LUKA 6:22 - PATHIAN LEKHABU THIANGTHO (BSI)

²² Mihing Chapa ziak ah a hun huat ua, a hun pâm pai ua, a hun hosiat ua, a hun sukminsiat phat ua leh mi hampha la hiu,

LUKA 6:22 ပူးပေါင်းရင်းမြစ်များ

ISAI 65:5

amau chun, “A la kivêng inla, ei hun nai kin, nang ah kipat koidaw thiantho ka hi ta’ngal un,” a tiu a. Zia gual mite chu ka nâk hawm ah meikhu ka thâdaw gual leh, sun nitum ah meikâng gual chu a hiu.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

MATTHAI 10:18

ahi, keima ziakin vaihawmte leh lengte ma-âng ah, amau leh Jentelte kiang ah hiatsakna dingin hun pui in au.

MATTHAI 10:22

Keima min ziakin mi zosia huat hi’n lau; himaleh, a tawp tiang ah thuak mualsuak tapo chu hukdam in um in au.

MATTHAI 10:39

Kua’nle ama hinna ding bep a ngaitua chun chân intin; kuale keima ziak ah a hinna chân chun mu’n a.

LUKA 20:15

Tichun, ama chu grep huan ah kipat chun a kaidok ua, a that tau a. Aleh, zia grep huan neipa chun bang a hun law ta diam?

LUKA 21:17

Keima min ziakin mi zosia muda hung hi’n lau.

LUKA 6:21

Tu ah gilkialte hi mi hampha la hiu, hung vâ ding la hingal un. Tu’hun ah kapte hi mi hampha la hiu, hung nui ding la hingal un,” a tia.

JOHAN 12:42

Ahi’n la, thuneite lak ah le mi tam tak in ama chu a hun ging tau a; himaleh, kikhopna In ah kipat nawdaw a um khak diu a lau ziak un, Pharisaite ziakin langchang tak in a kipuang ngam puau hi.

JOHAN 16:2

Sunagog ah kipatte’n hun kaidok intiu in; ahi, kuale nangmau hun that tapo chu Pathian ho in kingai in au, zia tawhbang hun chu hung tung pai ding ahi.

JOHAN 17:14

Keima’n la thu a kiang un ka pia ta’n, keima khawvel ah mi ka hi’lo gual ma’n, amau hawle khawvel ah mi a hi’lo ziak un, khawvel in amau chu a haw tai.

JOHAN 7:7

Nang uh khawvel in a hun hawthei pua’n, keima ka hileh chu ei huau ahi, a thil phalo bawlteu a phatlo dan ka gendaw piak ziakin.

JOHAN 9:34

Amau chun a kiang in, “Nang la pumchang ah gilo ah piang hin kei uh ei hil gua la hi maw?” a tiu a; tichun, ama chu a nawdok tau hi.

NASEPTE 22:22

Zia tiang ah chun a ngaithau a; chun, a kiko ua, “Zia tawhbang mi chu lei ah kipat koimang un! A hing tâk ahi puai,” a tiu a.

NASEPTE 24:5

Zia pa hi mi subuai leh lau um tak ahi’n, khawvel pumpi Judate lak ah buaina bawldok vet sek, Nazareth pawl ah a mapui pen a hi ti kichian tak in ka he tau hi.

NASEPTE 9:16

ka min ziak ah bang gual gentheina a hem a thok ding, a kiang in hun hiatsak ding ka hi,” ti’n a dawnhu a.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

1 PETER 3:14

Ahi’n la, dikna ziak ah la thok ua leh a hampha la hiu. Amau chu kicha kiu inla, lauthawng diak kiu in,