LUKA 8:38 - PATHIAN LEKHABU THIANGTHO (BSI)

³⁸ Ahi’n, thitha buakte pawtsanpa kha a hung ah, a kiang ah um zing dingin a hung kidon a; himaleh, Jesu’n a la sawl kit ta’n, a kiang in:

LUKA 8:38 ပူးပေါင်းရင်းမြစ်များ

SAM 116:12

Ka chung ah a thilbawl phat zosia ziakin, Lalpa kiang ah bang a hem ka piak thuk ding?

SAM 116:16

Aw Lalpa, la suak ka hi; nangma suak, la suaknu chapa ngei chu ka hi. Ka kolbu lei thap piak tai.

SAM 27:4

Lalpa kiang in thil pakhat ka don ah, zia bep chu hawl zing ing ka: Ka damsung sia Lalpa In ah um zing ah, Lalpa mêlphat zia mu ding leh, a tempul ah a thu dong ah um zing dingin.

SAM 32:7

Nang, ka kisêlgukna la hi’n; lungkhamna lak ah kipat ei hukdok in la tin; lei hukdawna ziak ah kipakna La te chu, ei ûm kîmvêlsak ding la hi. (Selah)

MATTHAI 4:24

Suria gam zosia’n a chanchin a thang suak ta’n; tichun, damlo zosia, hivei nei leh natna tincheng thuakte, thithabuak matte, hipût neite leh zengte haw chu a kiang in a hun pui ua; a la hi’dam suak tai.

LUKA 8:28

Jesu a hun mu phât in a kiko ah, a ma-âng in a bokkhup ah, aw ngai tak in, “Jesu, Chungnung pen Pathian Chapa, bang ei law ding ah hung la hem? Ei sawisa lo dingin ka don la hi,” a tia.

LUKA 8:37

Ziaphatchun, Gerasin gam leh a tuamvêl ah mi zosia chun a lau ma ma ziak un, amau chu nusia dingin Jesu chu a don tau hi. Tichun, long ah chun a lut ah, a kile’kit tai.

LUKA 8:39

“La In lam ah chia kit inla, la chung ah Pathian in thil a hun hi’piak dan hi vagen jak ta’n,” ti in. Tichun, ama le a chia kit ah, a chung ah Jesu’n thil lopi tak a hi’piak dan chu, khawpi sung zosia ah chun a gen jak tai.

PHILIPPI 1:23

Pawt daw ah Khrista kiang ah um chu a phat zawk ma ma ziakin, a kâl lak ah lungthim laklaw tak in ka um ahi.