LUKA 6:20 - PATHIAN LEKHABU THIANGTHO (BSI)

²⁰ A nungzuite lam ah hung kihei in a hun en ah, zia gual hin a gen a: “Nanghaw gentheite haw, mi hampha la hiu; Pathian gam chu nangmau â ahi ngal in.

LUKA 6:20 ပူးပေါင်းရင်းမြစ်များ

SAM 37:16

Mi nunsia thil tam tak neite sâng in, midik thil tawmcha neite chu a phazawi.

THUPILTE 16:19

Mi kiletsakte tawh gal lâk thil kihop sâng in, mi chagate tawh lungthim kingaitawm tak ah um khawm a pha zawi.

THUPILTE 19:1

Mingol zuauthei tak sâng in, migenthei lungthim dik tak chu a pha zawi.

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

ZEPHANIAH 3:12

Nanghaw lakah mi kingaitawm leh, mi niamte chu nutsia ah um ding a hiziak un. Amau chun Lalpa min bêl intiu in,

ZEKARIAH 11:11

Zia ni ma ma ah chun phel kit a hita’n; belam zuakte, ei la entha zingte chun zia thu chu Lalpa kamsuak ahi ti a hiau a.

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

MATTHAI 5:1

Mipite chu Jesu’n a mu phât in, tâng in a chia to ah, a kichut zaw phat in a nungzuite a kiang in a hung ua,

LUKA 12:32

Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.

LUKA 13:28

Tichun, Abraham, Isak, Jakob leh jawlneite zosia chu Pathian gam ah chun mu’n la tiu in, nangmau chu pawlam ah um la hiu la kihet tak ua leh, kap leh hagial in um ta’n lau.

LUKA 14:15

A ankuang ûmpi kua a hem khat in zia thute chu a la het in, a kiang in, “Pathian gam ah an ne dingte chu a hampha nau e!” a tia.

LUKA 16:25

Himaleh, Abraham chun, “Ka chapa, nang in la dam lai khan thilpha la chang in, zia gual ma chun Lazar in thil phalo a chan kha hezing ta’n; tu’hin vang ama zia hin lungmuang tak in a um in, nangma thuakgim tak in la um ahi tai.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

2 KORINTH 6:10

lungngai gual in, himaleh kipak zingin; genthei gual in, himaleh mi tam tak hihausa ngal in; bangma neilo gual in, himaleh bangkim nei bukim ngal in ka um zawu hi.

2 KORINTH 8:2

haksatna nasa tak a tuak lai un, a chatganau huaisia leh a kipaknau nasa tak chu amau lak ah kiphalna luanglet a hung hi khawlaw dante kha.

2 KORINTH 8:9

Lalpa Jesu hepina chu, a gentheina ziak ah la hung hausak theina ding un, hausa maleh nanghaw ziak ah a genthei law kha la he’nau.

1 THESSALONITE 1:6

Thu chu sukgentheina thuak kawm in, Thagau Thiangtho ah kipak tak in la pom ua, kei uh leh Lalpa umdan zuitute la hitau hi.

2 THESSALONITE 1:5

Ziate chu Pathian gam â ding ah guat tâk la hi’theina ding ua, Pathian vaihawm dikna tepte’na kichian tak ahi, ziate ziak ah chu thuak la hiu.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

THUPUAN 2:9

La thil hi dante, la genthei dante leh la vaichâk dante (ahi’n la, la hausa nai) ka hun hia’i; Juda mi hilo ah ka hi hung kitite, Setan kikhopna In hizaw te hun gensiatna chule ka hia’i.

1 SAMUEL 2:8

Chaga chu leivui lak ah kipat in a kaitho in, mi tasam chu leivui lakah kipat dom sâng in, leng chate lak in a kichutsak in, lopina chutpha a luasak hi. Lei kingakna khuamte chu Lalpa â a hia, khawvel chu a chung un a nga ahi.