LUKA 5:35 - PATHIAN LEKHABU THIANGTHO (BSI)

³⁵ Himaleh, a pawsal chu a kiang ua kipat puimangna ding ni hung tung intin, zia tak chuleh vang hun ngawl ta’n au,” a tia.

LUKA 5:35 ပူးပေါင်းရင်းမြစ်များ

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

DANIAL 9:26

Hapta sawmguk leh ni zaw leh sathaunu’ ah um chu pai thâk in um intin, bangma nei ta pua’n a; chuleh, a hung ding lal sepaite chun khawpi leh mun thiangtho chu susia’n au. A tawpna tuisânglet gual hi’ntin, a tawpna dingin kido’na hung um in a. Siatna huaisia tung ding chu guatsa ahi tai.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

MATTHAI 9:15

Jesu chun, “Moneipa chu a lak ua a um sungsia chu, a gualte’n a sûn ngai sek ua a hem? Himaleh, a pawsal amau ah kipat puimang ni a hung tun tak leh vang, zia tak chuleh anngawl in au.

MARKA 2:20

Ahi’n, moneipa chu amau ah kipat pui mang ni hung tung intin, zia phat chuleh vang, hun ngawl ta’n au.

LUKA 17:22

Chuleh, a nungzuite kiang in, “Mihing Chapa dam lai ni’te hi ni khat bêk la ngai vung vung hun uh hung um intin, ahi’n la, mu ta pua’n lau.

LUKA 5:34

Jesu’n a kiang un, “Mopuite kiang ah a pawsal ding chu a um sungsia’n mopuite chu an la ngolsak thei sek awm?

LUKA 5:36

Chuleh, a kiang un tekhinthu’n thu dang khat a gen kit a: “Kuama’n puan thak them puaitha’n puan lui phawna’n a mang ngai puau hi; phaw tabangleu puan lui leh puan thak them chu kituak pua’n tin, hun kai ek zaw bep ding ahi.

JOHAN 12:8

Migentheite chu la kiang un um zing ding a hiu in, keima hi vang um zing lo ding ka hi,” a tia.

JOHAN 13:33

Naute haw, la kiang un chomkhat bep um ding ka hi tai. Nang un ei hawl in lau; chuleh, Judate kiang ah, ‘Ka chiana ding ah hung thei pua’n lau,’ ti ah ka gen gual khan, tu’hin nang uh kiang inle ka gen a hi.

JOHAN 16:28

Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

NASEPTE 1:9

Zia thute chu a gen zaw phatin, a et zing lai un, ama chu lâk to in a um ta’n, sûm in ama chu a pui to ah, a mupha ta puau hi.

NASEPTE 14:23

Kochuam tin ah a upa dingteu a guat zaw phat un, anngawl ah pauchap in, a gin uh Lalpa khut ah chun a kolsak malam pek tau a.

NASEPTE 3:21

Khawvel siamtil ah kipat Pathian in a jawlneite kam ah a la gensa gual khan, bangkim siamthak hun a hung tun masia, ama chu van ah um tadi ding ahi.

1 KORINTH 7:5

Pauchap ding ah la kipiak theina ding un leh, la kivop kit theina ding un, sawt lo cha sung ding ah pha lasak gêl uh a hilo ngal leh, kuama kikâk in um kiu in; chutilochun, kisûm zo lo in Setan in hun thêm kha’n a.

2 KORINTH 11:27

sepgimna leh thokgimna, i-mut lona ah tamvei, gilkial leh dangchâk ah umnate, an ngolna tamvei tak, dap thokna leh ngawnchang ah umna ah te leh,