LUKA 5:21 - PATHIAN LEKHABU THIANGTHO (BSI)

²¹ Ziaphatchun, lekhazikte leh Pharisaite chun, “Zia Pathian gensia hi kua a hem? Pathian tilo ngal kua a hem gitlona ngaidam thei ding?” a tiu a.

LUKA 5:21 ပူးပေါင်းရင်းမြစ်များ

SAM 103:3

la manthei lona zosia a ngaidam ah, la natna zosia a hi’dam ah,

SAM 130:4

Himaleh, la kiang ah ngaidamna a um hi, ja um tak ah la umtheina dingin.

SAM 32:5

Ziaphatchun, ka gitlona la kiang in ka puang ah, ka khawlona chu ka îm ta pua’n; “Ka sukkhialna chu Lalpa kiang ah thupha chawi ta’ng ka,” ka tin; tichun, ka gitlona chu la ngaidam ta ahi. (Selah)

SAM 35:5

Busi hui in a taw mang gual in um uh hen la, Lalpa vansawlchâk in del mang ta hen!

ISAI 1:18

Lalpa‘n, “Tu’hin hung unla, ngaitua khawm hitiu, la gitlonateu chu puan sandup gual in um maleh, vûk gual in vâm in a; santhîp ziang ta maleh, samul vâm gual hung hi’n a.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

DANIAL 9:19

Aw Lalpa, ngai inla; Aw Lalpa ngaidam in; aw Lalpa ngaitha’n la, khawdâng lo in hun bawl ngal in! Aw ka Pathian, nangma min ziak in, khawpi leh mipite chu nangma min ah kiminlaw ahi ngal un! ti in.

DANIAL 9:9

Lalpa I Pathian uh vang ja’ngaina dim leh ngaidam zo zing ahi; ama chung in a la hel tamaleu hin,

THIAMPUTE LEKHABU 24:16

Lalpa min gensia taphot chu thalup ngei ngei ding a hiu: Mipi zosia’n suang in a se’lup ding uh ahi: gam dang mi le a gam ah mi gual in Lalpa min a gensiat leh tha ngâl ding ahi.

MIKAH 7:19

Ama chun ei hun hepi kit intin; I thulim lonau zosia a keng in tawden ta’n a. Ka gitlo’nau zosia chu tuisuagiat li thûk tak ah pai lut ta’n la.

MATTHAI 26:65

Ziaphatchun, thiampu lianpen chun a puan a botthêk a, “Pathian a gensia tai, thuhiatpitu dang bang a ngai nalai em? En tiam un, a Pathian gensiatna le la he tau hi;

MATTHAI 9:3

Lekhazikte lak ah khenkhat chun a lungthim un, “Zia pa hi Pathian gensia ahi,” a tiu a.

LUKA 3:8

Gitlo haisanna tawh kigûn in ga hun sua phot tau in. La lunggil un, ‘Abraham chu ei suanpa ahi’ ti’n kisuang ziang kiu in; ka hil la hiu, Pathian in zia suangchangte hile Abraham chate a suaksak thei hi.

LUKA 5:17

Ni khat chu thu a gen lai in, (Galili gam ah khawpi kipat, Judea gam leh Jerusalem vêl ah kipat, mipi hung khawmte lak ah chun) Pharisaite leh lekhazikte le a la kichu khawm un. Amau sukdamna ding ah chun, Lalpa thilhitheina a kiang in a um a.

LUKA 5:22

Himaleh, Jesu’n a lungthim ua a ngaituau chu a het phat in a kiang un, “Bang ding ah zia gual lungthim chu nei la hiu em?

LUKA 7:49

Himaleh, a kiang ah a an nêkpite chun amau kihona chun, “Gitlonate ngaidam ziang thei hi kua ahi dia aw!” a kitiu a.

JOHAN 10:33

Judate chun, “La nasep phat ziak ah hun se gua ka hi puau in, mihing hingal ah Pathian in la kisiam ah, Pathian la gensiat ziakin ahi zawi,” a tiu a.

ROMTE 8:33

Pathian mitêlte chu kua’n hêk thei ding a hem? Thiam chansakpa chu Pathian ahi ngal a.