LUKA 7:22 - PATHIAN LEKHABU THIANGTHO (BSI)

²² Jesu’n a dawnhu a, “Chia kit unla, la thil muteu leh la thil hiatteu hi Johan kiang in vagen un: Mitthûmte’n a muthei tau hen, kengbite keng in a chia tau in; phâkte sukthiantho in a um un, bengngong te’nle a hethei tau in, mithite le kaithaw in a um un; gentheite kiang ah le chanchinpha gen ahi tai.

LUKA 7:22 ပူးပေါင်းရင်းမြစ်များ

JOB LEKHABU 29:15

Mitthûmte mit leh, kengbaite keng in ka la pang ah.

SAM 146:8

Lalpa‘n mitthûmte mit a sukvak piak hi. Khun ngawi ngawite chu Lalpa‘n a domsâng sek in, Lalpa‘n mi dikte chu a hepi hi.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 43:8

Mit nei ngal ah mutheilote leh, bil nei ngal ah hetheilote chu hun puidok un!

JEREMIAH 31:8

Ngai un, mal gam ah kipat in hun pui ing ka tin, leimong gamla pen ah kipat in hun pui khawm in, a lak ua mitthûm leh kengbai, nauvop lai leh nauvei ah thuakgim lai, a leng un, mi tam tak chu, zia tak ah hin hung kit in au.

ZEPHANIAH 3:12

Nanghaw lakah mi kingaitawm leh, mi niamte chu nutsia ah um ding a hiziak un. Amau chun Lalpa min bêl intiu in,

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

MATTHAI 21:14

Tempul ah chun mitthûmte leh kengbaite a hung khawm ua, ama chun a la hi’dam tai.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

LUKA 7:21

Zia lai tak chun, mi hivei chuam chuam nei leh, natna chuam chuam ah damlote chu a la hidam ah, thitha buakte a la nawdok ah, mitthûm tam takte le a mit uh a la hi’vâk piak a.

LUKA 7:23

Chuleh, keima ah lung hilona neilote chu mi hampha a hiu!” a tia.

JOHAN 1:46

Nathanael chun, “Nazareth khua thilpha a pawt thei ah a hem?” a tia. Philip chun, “Hung inla, hung en in,” a tia.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

NASEPTE 8:7

Thitha buakte chule, aw ngai tak tak ah kiko jak in a lutnateu ah kipat chun a pawtdok ua; zeng tam takte leh kengbai tam takte le sukdam in a um un,

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?