LUKA 5:32 - PATHIAN LEKHABU THIANGTHO (BSI)

³² midikte ko ding ah hung ka hipua’n, migilote’n a gitlonau a haisanna ding ua hung ka hizawi,” a tia.

LUKA 5:32 ပူးပေါင်းရင်းမြစ်များ

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

MATTHAI 18:10

Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

MATTHAI 9:13

Chutichun chiau inla, ‘Kithoina ka dawi pua’n, jangaina ka dawi hi,’ ti hi a umdan vazil un; midikte hawl ding ah hung ka hipua’n, mi gilote hawl ding ah hung ka hizawi,” a tia.

MARKA 15:10

Mitthipna ziak ah thiampu lalte’n a mat uh ahi ti a he ngal a.

MARKA 15:7

Suangkul ngâkte lak ah midang pakhat, a min Barabba a tiu chu, helpawl ah pang, a mi tha ziak ah tâng a la um a.

MARKA 2:17

Jesu’n a het phat in, a kiang un, “Mi damtheite’n daktor a ngai puau in, mi damtheilote’n a ngai sek ui; midikte ko ah hung ka hipua’n, migilote ko ah hung ka hizawi,” a tia.

LUKA 15:10

Ka hil la hiu, zia gual ma chun, Pathian vansawlchâkte ma ah chun migilo pakhat lungheina ziakin kipakna a um sek ahi, a tia.

LUKA 15:7

Ka hil la hiu, zia gual ma chun, mipha sawmkua leh kua lungheina nei diaklote chung sâng in, migilo pakhat lungheina chung in van ah mi kipak zaw’n au.

LUKA 19:10

Mangthaite hawl ah hukdam dingin Mihing Chapa hi hung him ahi,” a tia.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

LUKA 5:31

Jesu’n a kiang un, “Mi damtheite chun daktor a ngai puau in, mi damtheilote chun a ngai uh ahi;

LUKA 5:33

Chuleh, amau chun a kiang in, “Ahi’n la, Johan nungzuite leh Pharisaite nungzui haw khan an a ngawl sek un. Aleh, la nungzuite hin la a neu in, a dawn un,” a hung tiu a.

NASEPTE 17:30

Pathian in I mawllai hunteu ah ei ngaithiam ah; ahi’n la, tu’hin gamtin ah mi zosia chu lunghei dingin thu a pia ta ahi;

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

NASEPTE 20:21

Juda mi leh Grik mi kuama khenchuam lo in, Pathian lam ah la lung hei theina diu ngaitua ziakin, I Lalpau Jesu ah chun ginna nga det zawn la lak un na ka sêm a.

NASEPTE 3:19

Ziaziakchun, la gitloteu thaimang ah a umtheina dingin la lung uh hei unla, Pathian kiang lam ah hung kinung hei kit un;

NASEPTE 3:26

Pathian in a suak chu a tundaw lai in, la bawsiatnateu la hun haisan ua, a hun maljawl kit theina dingin, nanghaw kiang in a hun sawl masa ahi, ti’n a gen a.

NASEPTE 5:31

Ama chun Israelte kiang ah lungheina leh gitlo ngaidamna a piak theina dingin, Pathian in Lalpa leh Hukdampa hiding in a khut changlam in a chawisâng tai.

2 PETER 3:9

Mi khenkhat in chanchûm ah a ngai gual un, Lalpa chu a thutiam lam in a chanchûm puai; kuama manthai ding doilo in, mitin in lunghei leu ti a dawi ziakin la lam un a dawthei zaw ahi.