LUKA 6:27 - PATHIAN LEKHABU THIANGTHO (BSI)

²⁷ Himaleh, ka thu ngaithate haw, ka hun hil la hiu, la mêlmateu chu hepi in bawlphau in.

LUKA 6:27 ပူးပေါင်းရင်းမြစ်များ

1 LENGTE 13:6

Lengpa chun Pathian mi kiang ah chun, “Tu’hin, Lalpa la Pathian doisakna don inla, ka khut hi a pangai hisak kit dingin ei pauchap piak in,” ti’n a don a. Tichun, Pathian mi chun Lalpa kiang in a pauchap ah; tichun, lengpa khut chu a damkit ta’n, a ma’ gual kha a hung hi’kit tai.

SAM 7:4

ka gualpha thil phalo ah thuk ka la hi ah; ahiloleh, a ziak bei ah ka mêlma siatna ding bawl ka la hi chun,

THUPILTE 24:17

La mêlma a kipuk inle kipak kin la, a kisuipai lai inle la lungthim in awi âm diak kin;

THUPILTE 25:2

Thil sêlgûk hi Pathian lopina ahi’n, thil hawldaw hi lengte lopina ahi.

MARKA 4:24

Chun, zia hile a gen kit a, “La thil hiatteu ah hin pilvâng tak in um un; nangmau te’na ngai ma ah te’piak in um ding la hiu; kipiak be ding bawn la hi nalai ui.

LUKA 23:34

Jesu’n, “He pa, amau hi ngaidam in, a thilhiu a het lo ziak uh ahi,” a tia. Âisân in a puante chu a kihawm tau a.

LUKA 6:22

Mihing Chapa ziak ah a hun huat ua, a hun pâm pai ua, a hun hosiat ua, a hun sukminsiat phat ua leh mi hampha la hiu,

LUKA 6:35

Himaleh, la mêlmateu hepiu inla, a phatna ding uh bawl un, mu ding kinem lo hial in thunglâksak un; tichun la kipakman ding uh chu thupi intin, Chungnung penpa chate hiding la hiu; ama chu kipakna châng helote leh mi nunsiate chung inle a jangai thei ma ma ngal a.

LUKA 8:15

Lei phatna kethate chu ziate hi a hiu: Lungthim kitup tak leh pha tak in thu a hiau ah, a vop zing un, thuak hat tak in ga a hun sua sek ui, a tia.

LUKA 8:18

Ziaziakchun, la thil hiatteu ah hin chingkam tak in um un; kuale a nei chu piak belap hi’ntin, kuale a neilo chu a neisunle lâkpiak hi’n a.

LUKA 8:8

A dang khenkhatte chu lei phatna’n a kiau ah, a hung kek un, ga a hun suau ah, ale’ zakhatte’n a hung pung tai,” a tia. Zia sia chu a gen zaw phatin a hung kiko ah, “Kuale hetna ding nakhang nei chun he tau hen!” a tia.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 16:28

Himaleh, Paul chu aw ngai tak in a hung kiko ah, “Bangma kilaw kin, ka leng un zia hin ka um nau hi,” a hun tia.

NASEPTE 7:60

Ziazaw chun, a hung khupdin ah, aw ngai tak in a hung kiko ah, “Lalpa, zia gitlona hi a chung un sîk kin,” a tia. Zia chu a gen zaw in, a thi tai. Saul chun a thi chu lem a sakpi hi.

GALATIA 6:10

Chutichun, hun lemchâng I nei dan dan un, mi zosia chung ah thilpha bawl chiat hitiu; ginna’ I Inkuanpiteu chung in bawl diak hitiu.

1 THESSALONITE 5:15

Kuama’n gitlo chu gitlo ma’n thuk ki’un; khat leh khat chung leh mi zosia chung in thilpha kihi piak tua un.

3 JOHAN 1:11

Doitak, a phalo chu enton kiu inla, a pha chu enton zaw tau in. Thilpha bawl taphot chu Pathian ah kipat mi ahi’n; thil phalo bawl taphot chun vang Pathian a mu puau hi.