LUKA 7:6 - PATHIAN LEKHABU THIANGTHO (BSI)

⁶ Ziaphatchun, Jesu’n a zui a, In ah kipat gamla lo ah chun, sepai zahotu chun a lawite chu a kiang in a hun sawl a, “Lalpa, hung kisukbuai dâ mai in, ka Insungle nangma lutna tâk ei puai.

LUKA 7:6 ပူးပေါင်းရင်းမြစ်များ

THILSIAM THU 32:10

la suak chung ah la hepina chuailo leh la ginumna zosiate lakah hin, a neupenle chang tâk ka hi puai; zia Jordan lui hi ka tiangkhut bep hi tawh ka la kân in, tu’hin chu hon ni hial ka hi tâk uh hi.

THUPILTE 29:23

Mi a kiletsakna chun kainiam intin; maleh, kingaitawmna lungthim nei mi chun choisânna mu’n a.

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

MATTHAI 3:11

Keima’n gitlo haisanna di’n tui in ka hun baptis in, ka nung ah hungdingpa chu keima sâng in a lopi zaw’n, a kengtawdap chawi tâk le ka hi puai. Ama chun, Thagau Thiangtho leh mei in hun baptis in a.

MARKA 5:24

Jesu chu ama tawh kiton in a chia tai. Mipi tam tak in a zui ua, a tuam hut hut un.

LUKA 5:8

Himaleh, Simon Peter in zia chu a mu phât in, Jesu kengbul in a hung bokkhup ah, “Lalpa, ei nusia ta’n, migilo ka hi!” a tia.

LUKA 7:4

Jesu kiang a hung tun phat un, ama chu panpi tâk tak ahi dan hung gen kawm in, phatchuamngai tak in a hung don tau a.

LUKA 7:5

“Ama chun ka nam uh le a lungsiat ah, ka sunagog In uh le ei sak piak ahi,” a tiu a.

LUKA 7:7

Keima le la kiang ah hung tâk ka hi puai; himaleh, thu bep gen lechinle ka suak chu dam mai in a;

LUKA 8:49

Zia thute chu a la gen lai tak in, sunagog ah hotupa In ah kipat chun mi pakhat a hung tai ah, “La chanu kha a thi tai: Hotupa kha sukbuai dâ mai ta’n,” ti’n a hung gen a.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

JAKOB 4:10

Lalpa âng ah kikoi niam un; tichun ama’n hun chawisâng in a.

JAKOB 4:6

Himaleh, hepina tam zaw diak a pesek hi; ziaziakchun, “Pathian in mi kilestsakte a do in, mi kingaitawmte chu doisakna a pesek hi,” ti ahi.