LUKA 6:30 - PATHIAN LEKHABU THIANGTHO (BSI)

³⁰ La thil nei hun don tapo chu pia’n la; la thil hun lâkpiakte kiang ah chunle don kit ta kin.

LUKA 6:30 ပူးပေါင်းရင်းမြစ်များ

SAM 112:9

Huangphal tak in a hawm jak un, gentheite kiang in a piau a; a diknau chun kumtuang dai in a; a lopinau chu ja’um tak ah choisa’n in um in a.

SAM 41:1

Mi genthei kaituate chu mi hampha a hiu; a lungjin hun leh Lalpa‘n hukdok in a.

THUPILTE 19:17

Migenthei somdawl chun Lalpa thunglâksak ahi’n; ama’n dit kit sik sek in a.

THUPILTE 21:26

Migilo chun sun nitum tum in, mi a awtcha sek in; midik in vang a hawmdok in, bangma a ît puai.

THUPILTE 22:9

Mi huangphalte chu malzawl in um in au, a nêk ding lai uh michagate a hop sek ziak un.

THUGENTU 11:2

La thilneite chu mun sagi a hem, mun giat tiang in hawm jak in; lei chung ah hin bang gual hun phalo in, hun tun khum ding a hem ti, la hepaw ngal a.

THUGENTU 8:16

Pilna hedok ding leh, lei chung ah thil kibawlte mudok dingin ka lungthim ka la mat lai in, bangtidan ah sûn leh jan ah i-mutna hun him him neilo le um mai a hiu em, ka ti hen;

MATTHAI 18:35

Zia gual ah chun, mitin in la lunggil tak ua la suapiteu la ngaidam lo ua leh, ka Pa van ah um inle zia gual ma chun la chung un hun bawl ding ahi, a tia.

MATTHAI 5:39

Himaleh, kei vang in ka hil la hiu, migilo thuk kiu in; la biang changlam bêng tapo chu a langkhat le daw zaw’n la.

MATTHAI 6:12

Ka chung ua thil hi’khialte ka ngaidam sek gual un, nang inle ka thil hi’khialteu ei ngaidam in.

LUKA 11:41

Himaleh, la nei leh lamteu chu migentheite kiang in pia zaw leu chin, nang uh â dingin bangkim a thiang ahi.

LUKA 12:33

La thil neiteu chu zuak un la, gentheite kiang in piau in; Paisa dip lui theilo chu kingaituau inla, guchate’n le a nai theilonau, a nget inle a nêk siat theilona van ah chun khol khawm zaw tau in.

LUKA 18:22

Jesu’n zia a thugente chu a het phat in a kiang in, “Aleh, thil pakhat in la vât nalai hi; la nei zosia zuak in la migentheite kiang in vapia’n, chuti leh van ah go nei in la; chuleh, hung in la, ei zui in,” a tia.

LUKA 6:29

La biang langkhat bêngte kiang ah chun a langkhatle dawu in; la puanâk hun lâkpiak kiang ah chun la puanâk chung a lak dingle zada diak kin.

LUKA 6:31

Min la chung ah a hi’ding ua la dawi gual tak in, mi chung inle bawl un.

LUKA 6:38

Piau in, tichun nang uh le piak in um in lau; phatchuamngai tak ah te’piak in, a sawt ah sawnchak in, a law ah lawchak in, a dimlêt hial in la ângsung ua sun piak in um ding la hiu, mi la te’piaknau ngai ma a chun nangmaule te’piak ah um ding la hiu, a tia.

NASEPTE 20:35

Bangkim ka hun nunmu ah, migentheite panpina ding ah la sep gim ding dan uh leh, ama I Lalpau Jesu ngei in, “Lâk sâng in piak in lukhawng a nei zawi,” a ti kha hezing un, a tia.

2 KORINTH 8:9

Lalpa Jesu hepina chu, a gentheina ziak ah la hung hausak theina ding un, hausa maleh nanghaw ziak ah a genthei law kha la he’nau.

EPHESA 4:28

Gucha chun gûkchâk haisan hen la, a tasam kiang ah piak ding a neitheina dingin a khut ah dik tak in sêmgim zaw ta hen.