LUKA 5:26 - PATHIAN LEKHABU THIANGTHO (BSI)

²⁶ Tichun, a leng un lamdang sakna’n a dim tau a; Pathian a pâk chiat ua, lau tak kawm in: “Tu’ni hin thil lamdang tak I muu ahi” a tiu a.

LUKA 5:26 ပူးပေါင်းရင်းမြစ်များ

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

MATTHAI 12:23

Mipi zosia chun mak a sa ma mau a, “David Chapa chu a himai diam maw?” a kitiu a.

MATTHAI 28:8

Tichun, lau leh kipak ma ma kawm in thân chu a nusiau ah, akinthei pen in a nungzuite vahil dingin a tai tau hi.

MATTHAI 9:8

Mipite chun zia thil chu a mu phât un, lamdang a sau ah, mihingte kiang ah zia gual thuneina pepa Pathian chu a chawihoi tau hi.

MARKA 2:12

Tichun, ama chu a tho ah, a lupna chu a la, a leng ua mit mu in a pawtdok ta’n, a leng un mak a sa ma mau ah, Pathian a chawihoi tau a, ‘Zia gual him him hi I la mu ngai puau hi’ ” a tiu a.

LUKA 1:65

A Inkiangteu zosia chu a lau ma mau a; chuleh, zia thute chu Judea gam thingtâng gam tiang in a kithang suak tai.

LUKA 5:8

Himaleh, Simon Peter in zia chu a mu phât in, Jesu kengbul in a hung bokkhup ah, “Lalpa, ei nusia ta’n, migilo ka hi!” a tia.

LUKA 7:16

Mi zosia chu a lau tau a; Pathian a chawihoi ua, “I lak un jawlnei lopi tak khat a hung pawt ah, Pathian in a mite a hung kantha ta ahi,” a tiu a.

LUKA 8:37

Ziaphatchun, Gerasin gam leh a tuamvêl ah mi zosia chun a lau ma ma ziak un, amau chu nusia dingin Jesu chu a don tau hi. Tichun, long ah chun a lut ah, a kile’kit tai.

NASEPTE 4:21

A vau lau kit zaw un, a thâdok tau a; mipite ziak ah chun amau gawttheina ding lampi a muthei puau ah, thiltung te ziak ah chun mipi zosia chun, Pathian a pâk tangal un.

GALATIA 1:24

Tichun, keima ziakin Pathian a chawihoi tau ahi.