LUKA 8:3 - PATHIAN LEKHABU THIANGTHO (BSI)

³ Herod sepkolpa Chuza ji Joanna tawh, Susanna tawh, midang tam tak tawh le a hiu a, amau haw chun a thil neiteu ah kipat in ama â ding a bawl piak tau a.

LUKA 8:3 ပူးပေါင်းရင်းမြစ်များ

1 KHANGTHU 29:14

Himaleh, kei hi kua ka hia, ka mipite hile bang a hiu ah, zia gual tuk ah kiphalna tawh thilpiak hun pia ziang thei ka hiu em? Bangkim hi nangma ah kipat hung pawt ngen ahi’n, nang â ma ma chu ka hun piak kit uh a hizawi.

ISAI 23:18

A veipun leh a lawdawte chu, Lalpa kiang ah lat thiantho in hung um ta’n ah; a lawknate chu koltup in khol pua’n tin, a veipunte chun Lalpa tawh ah umte nêk ding leh sil leh chên pha tak tak kiningting tak in pia ta’n a.

MATTHAI 14:1

Zia hun lai ah chun, gam vaihawmpa Herod chun Jesu chanchin a la he ta’n;

MATTHAI 14:3

Johan kha Herod thupiak ah kiman ahi’n, a kân ah, suangkul in a khum ah, a suapipa Philip ji Herodias a la kichenpi ziak ah a la bawl ahi.

MATTHAI 14:6

Herod pianchampha a lop niu a hung tun phatin, Herodia chanu chu mipi ma-âng in a hung lâm a, Herod chu nasa tak ah a kipak tâk ziakin,

MATTHAI 2:11

In sung ah a lut ua, a nu Mari tawh nausen chu a muu a; bokkhup in chibai a bûk ua, a gobawmteu hong in, kipakna thilpiak sana, begaw leh murra a piau a;

MATTHAI 20:8

Nitâk a hung hi in, grep huan neipa chun a sum voppa kiang in, nasemte kha ko inla, a nunung pen ah kipat a masa pen tiang in a law uh pia’n, a tia.

MATTHAI 25:40

Lengpa chun a kiang un, titakzet in ka hil la hiu, zia ka unaute lak ah a neupen chung ah la hiu kha le, keima chung ah hi’ la hiu, hun ti ta’n a.

MATTHAI 26:11

Migenthei chu la lak un a um zing hi; kei ka hileh la lak un um zing lo ding ka hi.

MATTHAI 27:55

Gamla tak ah kipat a la thîl zing numei khenkhat a um ua, amau chu Galili gam ah kipat hun zui, a na sep piak sekte kha a hiu a.

LUKA 24:10

Sawlchâkte kiang ah thil umdan hung gente chu Mari Makdalin, Joanna, Jakob nu Mari leh a lak ua numei dang umte sia tawh a hiu a.

JOHAN 12:6

(Migentheite a khawtua ziak ah a gen ahi pua’n; ama hi mi gucha a hia, dangka dip a kol ah, a sung ah um chu a lak sek ziakin ahi zawi.)

NASEPTE 13:1

Antiok khua kochuamte lak ah chun jawlnei leh mihilte le a pang un; ziate chu: Barnaba, Simeon, Niger le a ti sek uh kha tawh, Kurini ah um Lukia tawh, gam awptu Herod tawh seilian khawm Manaen tawh, Saul a hiu a.

2 KORINTH 8:9

Lalpa Jesu hepina chu, a gentheina ziak ah la hung hausak theina ding un, hausa maleh nanghaw ziak ah a genthei law kha la he’nau.

PHILIPPI 4:22

Mithiangtho zosia hin chibai a hun bûk ui, Kaisar Inkuan lak ah mite hin a bîk tak in a hun bûk ui.

1 TIMOTHI 5:10

a nasep phate hetpi hita, chate vâk lian ta, zin leh lêng bawldan thiam, mithiangthote keng sil piak ta, liangvaite a la somdawl ta leh nasep pha zosia ah kipe zo mi ahi ding ahi.