LUKA 8:24 - PATHIAN LEKHABU THIANGTHO (BSI)

²⁴ A kiang in a hung ua, a kaitho un: “Hotupa, hotupa, mangthai ding ka hitau hilam!” a tiu a. Ziaphat chun a hung tho ah, thigua leh tuifawn kisep vut vut chu a hun vau a; tichun, a hung chawl ua, a thip dîl dêl ziang tai.

LUKA 8:24 ပူးပေါင်းရင်းမြစ်များ

SAM 65:7

Tuisuagiat gi hum hum, tui kinawk gite leh mipi husa lul lul te, hi’thippa chu nang la hi.

ISAI 50:2

Ka hung lai ah khan bang ding ah pakhat chale, a la umlo la hiu em? Ka hun ko lai ah khan bang ding ah, pakhat cha’nle ei dawnhu lo la hiu em? Hukdok theilo ding khop ah ka khut chu, sukchom in a um ah a hem? Ahiloleh, hukdok zo lo ding ah, thahâtna neilo ka hi em? Ka vau leh tuisuagiat le a kang mai a, luipite le gamkeu ka suaksak a; tui tâksap ziakin a sung ah sangate le, a ui veng vung un, dangchâk ziakin a thi zo tau hi.

JEREMIAH 5:22

Lalpa chun, Ei lau lo la hiu em, ka âng ah kithing lo maw la hiu, tuisuagiat â ding ah gamgi, kumtuang ah a luandaw lo’na ding, bang gual in kinawk vêl maleh, a letdaw lo’na ding, bang gual ah thawm ngai in husa nei maleh, a chopkhûp theilo ding ah, piaunêl ah a dai ding uh ka kai piak hi.

NAHUM 1:4

Tuipi a vau ah, a kangtan ngal in, lui zosia le a hi’kang sik sek hi; Bashan leh Karmel a vuai ta’n, Lebanon pâklûn chu a chuai tai.

MATTHAI 14:30

Himaleh, hui hân chu a mu in a hung lau ta’n, tum ding a kisa ta’n, Lalpa, ei hukdam in, ti’n a hung kiko a.

MATTHAI 8:25

A nungzuite chu a hung ua, a kaitho un: “Lalpa, ei hukhing in, tum mang ding ka hitau hilam,” a tiu a.

MARKA 4:39

Ama chu a hung tho ah, thigua chu a vau a, Dil kiang ah chunle, “Thip inla um hiat hiat in,” a tia. Tichun, thigua chu a hâi ah, a thip dîl dêl tai.

LUKA 4:35

Himaleh, Jesu’n a vau ah, “Thip inla, a sung ah kipat in hung pawt in,” a tia. Tichun, thitha chun a ma-âng un a sep pai ah, suliam lo in a sung ah kipat in a hung pawt tai.

LUKA 4:39

Ziaphatchun, a kiang in a vading ah, a khawsik chu a vau ah; tichun, khawsik chun a nusia tai. Zia zaw zaw ah chun a hung ding ah, a nau a sep piak tai.

LUKA 5:5

Simon in a kiang in, “Hotupa, gim tak ah jankhua’n ka pang tau in, bangma ka man puau hi. Himaleh, la thu’n lente sep kit ing ka,” ti’n a dawnhu a.

LUKA 8:25

Chuleh, a kiang un, “La ginnau khoilam ah um ahi tam?” a tia. Amau chun lau ma ma leh maksa tak in, “Zia pa hi khoilam bang mi a hita, tui leh thiguale thu a pia, a thu a awi ziang uh hi?” a kitiu a.