LUKA 6:8 - PATHIAN LEKHABU THIANGTHO (BSI)

⁸ Himaleh, ama chun a lunggil ua a ngaituau chu a hia’n, khutzengpa kiang ah chun, “Hung inla, zia hin dingin,” a tia. Ama chule a hung ah, a hung ding tai.

LUKA 6:8 ပူးပေါင်းရင်းမြစ်များ

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

JOB LEKHABU 42:2

Bangkim la bawlthei hi ti ka hia’i, la thilbawl guat taphot chu, a dâl thei bangma a um puai.

SAM 44:21

Pathian in zia chu ei mudok lo ding a hem? Ama’n lungthim gûk zosia a hesuak ngal a.

ISAI 42:4

Khawvel ah a vaihawmna a dindaw masia, chautha pua’n tin, lungthuai diak pua’n a; thialkâl gam ah mite’n a thuhilna chu a la ngak zing ui.

MATTHAI 9:4

Jesu’n a ngaitua nau chu a het phat in, “Bangatia, la lungthim ua thil gilo ngaitua la hiu em?

MARKA 3:3

Zia khut zeng kiang ah chun, “Ei hun nai in,” a tia.

LUKA 13:12

Jesu’n ama chu a mu phât in a ko ah, a kiang in, “Numei, la hatlona chun a hun thâsuak tai,” a tia;

LUKA 5:22

Himaleh, Jesu’n a lungthim ua a ngaituau chu a het phat in a kiang un, “Bang ding ah zia gual lungthim chu nei la hiu em?

LUKA 6:9

Ziaphatchun, Jesu’n a kiang un, “Thil pakhat hun dong ing ka, Sabbath ni’ thilpha bawl a thiang zaw diam thil phalo bawl? Hukhin zawk ding a diam, ahiloleh thalup ding?” a tia.

JOHAN 2:25

A ziak chu, kuama gen piak hilo in, a man mihingte lungput dan chu a he suak hi

JOHAN 21:17

A thumveina chun, “Simon, Johan chapa, nang in kei lei hepi em?” a ti kit a. Peter chu, a thumveina, “Nang in lei hepi em?” a ti ziak ah chun a lungthim a na ta’n; a kiang in, “Lalpa, nang in bangkim la he hen, ka hun hepi hi ti le la hia’i,” a tia. Jesu’n a kiang in, “Ka belamte vâk in;

JOHAN 9:4

Sûn ahi pêtcha hin ei sawlpa na ka sep ding ahi: jan hiding ei tai, zia phat chuleh kuama’n na sêm thei ta pua’n au.

NASEPTE 20:24

Himaleh, ziate chun ei hi’lungkia diak puai; ka kitaisiakna lampi ka mabâk hi, kipak tak ah zaw ngei ding leh, Pathian hepina zia chanchinpha hiatsak ding ah Lalpa Jesu kiang ah, zia nasepna na ka mu hi sêm zo phot leng, ka hinna hile thâkla tâk in ka ngai puai.

NASEPTE 26:26

Lengpa chun, zia thute chu a het ziak ah ipnei lo hial ah ka gen ahi; zia thilte hi dâikilkâl ah thil um ahi pua’n, ziaziakchun, a gûk thim ah mi thuzaw ah um ah, zia tawhbang thute hi gen le ka hi pawngal in.

PHILIPPI 1:28

Bang lam lam inle la mêlmateu suklau in um kiu in; zia chu amau manthai ding kihetchianna chu ahi; himaleh, nang uh chu Pathian ah kipan ngei ah hukdamna mu la hitau hi.

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.

1 PETER 4:1

Chutichun, Khrista chun taksa ah a thok ziakin, nanghaw le zia gual lungthim ah chun kivan un; (taksa’ thuak ta chun gitlo a haisan tangal a.)

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.