LUKA 8:15 - PATHIAN LEKHABU THIANGTHO (BSI)

¹⁵ Lei phatna kethate chu ziate hi a hiu: Lungthim kitup tak leh pha tak in thu a hiau ah, a vop zing un, thuak hat tak in ga a hun sua sek ui, a tia.

LUKA 8:15 ပူးပေါင်းရင်းမြစ်များ

SAM 119:11

La chung ah thil ka hi’khial lona dingin, la thu ka lunggil in ka khol khawm hi.

SAM 51:10

Aw Pathian, keima ah hin, thinlung thiangtho siam inla; ka sung hin thagau thak leh dik koi ta’n.

THUPILTE 3:1

Ka cha, ka hilnate hi hemil kin la, la lunggil in ka thupiakte hi chêng zing zaw ta hen;

JEREMIAH 15:16

La thute chu mudaw a hita’n, chuleh, ka ne ta hen; tichun, la thute chu kei â ding ah, limna leh ka lungthim kipakna a hung hi. Aw Lalpa, sepai honte Pathian, la min ah ko ah um sek ka hi’ngal a.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

MATTHAI 24:13

Himaleh, a tawp tiang ah thuakzote chu hukhin in um in au.

LUKA 11:28

Himaleh, ama chun, “Ahi, himaleh, Pathian thu he ah zuite chu mi hampha zaw a hiu,” a tia.

LUKA 6:45

Mipha chun a lungthim gobawm pha ah kipat chun thilpha a hun suadok sek hi; chuleh, migilo chunle a lungthim gobawm gilo tak ah kipat chun, thil gilo ma a hun suadok sek hi; lungthim ah dimlêt chu kam in a hun gendaw sek ahi ngal a.

LUKA 8:14

Chuleh, hampa lingnei lak ah kethate chu zia gual hi a hiu: Thu a het phat ua leh, a chiau a; damsung khawsak lungkhamnate, hausaknate leh nopsaknate’n a hun dêp ah; a ga piting ngai sek puau hi.

LUKA 8:16

Kuama’n thaumei vâk in bêl sung a hem, jalkhun nuai a hem inle a koi ngai puau in, a tunna’n a tung sâng zaw sek ui, a hung lut zosia’n a vâk a mutheina ding un.

JOHAN 14:15

Nang un lei hepiu leh ka thupiakte jawm in lau.

JOHAN 15:10

Ka thupiakte la zop zing ua leh ka hepina’n um zing in lau; keima’n le ka Pa thupiakte ka jawm ah, a hepi ah ka um zing gual hin.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

ROMTE 6:22

Tu’hin vang chu gitlo ah kipat pawt in, Pathian suakte la hung hiu hin, phatchuamna la muu chu sukthianthona ahi; zia tawpna chu kumtuang ah hinna ahi.

ROMTE 7:18

Keima ah hin (zia chu ka taksa ah hin ka ti’na ahi,) thilpha chu a um puai ti ka hia’i; keima ah hin thilpha hi’ nopna chu a um ah; himaleh a pha chu ka hi’ thei sek puai.

ROMTE 7:4

Zia gual ah chun, ka suapite haw, nang uh hi Khrista taksa ah chun Dan thi’san ah um la hitau ah; Pathian â ding ah chi suantu I hung hitheina ding un, thina kipat ah thokit ngei chu kichenpi la hitau ahi.

ROMTE 8:25

I mu nailo I kineppiu chun, zia chu gunchu tak in I ngak ham ham sek ui.

1 KORINTH 7:19

Zektan hi bangma ahipua’n, zektanlo le bangma ahi diak puai; Pathian thupiakte zop hi a poimaw zaw ahi.

EPHESA 2:8

Lungsiatna ziak ah ginna ah chun hukhin la hingal un; zia chu nangmau ah kipat pawt hilo in, Pathian thilthawnpiak ahi zawi.

DAN LEKHABU 30:6

Zia ban ah chun, Lalpa la Pathian un nang mau leh la chateu lungthim zosia thumat theina hun pia’n tin; tichun, la hin theina ding un la lungthim zosiau leh la ngaituanau zosia in Lalpa la Pathian uh hepi ta’n lau.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

KOLOSSA 1:6

Zia chanchinpha chu khawvel zosia ah ga ah a pun pek gual in, la kiang un a hung tung ah, Pathian hepina chu thutak ah la ngaithâk ua, la het niu ah kipat in nangmau ah le ga in a pung zing hi.

HEBRAITE 10:36

Pathian doigual ah la bawl phat ua leh le, thutep chu la chantheina ding un la thok-hat uh a ngai zing ngal a.

HEBRAITE 2:1

Ziaziakchun, nakhang ah I thu hiatteu kha I ngaikhawk zaw diak ding uh ahi; chutilochun, kitawlmang san kha tawl hitiu.

JAKOB 1:4

Bangma tasam lo ah la bukim ua, la bittheina ding un thok-hatna chun sêm bukim ta hen.

1 JOHAN 2:3

A thupiakte I zop ua chun ama chu I hiau hi ti zia chun I hethei ui.