LUKA 8:13 - PATHIAN LEKHABU THIANGTHO (BSI)

¹³ Chuleh, suangteu chung ah kethate chu ziate hi a hiu: Thu a het ua kipak tak ah pom ngal ziang; himaleh, zung him him a nei puau ah, sawt lo sung bep a ging un, thepna a hung um phat leh pûk kit ziang sekte hi a hiu.

LUKA 8:13 ပူးပေါင်းရင်းမြစ်များ

JOB LEKHABU 19:28

“Ama chu bang gual in I gawt diam uh? Ama ah chun thil zosia bul chu, a um ngâl a!” la tiu chun;

THUPILTE 12:12

Mi nunsiate lungtup chu thil phalo bawl hih ahi’n; midikte bulpi chun vang ga a sua sek hi.

THUPILTE 12:3

Diklo tak ah thilbawl kuama buldet ngai pua’n tin; ahi’n, midikte dinmun chu bangmatik in hilîng hipua’n a.

ISAI 58:2

Ahi’n, amau chun nisi’n in ei hawl ngei un, ka lampi le a he nuam nau hi; dik tak ah bawl sek namte gual leh, a Pathian thuthung kihei mangsanlote gual in, dik tak in vaihawm in ei tiu a; Pathian nei le a nop lam uh ahi nai.

EZEKIEL 33:32

Amau ngai in Jawl La sak thiam, aw hoi tak tawh thilgi hoi kithua tawhbang la hi; la gen chu he maleu zui pua’n au.

HOSEA 6:4

Aw Ephraim, bang hun law ding ka hi tam? Aw Judah, bang hun law ding ka hi tam? La hepinau la phâisûm gual bep ahi’n; jing dai kia, bei kit ziang gual ahi.

MARKA 6:20

Herod chun Johan chu midik leh mi thiangtho ahi dan a het ziakin, pha tak in a vênbitsak ah; a thu gen a ngai phat leh a lungjing sek a; himaleh, a ngai nuam ma ma sek ngal a.

LUKA 8:12

Lamgei ah kethate kha, thu chu a het phat ua leh diabol chu a hung ah, a gin ua hukdam ahi lona ding un a lunggil ua kipat thu chu a lamang ta sek hi.

LUKA 8:14

Chuleh, hampa lingnei lak ah kethate chu zia gual hi a hiu: Thu a het phat ua leh, a chiau a; damsung khawsak lungkhamnate, hausaknate leh nopsaknate’n a hun dêp ah; a ga piting ngai sek puau hi.

JOHAN 15:2

Keima ah bâk ga lo tapo chu a sâttha sek hi. A bâk ga sua tapo chu, a ga tam zawk diakna dingin a hi’thiang sek hi.

JOHAN 15:6

Mi keima ah a um zing lo chun, bâk gual ah sâtthâk ah um in, a hung vuai sek hi; tichun, a chomkhawm un, mei lak in a pai lut un, a kâng sek hi.

JOHAN 5:35

Ama kha thaumei kuang zing leh vâk chu ahi, chomkhat a vâk ah chun kipak tak ah a jal zaw la nop uh kha!

1 KORINTH 13:2

Chuleh, thugen theina nei in, thugûk zosia hethei in, tâng chawntheina khop ginna kim nei maleng, hepina ka neilo chun, bangma ka hi puai.

1 KORINTH 15:2

ka thugen kha la taksan bep uh hilo ah, la tukchak uh chun, zia chun hukhin in la um uh ahi.

GALATIA 3:1

Aw Galatia gam ah mingolte haw, kua’n a hun bum ngol ah a hem? La mit mu ngei un Jesu Khrista chu kichian tak ah khetden ah latsak ahi’siat tawh!

GALATIA 3:4

Thil chuti zojai chu a thawn in la thuak uh ahi maw! A thawn tak tak hitaleh chu aw!

EPHESA 3:17

chuleh, hepina ah zung kai leh kinga in, Khrista chu ginna ziak ah la lunggil sung ua a chêntheina ding in.

KOLOSSA 1:23

van nuai khawvel thilsiam zosiate kiang ah kigen, la la het tâk uh thutiam kinepna chu, thasuak lo ah la tukdet zing theina ding un, a hung kipia ahi. Keima, Paul hi, zia chanchinpha nasem ding ah chu pang ka hi tai.

KOLOSSA 2:7

Ama ah zung kai leh lep to ah um in, zilsak ah la um gual un la ginnau ah chun det tak in um unla, kipak thu gen zing un.

1 THESSALONITE 3:5

Ziaziakchun, ka thok zaw lo phatin, thêmpa chun hun thêm pûk kha’n tin, ka sepgimnau thawn kha’n ah ti’n, la gin dan uh ka hettheina dingin ka hun sawl ahi.

1 TIMOTHI 1:19

Ginna leh sia leh pha hetna thiang tak vop zing in. Mi khenkhat in a sia leh pha hetnau chu paitha’n, ginna lam ah chun kuang kek gual in a buaisia tau hi;

HEBRAITE 10:39

Himaleh, ei haw vang mangthai ding ah kinungtawl pawl I hipuau a; hukhinna chang ding ah gingte I hizawu hi.

JAKOB 2:26

Thagau panglo ah taksa chu a thisa ahi gual in, nasep panglo ah ginna chule a thisa ahi.

2 PETER 2:20

Lalpa leh Hukdampa Jesu Khrista a het ziak ua khawvel buaknate a taisan nung un, zia ma chun a kihên awk kit ua, thatzaw ah um kit in, a umdan nunung uh chu a masa sâng in a sia zaw tai:

2 PETER 2:22

Zia thupil hi a chung un a dik ma ma hi: “Ui a luak lam in a chia kit hi,” ti leh, “Vokpi kisil thiangsa le buanthuak lak ah, kibual dingin a chia kit hi,” ti hi.

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.

JUDA 1:12

Ziate hi la hepina ankuangteu sumelsia chu a hiu hi; launa châng helo in a hung kivâkvâ sek ui. Amau chu sûm tui paw lo, hui in a taw lumlet leh thing a ga hun ah ga lo, nivei thisa, a zung ah kikaldokte gual a hiu in,