LUKA 6:23 - PATHIAN LEKHABU THIANGTHO (BSI)

²³ ziaphat chuleh lim unla, kipak in kichawm un, van ah la kipakman ding uh chu a nasa ngal a. Zia gual ma chun, la pi leh puteu inle jawlneite chung ah khan a la bawl tangal un.

LUKA 6:23 ပူးပေါင်းရင်းမြစ်များ

2 SAMUEL 6:16

Lalpa thuthung thingkuang chu David khawpi a hun puak tung phat un, Saul chanu Mikhal in tukvan ah kipat chun Lalpa ma-âng ah Lengpa David lâm ah kichawm chawm chu a vak mu phât in, a lungthim in a jachatpi tai.

1 LENGTE 18:4

Jezebel in Lalpa jawlneite a la thâlup lai ah khan, Obadiah in jawlnei za khat a pui ah, kawlhawm khat ah sawmnga nga’n a sêl ah, vaithum leh tui in a la vâk a.)

1 LENGTE 19:10

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung a nusia tau ah, la mâichâmte a suchim ua, la jawlneite le chemjam in a that tau hi. Kei bep hi ka um ta’n; chuleh, ka hinna hi lakmang dingin a hawl nalai ui,” a tia.

1 LENGTE 19:14

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung nusia in, la mâichâmte a suchim un, la jawlneite le chemjam in a that tau hi. Kei bep ka um ta’n; chuleh, kei hinna le lakmang dingin a hawl nalai ui,” ti’n a dawnhu a.

1 LENGTE 19:2

Ziaphatchun, Jezebel in thupawtu pakhat Elijah kiang in a sawl a, “Jing ah tu’hun phat hileh amau hinna gual ah la hinna ka bawl lo ngei ngei leh, pathiante chun kei ei chuti bawl in, a khawk zaw’n le ei bawl uh hen,” ti’n a vagensak a.

1 LENGTE 21:20

Ahab in Elijah kiang in, “Lei mudok tai maw, aw ka mêlmapa?” a tia. Ama chun a dawnhu a, “Ka hun mudok tai! Lalpa mit mu ah thil phalo bawl ding ah la kizokdaw tâk ziakin,

1 LENGTE 22:27

zia gual hin vagen un, ‘Lengpa’n zia gual hin a gen hi: Ziapa hi suangkul in khum unla, thamuang takah ka hung vaikit masangsia vaithum leh tui tawmcha bep a la pesek un,’ ti’n,” a tia.

1 LENGTE 22:8

Israelte lengpa chun Jehoshaphat kiang in, “Lalpa kiang ah I dotsak thei ding un a dang pakhat a um nalai hi, Imlah chapa Mikaiah chu; himaleh, kei â dingin a pha lam hikha’ lo in, siatna bepcha a gen sek ziakin, ama chu ka hua ahi,” ti’n a dawnhu ah. Jehoshaphat chun, “Lengpa’n zia gual chun gen dâ in,” a tia.

2 LENGTE 6:31

ama chun, “Tu’ni hin, Shaphat chapa Elisha chu a luvom a man lo’nâk leh, Pathian in a law law ei law hen la; a huaisia zaw’n le, ka chung in bawl mai hen,” a ti tai.

2 KHANGTHU 36:16

himaleh, Pathian in thugen ah a hun sawlteu chu a la nuisan in, a thugenteu chule simmaw in, a jawlneite chule tawtbawlna’n a la mang tau a; a tawp in a mipite chung ah Lalpa lungnatna a hung nasa ma ma ta’n, sukdam zaw ding gual a hita puai.

NEHEMIAH 9:26

Chutisapi’nle, thu a mang puau ah, a hun do nalai lai un; la dan thute chu nungngat in, nang lam ah a kihei kitna ding ua thumop la jawlneiteu chu a la that un, nasa tak in la min a gensia tau hi.

SAM 58:11

Tichun, mite’n, “Midikte â dingin kipakman a um tak tak in; lei ah hin vaihawmtu Pathian a um tak tak hi,” hun ti’n au.

ISAI 35:6

ziaphat chuleh, kengbaite chu, sazuk gual in kichawm ta’n tin, pautheilote chunle lim tak in La hun sadok ta’n au. Gamthip ah tuite hung kikhawdok in, gamkeu ah lui luang del del ta ding ahi ngal a;

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MATTHAI 5:12

Lim unla, kipak tak in um un; van ah la kipakman ding uh chu a lopi ngal in; zia gual ma chun la mau ah jawlneite kha le a sukgenthei uh ahi kha.

LUKA 1:41

Elizabeth in Mari chibai bûk chu a het het in, a sung ah nausen chu a tawi a; Elizabeth chu Thagau Thiangtho in a hung dim ta’n;

LUKA 1:44

La chibai bûk thawm ka nakhang a lut leh lut lo in, ka gilpi sung ah nausen kipak ziakin a kichawm hi.

LUKA 6:35

Himaleh, la mêlmateu hepiu inla, a phatna ding uh bawl un, mu ding kinem lo hial in thunglâksak un; tichun la kipakman ding uh chu thupi intin, Chungnung penpa chate hiding la hiu; ama chu kipakna châng helote leh mi nunsiate chung inle a jangai thei ma ma ngal a.

NASEPTE 14:10

aw ngai tak in, “La keng in dingdok in,” a vak ti’n. Ama chu a chawmdok ah, a keng in a chia tai.

NASEPTE 3:8

A kichawmdok ah, a hung ding ah, lam a hun zawt tai; chun, chia kawm ah kichawm in Pathian a pâk a, tempul ah chun a lut khawm tau hi.

NASEPTE 5:41

Vaihawm pawlte lak ah kipat a pawt daw phat un, zia min ziak ah mualphona thuak tâk ah ngai a hiziak ua chun, a kipak ma mau a.

ROMTE 5:3

Zia bep chule hilo in, gimthokna’n le kipak in um hitiu; gimthokna chun thok-hatna a siam hi ti I het ziak un.

2 KORINTH 12:10

Ziaziakchun, Khrista ziakin hatlonate, hosiatnate, châtganate, sukgentheinate leh buainate ah hin ka kipak sek hi; ka hâtlo phat si’n leh ka hat sek ngal a.

KOLOSSA 1:24

Nangmau ziak ah tu’ ka thokgimnate ah hin ka kipak ahi; chuleh, a taksa, a kochuamte ziak ah Khrista thokgimnate chu ka taksa ah hin ka subukim pek ahi.

2 TIMOTHI 2:12

I thok uh chun, ama tawh vaihawm khawm hitiu; ama I kilepsan uh chun, ama’nle ei kilepsan in a.

HEBRAITE 11:26

Khrista a musitnau chu Aigupta ah gote sâng in hausakna thupi zaw’n a ngai ah, kipakman mu ding chu a thîl ziakin.

HEBRAITE 11:6

Ginna lo in Pathian chu sukkipak thei ahi puai; kuale Pathian kiang ah hung chun, ama chu a um ngei hi ti leh, ama hawlte chu kipakman pesek ahi, ti a ginchâk diu ahi.

JAKOB 1:2

Ka suapite haw, patepna bang gual la tuak unle, kipakna lam bep in ngai un,

1 PETER 4:13

Khrista thokna ah thokpite la hi dungzui un kipak zaw un; chutichun, a lopina a hung kilâk phât leh nang uh le lim tak in kipak thei in lau.

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.

THUPUAN 2:26

A zotu leh a tawp tiang ah ka nâte sêmpha zingte kiang ah chun: Namte chung ah thuneina pia’ng ka tin,

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.

THUPUAN 21:7

A zo te chun zia zosia chu lua intiu in, kei a Pathian uh hi’ng ting, amau chu ka cha hi’n au.

THUPUAN 3:12

Kuale a zo tapo chu ka Pathian biak In ah khuam in pansak ing ka tin, zia kipat chun pawt kît ta pua’n tin; chuleh, a chung ah chun ka Pathian min leh, ka Pathian khawpi min Jerusalem thak, van ah Pathian kiang ah kipat hung kitâwl suk min leh keima min thak chu zik ding ka hi.

THUPUAN 3:5

A zo te chu puan vâm silsak hi’n tiu in; hinna lekhabu a min uh chu thâimang him him pua’ng ka; Pa ma-âng leh vansawlchâkte ma-âng ah chun a min uh chu panpi zaw’ng ka.