LUKA 7:12 - PATHIAN LEKHABU THIANGTHO (BSI)

¹² Khawpi kul kotkhak a hun nai phat un, mithi pakhat a hun jawndok ua. Ama chu a nu chapa changkhat neisun ahi’n, a nu chu meithâi ahi; khawpi mipi tam tak inle a hun zui un.

LUKA 7:12 ပူးပေါင်းရင်းမြစ်များ

THILSIAM THU 22:12

Ama’n, “Naupang chung ah khan la khut tha kin la, ama kha bangma law diak kin; la chapa neisun lei piak ding la îtchâk lo ziakin Pathian la lau hi ti tu’hin ka hechian tai,” a hun tia.

THILSIAM THU 22:2

A kiang in, “La chapa, la chapa neisun Isak, la hepi ngawi ngawi kha pui inla, Moriah gam ah chia inla, zia tak ah tâng pakhat ka hun hilna ding mun ah chun hâlmang thillat in hun pia’n,” a ti’n.

2 SAMUEL 14:7

Ka chanaute zosia’n ei lang bawl chiat tau a. Amau chun, ‘A suapipa thatpa chu ei pedok in, a golua ding zaw hiziang leh le a thi ding ahi,’ a tiu in. Tichun, ka kinepna um sun chule thâlup ah, ka pawsal min leh a suan a pâkte chule, lei chung ah sukmangthai a gaw tau hi,” ti’n a gen tai.

1 LENGTE 17:12

Himaleh, amanu chun, “Lalpa la Pathian min suang in ka gen hi: a kikang min bangmacha ka nei puai; bêl ah an khutdim khat tawh, thawl ah sathau neucha bep ka nei hi; tu’hin thingkang khat leh ni chom ing ka tin, In ah kei tawh ka chapa â ding ah vabawl ah, zia chu nêk ah, a bân chu thi mai ding ka hiu,” a tia.

1 LENGTE 17:18

Ziaphatchun, amanu chun Elijah kiang in, “Ka chung ah bang a hem la lungdamlo’na, aw Pathian mi? Ka gitlona ei kigêl dawsak kit ding leh ka chapa thi’sak ding ah hung la hi maw!” a tia.

1 LENGTE 17:23

Elijah chun naupang chu a pâi ah, In chungnung ah kipat In sung in a hun pui lût ah, a nu kiang in a pia tai; ziaphatchun, Elijah chun a nu kiang in, “En in, la chapa hi a dam kit tai,” a tia.

1 LENGTE 17:9

“Tu’hin kipan inla, Sidon ah Zarephath khua vachia in; zia chun vachêng in; zia tak ah chun meithâi pakhat nang hun vâk dingin thu ka pia ta ngal in,” a tia.

2 LENGTE 4:16

Ama chun, “Tu’hun gual hi a hung tun kit phat leh, chapa khat vop ding la hi,” a tia. Amanu chun a dawnhu a, “Ahipuai, ka lalpa, Aw, nang Pathian mi; la suak hi ei thêm kin,” a tia.

2 LENGTE 4:20

Ama chun a pâi ah, a nu kiang in a hun pui ta’n; naupang chu a nu pheichung in sûn chan a kichu’n, a thi tai.

JOB LEKHABU 29:13

Mi beidongte maljawlna ka dong ah, meithâite lunggil ah kipakna La, ka sak sak sek in.

ZEKARIAH 12:10

Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.

LUKA 7:11

Chomkhat zaw in, khawpi pakhat Nain a tiu ah chun a chia a; a nungzuite leh mi tam tak inle a hun zui un.

LUKA 7:13

Lalpa‘n ama chu a mu in a lainat ma ma ah a kiang in, “Kap ta kin,” a tia.

LUKA 8:42

a chanu neisun, kum sawm leh ni mi chu damlo thi vâng vâng in a um a. A chia lai ah chun mipi chun a tuam hut hut tau a.

LUKA 8:52

Mi zosia chun kap in, a la sûn ma mau a; himaleh, ama chun, “Kap kiu in, a thi ei puai, a ipmu a hizawi,” a tia.

JOHAN 11:19

Mari leh Martha kiang ah chun a suapipau ziak ah thamuan dingin Judate tam tak a hung kikhawm un.

NASEPTE 9:39

Tichun, Peter le a kipan ah, a zui ngal ah; a tun phatin pindan chungnung lam ah chun a pui to pai tau a. Meithâite zosia chu a kiang ah dingin a la kap un, Dorka chun a dam lai ah amau â ding ah a puanâk leh puan a bawlpiakte chu a la etsak ua.

NASEPTE 9:41

A khut a vak pia, a hun kaitho tai. Mi thiangthote leh meithâite chu a hun ko ah, dam tak in amau kiang ah chun a hun puidok tai.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.