei pakhat, kum sawm leh ni thipût a hung ah, ama chun a nei zosia daktor kiang in a sêng zo ta’n; himaleh, kuama’n a hi’dam thei puau a.

LUKA 8:45

Ziaphatchun Jesu’n, “Kua a hem ei khoi?” a hun tia. Himaleh, Ama khoi kha chu umlo ahi dan uh a gen chiat tau a. Peter chun, “Hotupa, mipi’n a hun tuam hut hut un, a hun phu mên mûn uh hi lam,” a tia.

ROMTE 5:12

Chutichun, mi pakhat ziakin gitlona khawvel hin a lut ta’n, gitlona ziakin thina a lut in; zia gual ma chun mi zosia migilo I hi tâk ziak un thina’n mi zosia a zen suak tai.