LUKA 6:38 - PATHIAN LEKHABU THIANGTHO (BSI)

³⁸ Piau in, tichun nang uh le piak in um in lau; phatchuamngai tak ah te’piak in, a sawt ah sawnchak in, a law ah lawchak in, a dimlêt hial in la ângsung ua sun piak in um ding la hiu, mi la te’piaknau ngai ma a chun nangmaule te’piak ah um ding la hiu, a tia.

LUKA 6:38 ပူးပေါင်းရင်းမြစ်များ

DAN LEKHABU 15:10

Huangphal tak leh mitthipna pang lo in pesek in; la chuti bawl leh Lalpa la Pathian in la sep la bawlnau zosia ah hun maljawl ding ahi ngâl a.

MARKA 4:24

Chun, zia hile a gen kit a, “La thil hiatteu ah hin pilvâng tak in um un; nangmau te’na ngai ma ah te’piak in um ding la hiu; kipiak be ding bawn la hi nalai ui.

MATTHAI 7:2

La gensiat gual mau in gensiat hi’n lau; la te’na ngai mau ah hun te’ piak kit in au.

THUPILTE 22:9

Mi huangphalte chu malzawl in um in au, a nêk ding lai uh michagate a hop sek ziak un.

THUPILTE 19:17

Migenthei somdawl chun Lalpa thunglâksak ahi’n; ama’n dit kit sik sek in a.

THUPILTE 10:22

Lalpa maljawlna chun a hihausa sek in, lungngaina a belap ngai puai.

MATTHAI 10:42

Chuleh, kua’nle ziate lak ah, a neupen hile nungzui ahi’na ziak ah, tuivot no khat a la piak chun, titakzet in ka hil la hiu, a kipakman ding uh chu chân him him pua’n au, a tia.

LUKA 6:30

La thil nei hun don tapo chu pia’n la; la thil hun lâkpiakte kiang ah chunle don kit ta kin.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

JOB LEKHABU 42:11

Ziaphatchun, a suapite zosia leh a la mêl hiatsate zosia a hung khawm ua, a In ah chun luaithe’na a siam tau ah; Lalpa‘n a chung ah thil phalo a tunsak zosia ziakin a thokpi un, a thamuan tau ah; mi tin in paisa neucha chiat leh sana khutsebi a pechiat tau a.

SAM 79:12

Aw Lalpa, ka vêl ua mite’n, a hun gensiatnau hi, a chung un a le’sagi’n hun thuk in.

ESTHER 9:25

ahi’n la, Esther chu Lengpa kiang ah a hung phatin, Judate siatna ding guanggalpa thil phalo chu a luchung in chu hen la, ama leh a chapate chu khailupna chun khailup hiu hen, ti’n Lengpa chun a thupiak chu lekha’n a zikdok tai.

VAIHAWMTE 1:7

Ziaphatchun, Adoni-bezek in, “A khutpiu leh a kengpiu kitan, lal sawm sagi in ka dawkan nuai ah sa leh anmal a la luak sek un; amau chung ah ka bawl gual gual in Pathian in keile ei thuk ta a hi,” a tia. Chun, ama chu Jerusalem ah a pui tau ah, zia mun ah chun a thi den tai.

ESTHER 7:10

Tichun, Mordekai khailupna ding ah Haman in a bawlsa chun ama chu a khailum tau a. Ziaphatchun, Lengpa lungnatna chu a dai tai.

JEREMIAH 32:18

Khang sâng tam tak chung ah ja’ngaina la pia’n; himaleh, a pu leh pateu bawlkhialna a tu leh chateu pheichung ah phuba lasek chu nang la hi’n; aw Pathian lopi leh hat, la min chu sepai honte Lalpa ahi;

PAWTDAWNA THU 21:24

Mit thasâng ah mit, ha thasâng ah ha, khut thasâng ah khut, keng thasâng ah keng,

2 SAMUEL 19:36

La suak hin lengpa hi Jordan lui gâl chan hung zui to ham ham ing ka. Lengpa’n ka sep phat man ah kipakman lei piak khel khel ka ngêk dang em?