LUKA 6:49 - PATHIAN LEKHABU THIANGTHO (BSI)

⁴⁹ Himaleh, ka thu ngaitha ngal ah jawmlote chu, suangphûm umlo ah piaunêl chung mai mai ah Insa gual ahi; tui hat in a hun khaw ah, a pûk pai ngal tai; zia In siat dan chu a huaisia ma ma hi, a tia.

LUKA 6:49 ပူးပေါင်းရင်းမြစ်များ

THUPILTE 28:18

Kuale dik tak ah um tapo chu bit intin, diklo tak ah um tapo chu kawkhûk ah kilîk lût in au.

EZEKIEL 33:31

Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.

HOSEA 4:14

La chanuteu nawchi man leh, la moteu a ângkawmnau chu gawt pua’ng ka; pawsalte le nawchizuakte tawh a kipui chuam un, tempul ah nawchizuakte tawh a kithawi khawm un; tichun, hetthiamna neilote chu a puksia tau hi.

MATTHAI 23:3

ziaziakchun, a hun thuhilteu chu zui sek unla, amau umdan in vang um kiu in; a kam un a gen ua, sep la a sêm puau a.

MATTHAI 24:10

Ziaphat chuleh, mi tam tak pûk intiu in, kimatsak tua in; hung kimuda tua in au.

MARKA 4:17

himaleh, amau ah chun zung him him a um pua’n, hun chomcha thuak zo in, zia nung chuleh, thu ziak ah sukgentheina leh engbawlnate a hung um phat leh a pûk ta sek uh ahi.

LUKA 12:47

A pu lung lam he ma ma ngal ah, ama â ding leh a pu lung lam le bawl ngai diak lo suakpa chu, tam vei tak vok hiding ahi.

LUKA 19:14

Himaleh, a gam mite chun ama chu a mu nuam puau ah, a chia nung ah chun palai a sawl zui un, ‘Zia pa hi ka chung ua vaihawm dingin ka doi puau hi,’ a tiu a.

LUKA 19:27

Chuleh, ka mêlmate, a chung ua ka vaihawm ding zadate kha le, zia lam ah hin hun pui un la, ka ma-âng ngei ah hin that un,’ a tia,” ti’n a gen a.

LUKA 6:46

Ka thugente jawm lo ah bangatia: Lalpa, Lalpa, ei ti la hiu em?

LUKA 6:48

Ama chu Insa mi, thûk tak cho ah, suangpi det tak chung ah suangphûm lem gual chu ahi. Tui a hung lêt tak leh zia In chu tui in hat tak in a hun khaw ah; himaleh, pha tak ah sak ahi ziakin a hi’lîng zo puai.

LUKA 7:1

Jesu’n, mipite kiang ah thu a gen zaw phatin, Kapernaum khua lam in a chia ta’n;

JOHAN 15:2

Keima ah bâk ga lo tapo chu a sâttha sek hi. A bâk ga sua tapo chu, a ga tam zawk diakna dingin a hi’thiang sek hi.

NASEPTE 20:29

Ka pawt daw nung tak leh ngei hangsante la lak un hung lut intin, belam honte hi hun hawi puan ah ti ka hia’i.

NASEPTE 26:11

Chuleh, sunagog tin in ka gawt sek a; Jesu chu gensiatsak ka gaw hâm hâm sek ah; a chung un ka gitlo ma ma ziakin, gam dang khawpi tiang inle ka vadel zui sek hi.

1 THESSALONITE 3:5

Ziaziakchun, ka thok zaw lo phatin, thêmpa chun hun thêm pûk kha’n tin, ka sepgimnau thawn kha’n ah ti’n, la gin dan uh ka hettheina dingin ka hun sawl ahi.

2 PETER 2:20

Lalpa leh Hukdampa Jesu Khrista a het ziak ua khawvel buaknate a taisan nung un, zia ma chun a kihên awk kit ua, thatzaw ah um kit in, a umdan nunung uh chu a masa sâng in a sia zaw tai:

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.