LUKA 5:22 - PATHIAN LEKHABU THIANGTHO (BSI)

²² Himaleh, Jesu’n a lungthim ua a ngaituau chu a het phat in a kiang un, “Bang ding ah zia gual lungthim chu nei la hiu em?

LUKA 5:22 ပူးပေါင်းရင်းမြစ်များ

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

SAM 139:2

Nang in ka chut leh ka din la hia’n; gamla tak ah kipat in ka ngaituanate la hia’i.

THUPILTE 15:26

Thil phalo guanggal chu Lalpa ki’dak lam tak ahi’n; lungthim thiangtho chu a lung lam tak ahi.

ISAI 66:18

A lungthim ua a ngaituanau zosia leh a thilbawl zosiau chu ka he ngal a; chuleh, namtin leh pautinte pui khawm dingin ka hung kuan hi; tichun, hung khawm intiu in, ka lopina chu mu ta’n au;

EZEKIEL 38:10

Lalpa Pathian in zia gual hin a gen hi: Zia ni chuleh, thil phalo hun ngaitua inla tin, phalo tak ah bawl ding dan hun guanggal ding la hi.

MATTHAI 12:15

Jesu’n zia chu a het phat in, zia kipat chun a kikoi kâng tai. Ahi’n, mipi tam tak in ama chu a zui jel un, amau chu a la hi’dam sik sek a;

MATTHAI 12:25

Jesu’n a lungthim ua a ngaituateu chu a hia’n, a kiang un, Kua gam hilehle a kikhen ua leh siatna a tung sek hi; kua khua hi’n, kua Insung hilehle a kikhen ua leh dingdok ngai pua’n a.

MATTHAI 9:4

Jesu’n a ngaitua nau chu a het phat in, “Bangatia, la lungthim ua thil gilo ngaitua la hiu em?

MARKA 8:17

Jesu’n zia chu a la het phat in a kiang un, “Bangatia vaithum la neilo ziak ua lungkham la hiu em? Tu’tiang hinle hethei nai lo ah, hethiam nai lo la hiu maw? La lung uh tâksak ah um a hita em?

LUKA 24:38

Ama chun a kiang un, “Bang ding ah lungkham la hiu em? Bang a tia la lunggil ua gingla la hiu em?

LUKA 5:21

Ziaphatchun, lekhazikte leh Pharisaite chun, “Zia Pathian gensia hi kua a hem? Pathian tilo ngal kua a hem gitlona ngaidam thei ding?” a tiu a.

LUKA 5:23

‘La gitlonate ngaidam ahi tai’ ti tawh, ‘Tho inla, chia in’ ti khoi a bailam zaw em?

NASEPTE 5:3

Peter chun, “Ananiah, Thagau Thiangtho thêm ding leh gam zok man hun tiang chu îm ding ah, bang ziak ah Setan in la lungthim hi’dim a hem?

HEBRAITE 4:12

Pathian thu hi a hing ah, thil ahi’thei ah, chemjam hiamtua zosia sâng inle a hiam zaw’n, hinna leh thagau, gutua leh theng kikhen khop hial ah sun thei ahi; lungthim ah ngaitua leh tupte chu a hethei ngal ahi.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.