LUKA 6:47 - PATHIAN LEKHABU THIANGTHO (BSI)

⁴⁷ Kua a hem ka kiang ah hung ah, ka thugente he ah, jawmte chu bang gual mi a hiu em ti hun etsak ing ka:

LUKA 6:47 ပူးပေါင်းရင်းမြစ်များ

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

MATTHAI 12:50

Kuale, ka Pa van ah um doi gual hi’ tapo chu, ziate ngei chu ka suapipa, ka suapinu leh ka nu a hiu,” a tia.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

LUKA 11:28

Himaleh, ama chun, “Ahi, himaleh, Pathian thu he ah zuite chu mi hampha zaw a hiu,” a tia.

LUKA 14:26

Kuale, a pate, a nute, a jite, a chate, a suapite, a suapinute leh ama hinna natiangle haw diak lo chu ka nungzui hithei pua’n au.

LUKA 6:48

Ama chu Insa mi, thûk tak cho ah, suangpi det tak chung ah suangphûm lem gual chu ahi. Tui a hung lêt tak leh zia In chu tui in hat tak in a hun khaw ah; himaleh, pha tak ah sak ahi ziakin a hi’lîng zo puai.

LUKA 8:13

Chuleh, suangteu chung ah kethate chu ziate hi a hiu: Thu a het ua kipak tak ah pom ngal ziang; himaleh, zung him him a nei puau ah, sawt lo sung bep a ging un, thepna a hung um phat leh pûk kit ziang sekte hi a hiu.

LUKA 8:8

A dang khenkhatte chu lei phatna’n a kiau ah, a hung kek un, ga a hun suau ah, ale’ zakhatte’n a hung pung tai,” a tia. Zia sia chu a gen zaw phatin a hung kiko ah, “Kuale hetna ding nakhang nei chun he tau hen!” a tia.

JOHAN 10:27

Ka belamte chun ka aw a hiau hi. Ke’n le amau chu ka hia’n, amau chun ei zui sek ui.

JOHAN 13:17

Zia thilte hi la het ua, la hun bawl ua leh hampha ma ma in lau.

JOHAN 14:15

Nang un lei hepiu leh ka thupiakte jawm in lau.

JOHAN 5:40

Himaleh, hinna la neina ding un ka kiang in la hung nuam puau hi.

JOHAN 6:35

Jesu’n a kiang un, “Keima hi hinna vaithum chu ka hi, ka kiang ah hung tapo chu a gilkial ngai pua’n tin, ei ging tapo chu bangmatik in a dangchâk ngai ta pua’n a.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

JOHAN 8:52

Ziaphatchun, Judate chun a kiang in, “Tu’hin thitha jawl la hi ti ka hechian tau hi, Abraham a thi ta’n, jawlneite le a thi tau hi; nang in la, ‘Kua’nle ka thu a zui chun thina tep pua’n ah,’ la ti’n;

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

JAKOB 4:17

Tichun, kuale thilpha bawl ding he ngal ah, bawl diak lo chu, gitlona bawl ahi.

1 PETER 2:4

Ama chu suanghing, mihingte doilo himaleh, Pathian têl leh man tam chu ahi;

2 PETER 1:10

Ziaziakchun, suapite haw, a hun kona leh a têlna chu hi’det dingin taimat sua zaw diak tau in; zia chu la hiu chun bangmatik in kilîk pua’n lau.

1 JOHAN 2:29

Ama chu midik ahi ti la het ua leh, kuale dik tak ah thilhi tapo chu ama ah piang ahi ti hechian thei in lau.

1 JOHAN 3:7

Naute haw, kuama’n hun thêm zo kiu hen. Thil dik bawl taphot chu ama a dik gual in, midik a hiu.

THUPUAN 22:14

Hinna thing chung ah thu a neitheina ding uh leh, khawpi kul kotkhak ah a lût theina ding un, a pua’n uh sawp thiangte chu a hamphau hi.